മ​ന്ത്രി​മാ​ർ​ക്കെ​തി​രാ​യ ഫാ​. തി​യോ​ഡോ​ഷ്യ​സിന്റെ വ​ർ​ഗീ​യ അ​ധി​ക്ഷേ​പം: അന്വേഷിക്കാൻ നിർദേശമെന്ന്

കോ​ഴി​ക്കോ​ട്: മ​ന്ത്രി​മാ​രാ​യ വി. ​അ​ബ്ദു​റ​ഹ്മാ​ൻ, അ​ഹമ്മ​ദ് ദേ​വ​ർ​കോ​വി​ൽ എ​ന്നി​വ​ർ​ക്കെ​തി​രെ വി​ഴി​ഞ്ഞം സ​മ​ര​സ​മി​തി ക​ൺ​വീ​ന​ർ ഫാ​. തി​യോ​ഡോ​ഷ്യ​സ്​ ഡി​ക്രൂ​സ്​ ന​ട​ത്തി​യ വ​ർ​ഗീ​യ അ​ധി​ക്ഷേ​പ​ങ്ങ​ളെ കു​റി​ച്ച് തി​രു​വ​ന​ന്ത​പു​രം സി​റ്റി പൊലീസ് ക​മീ​ഷ​ണ​ർ അ​ന്വേ​ഷി​ച്ച് ന​ട​പ​ടി സ്വീ​ക​രി​ക്കു​മെ​ന്ന് ഡി.​ജി.​പി​യു​ടെ ആ​സ്​​ഥാ​ന​ത്തുനി​ന്ന്​ അറിയിച്ചതായി ഐ.എൻ.എൽ സം​സ്​​ഥാ​ന ജ​നറൽ ​സെ​ക്ര​ട്ട​റി കാ​സിം ഇ​രി​ക്കൂ​ർ പ്രസ്താവനയിൽ പറഞ്ഞു.

ഡി​ക്രൂ​സി​നെ​തി​രെ കേ​സെ​ടു​ക്ക​ണ​മെ​ന്നാ​വ​ശ്യ​പ്പെ​ട്ട് ഐ.​എ​ൻ.​എ​ൽ സം​സ്​​ഥാ​ന ക​മ്മി​റ്റി ഡി.​ജി.​പി​ക്ക് ന​ൽ​കി​യ പ​രാ​തി​യി​ലാ​ണ് ന​ട​പ​ടി. ഉ​ത്ത​രേ​ന്ത്യ​യി​ലേ​തുപോ​ലെ പ​ര​മ​ത വി​ദ്വേ​ഷം വി​ത​ക്കാ​നും സാ​മു​ദാ​യി​ക ചേ​രി​തി​രി​വു​ണ്ടാ​ക്കി ക​ലാ​പ​ന്ത​രീ​ക്ഷം സൃ​ഷ്​​ടി​ക്കാ​നു​മു​ള്ള ഇ​ത്ത​രം ആ​സൂ​ത്രി​ത നീ​ക്ക​ത്തി​നെ​തി​രെ ക​ർ​ശ​ന ന​ട​പ​ടി സ്വീ​ക​രി​ക്ക​ണ​മെന്ന് പരാതിയിൽ ആവശ്യപ്പെട്ടു.

'ഫാ. തിയോഡോഷ്യസിനെതിരെ നടപടിയെടുക്കണം'

കോഴിക്കോട്: മന്ത്രി വി. അബ്ദുറഹിമാന്റെ പേരിൽതന്നെ ഒരു തീവ്രവാദിയുണ്ടെന്ന വിഴിഞ്ഞം സമരസമിതി നേതാവ് ഫാ. തിയോഡോഷ്യസിന്റെ പരാമർശം അത്യന്തം പ്രതിലോമകരവും നികൃഷ്ടവുമാണെന്ന് ഐ.എൻ.എൽ (വഹാബ്​ വിഭാഗം) സംസ്ഥാന സെക്രട്ടേറിയറ്റ് പ്രസ്താവനയിൽ പറഞ്ഞു. അങ്ങേയറ്റം അപകടകരമായ ഇത്തരം നിലപാടുകൾക്കെതിരെ മതനിരപേക്ഷ കേരളം ഒറ്റക്കെട്ടായി പ്രതികരിക്കണമെന്നും ഫാ. തിയോഡോഷ്യസിനെതിരെ നിയമനടപടി സ്വീകരിക്കണമെന്നും സെക്രട്ടേറിയറ്റ് ആവശ്യപ്പെട്ടു. സംസ്ഥാന ആക്ടിങ് പ്രസിഡന്റ് കെ.പി. ഇസ്മായിൽ അധ്യക്ഷത വഹിച്ചു.