Top
Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightഫ്രാ​​േങ്കാ...

ഫ്രാ​​േങ്കാ മുളയ്​ക്കലിനെതിരെ മൊഴി നൽകിയ വൈദികൻ മരിച്ച നിലയിൽ

text_fields
bookmark_border
ഫ്രാ​​േങ്കാ മുളയ്​ക്കലിനെതിരെ മൊഴി നൽകിയ വൈദികൻ മരിച്ച നിലയിൽ
cancel

ന്യൂഡൽഹി: കന്യാസ്​ത്രീയെ മാനഭംഗം ചെയ്​ത കേസിൽ ജലന്ധർ മുൻ ബിഷപ്​ ഫ്രാ​​േങ്കാ മുളയ്​ക്കലിനെതിരെ സുപ്രധാന മൊഴി നൽകിയ വൈദികൻ കുര്യാക്കോസ്​ കാട്ടുതറയെ (61) ദുരൂഹ സാഹചര്യത്തിൽ മരിച്ചനിലയിൽ കണ്ടെത്തി. പഞ്ചാബിലെ ജലന്ധറിനടുത്ത ഹോഷിയാർപൂർ ജില്ലയിലെ ദസൂയ സ​​െൻറ്​ പോൾസ്​ കോൺവ​​െൻറ്​ സ്​കൂൾ വളപ്പിലെ സ്വന്തം മുറിയിൽ തിങ്കളാഴ്​ച രാവിലെയാണ്​ മരിച്ചനിലയിൽ കണ്ടെത്തിയത്​. ദുരൂഹ സാഹചര്യത്തിലാണ്​ മരണമെന്ന്​ പഞ്ചാബ്​ പൊലീസ്​ മാധ്യമങ്ങളെ അറിയിച്ചു.

കേരള ഹൈകോടതി ജാമ്യം അനുവദിച്ചതിനെ ത​ുടർന്ന്​ ജലന്ധറിൽ തിരിച്ചെത്തിയ ഫ്രാ​േങ്കാക്ക്​ വൻ വരവേൽപ്​ ഒരുക്കിയതിന്​ പിറകെയാണ്​ മൊഴി നൽകിയ പ്രധാന സാക്ഷിയുടെ ദുരൂഹ മരണം. 15 ദിവസം മുമ്പ്​ ദസൂയയിലേക്ക്​ ഫാദർ കുര്യാക്കോസിനെ സ്​ഥലം മാറ്റിയത്​ ഫ്രാ​േങ്കാ മുളയ്​ക്കലിനെതിരെ മൊഴി നൽകിയതി​​​െൻറ പ്രതികാര നടപടിയാണെന്ന്​ ആക്ഷേപമുയർന്നിരുന്നു. അദ്ദേഹം​ സ്വന്തം സുരക്ഷയിൽ ആശങ്ക പ്രകടിപ്പിക്കുകയും ചെയ്​തിരുന്നു. മരണത്തിൽ ദുരൂഹതയുണ്ടെന്ന്​ ആരോപിച്ച ബന്ധുക്കൾ ആലപ്പുഴയിൽ പോസ്​റ്റ്​ മോർട്ടം നടത്തണമെന്ന ആവശ്യവും ഉന്നയിച്ചിട്ടുണ്ട്​.

