Begin typing your search above and press return to search.
proflie-avatar
Login
exit_to_app
exit_to_app
madhu
cancel
Homechevron_rightNewschevron_rightKeralachevron_rightആൾക്കൂട്ടം...

ആൾക്കൂട്ടം തല്ലിക്കൊന്നിട്ട്​ നാലു വർഷം; മധുവിന്​ നീതി ഇനിയും അകലെ...

text_fields
bookmark_border

പാ​ല​ക്കാ​ട്​: അ​ട്ട​പ്പാ​ടി​യി​ൽ ആ​ദി​വാ​സി യു​വാ​വ്​ മ​ധു​വി​നെ (35) ആ​ൾ​ക്കൂ​ട്ടം ത​ല്ലി​ക്കൊ​ന്നി​ട്ട്​ ​ചൊ​വ്വാ​ഴ്ച നാ​ലു വ​ർ​ഷം പൂ​ർ​ത്തി​യാ​കു​ന്നു. ക​ട​യി​ൽ​നി​ന്ന്​ ഭ​ക്ഷ​ണം മോ​ഷ്ടി​ച്ചെ​ന്ന്​ ആ​രോ​പി​ച്ചാ​ണ്​ ഒ​രു സം​ഘം ആ​ളു​ക​ൾ പി​ടി​കൂ​ടി കൈ​ക​ൾ കെ​ട്ടി​യി​ട്ട്​ മ​ർ​ദി​ച്ച​ത്.

തു​ട​ർ​ന്ന്​ പൊ​ലീ​സി​ന്​ കൈ​മാ​റി​യ മ​ധു​വി​നെ അ​ഗ​ളി ആ​ശു​പ​ത്രി​യി​ൽ എ​ത്തി​ച്ചെ​ങ്കി​ലും മ​രി​ച്ചു. അ​ട്ട​പ്പാ​ടി ക​ടു​കു​മ​ണ്ണ മ​ല്ല​ന്‍റെ മ​ക​നാ​ണ്​ മ​ധു. 2018 ഫെ​ബ്രു​വ​രി 22ന്​ ​മു​ക്കാ​ലി​ക്ക്​ സ​മീ​പ​മാ​ണ്​ മ​ന​സ്സാ​ക്ഷി​യെ ഞെ​ട്ടി​ച്ച സം​ഭ​വം. കേ​സി​ൽ 90 ദി​വ​സ​ത്തി​ന​കം പൊ​ലീ​സ്​ കു​റ്റ​പ​ത്രം സ​മ​ർ​പ്പി​ച്ചെ​ങ്കി​ലും വി​ചാ​ര​ണ അ​ന​ന്ത​മാ​യി വൈ​കി.

കേ​സി​ൽ 16 ​പ്ര​തി​ക​ളാ​ണു​ള്ള​ത്. മു​ക്കാ​ലി സ്വ​ദേ​ശി​ക​ളാ​യ ഹു​സൈ​ൻ, മ​ര​ക്കാ​ർ, ഷം​സു​ദ്ദീ​ൻ, അ​നീ​ഷ്, രാ​ധാ​കൃ​ഷ്ണ​ൻ, അ​ബൂ​ബ​ക്ക​ർ, സി​ദ്ദീ​ഖ്, ഉ​ബൈ​ദ്, ക​രീം, സ​ജീ​വ്, സ​തീ​ഷ്, ഹ​രീ​ഷ്, ബി​ജു, മു​നീ​ർ എ​ന്നി​വ​രാ​ണ്​ പ്ര​തി​ക​ൾ. റി​മാ​ൻ​ഡി​ൽ ക​ഴി​ഞ്ഞി​രു​ന്ന പ്ര​തി​ക​ൾ ഇ​പ്പോ​ൾ ജാ​മ്യ​ത്തി​ലാ​ണ്.

നാ​ലു വ​ർ​ഷ​മാ​യി​ട്ടും കേ​സി​ൽ വി​ചാ​ര​ണ പൂ​ർ​ത്തി​യാ​വാ​ത്ത​തി​ൽ പ്ര​തി​ഷേ​ധം ശ​ക്ത​മാ​കു​ന്ന​തി​നി​ടെ ഹൈ​കോ​ട​തി ഇ​ട​പെ​ട്ടാ​ണ് കേ​സ് പ​രി​ഗ​ണി​ക്കു​ന്ന​ത് നേ​ര​ത്തെ​യാ​ക്കി​യ​ത്. കേ​സ്​ ന​ട​ത്തി​പ്പി​ൽ സ​ർ​ക്കാ​ർ ഗു​രു​ത​ര അ​ലം​ഭാ​വം കാ​ണി​ക്കു​ന്ന​താ​യി ആ​രോ​പ​ണം ഉ​യ​ർ​ന്നി​രു​ന്നു.

മ​ണ്ണാ​ർ​ക്കാ​ട്​ എ​സ്.​സി-​എ​സ്.​ടി കോ​ട​തി​യി​ൽ ന​ട​ന്നു​വ​രു​ന്ന കേ​സി​ൽ, സ്​​പെ​ഷ​ൽ പ​ബ്ലി​ക്​​ പ്രോ​സി​ക്യൂ​ട്ട​​റെ നി​യ​മി​ക്കാ​ൻ വ​ർ​ഷ​ങ്ങ​ളെ​ടു​ത്തു. ആ​ദ്യം നി​യ​മി​ച്ച പ്രോ​സി​ക്യൂ​ട്ട​ർ ആ​വ​ശ്യ​മാ​യ സൗ​ക​ര്യം ഏ​ർ​പ്പെ​ടു​ത്തി​യി​ല്ലെ​ന്ന്​ ചൂ​ണ്ടി​ക്കാ​ട്ടി ചു​മ​ത​ല ഒ​ഴി​ഞ്ഞു. ര​ണ്ട്​ വ​ർ​ഷം മു​മ്പ്​​ സ​ർ​ക്കാ​ർ ചു​മ​ത​ല​യേ​ൽ​പ്പി​ച്ച ര​ണ്ടാ​മ​ത്തെ സ്​​പെ​ഷ​ൽ പ​ബ്ലി​ക്​​ പ്രോ​സി​ക്യൂ​ട്ട​ർ വി.​ടി. ര​ഘു​നാ​ഥ്​ ആ​രോ​ഗ്യ​കാ​ര​ണം ചൂ​ണ്ടി​ക്കാ​ട്ടി ഒ​ഴി​യാ​ൻ താ​ൽ​പ​ര്യ​മ​റി​യി​ച്ചു.

ര​ണ്ട്​ ത​വ​ണ മാ​ത്ര​മാ​ണ്​ ഇ​ദ്ദേ​ഹം കോ​ട​തി​യി​ൽ ഹാ​ജ​രാ​യ​ത്. പ​ക​രം നി​യ​മ​ന​മി​ല്ലാ​ത്ത​തി​നാ​ൽ വി​ചാ​ര​ണ വീ​ണ്ടും പ്ര​തി​സ​ന്ധി​യി​ലാ​യി. കേ​സ്​ ക​ഴി​ഞ്ഞ മാ​സം പ​രി​ഗ​ണ​ന​ക്ക്​ എ​ടു​