ഞായറാഴ്​ച കുർബാനയും ഉച്ചഭക്ഷണവും കഴിഞ്ഞ്​ സ്വന്തം മുറിയിലേക്ക്​ പോയതാണ്​ വൈദികൻ. ഞായറാഴ്​ച അത്താഴത്തിനും തിങ്കളാഴ്​ച രാവിലെ പ്രഭാതഭക്ഷണത്തിനും വിളിച്ചിട്ടും മുറി തുറക്കാത്തതിനെ തുടർന്ന്​ വാതിൽചവിട്ടിത്തുറന്നപ്പോഴാണ്​ മരിച്ചനിലയിൽ കണ്ടത്​. മരണ കാരണം ദുരൂഹമായി തുടരുകയാണ്​. മരിച്ചത്​ എപ്പോഴാണെന്നതും വ്യക്തമായിട്ടില്ല. തിങ്കളാഴ്​ച രാവിലെ അബോധാവസ്​ഥയിൽ കണ്ടെത്തിയ ഫാദർ കുര്യാക്കോസിനെ സ്​ഥലത്തെ ആശുപത്രിയിലേക്ക്​ കൊണ്ടുപോകുകയായിരുന്നുവെന്ന്​ ഡെപ്യൂട്ടി പൊലീസ്​ ​സൂപ്രണ്ട്​ എ.ആർ. ശർമ പറഞ്ഞു. മരിച്ചനിലയിലാണ്​ എത്തിയതെന്ന്​​ ആശുപത്രി അധികൃതർ അറിയിച്ചു. ബിഷപ്പിനെതിരെ ഗുരുതരമായ ആരോപണം ഉന്നയിച്ച സഭയിലെ മുതിർന്ന വൈദികനാണ്​ കുര്യാക്കോസ്​. 2014 മേയിലും അതിനുശേഷവും കുറുവിലങ്ങാട്​ അതിഥി മന്ദിരത്തിൽ ബിഷപ്​​ ഫ്രാ​േങ്കാ മുളയ്​ക്കൽ നിരവധി തവണ ലൈംഗിക പീഡനത്തിനിരയാക്കിയെന്ന കന്യാസ്​ത്രീയുടെ പരാതി ഫാദർ കുര്യാക്കോസ്​ സാക്ഷ്യപ്പെടുത്തിയിരുന്നു.

പ്രായംകൊണ്ടുള്ള ചില്ലറ അസുഖങ്ങളല്ലാതെ കാര്യമായ ആരോഗ്യപ്രശ്‌നങ്ങളൊന്നും ഉണ്ടായിരുന്നില്ലെന്നാണ്​ കുടുംബം പറയുന്നത്​. അതേസമയം, ബിഷപ്പിനെതിരായ കേസില്‍ ഫാദര്‍ കുര്യാക്കോസ് കടുത്ത മാനസിക സമ്മര്‍ദത്തിലായിരുന്നുവെന്നും അവർ വ്യക്തമാക്കി. പരാതിക്കാരായ കന്യാസ്​ത്രീകൾക്കൊപ്പം നിന്നതിൽ ഫ്രാ​​േങ്കാ മുളയ്​ക്കലിന്​ തന്നോട്​ പകയുണ്ടായിരുന്നു​െവന്ന്​ ഫാദർ കുര്യാക്കോസ്​ നിരന്തരം വിളിച്ചുപറഞ്ഞിരുന്നുവെന്നും താൻ പഠിപ്പിച്ച വൈദികരുടെ പെരുമാറ്റംപോലും വിഷമമുണ്ടാക്കുന്ന തരത്തിലാണെന്നും കുര്യാക്കോസ്​ വെളിപ്പെടുത്തിയിരുന്നു. നേരത്തേ കേസുമായി ബന്ധപ്പെട്ട്​ തുറന്നു​ സംസാരിക്കാൻ തയാറായിരുന്ന കുര്യാക്കോസ്​ പിന്നീടുണ്ടായ സംഭവ വികാസങ്ങളെ തുടർന്ന്​ നിശ്ശബ്​ദനായിരുന്നു. തനിക്ക്​ ഭീഷണിയുണ്ടെന്നും ഫോണിൽപോലും സംസാരിക്കാൻ പറ്റാത്ത സാഹചര്യമാണെന്നും കുര്യാക്കോസ്​ ബന്ധുമിത്രാദികളോടും മാധ്യമപ്രവർത്തകരോടും പറഞ്ഞിരുന്നു.

Show Full Article
TAGS:Franco Arrest Fr. Kuriakose Kattuthara Nun Rape Bishop Arrest kerala news malayalam news 
News Summary - Fr. Kuriakose Kattuthara Dies - Kerala News
Next Story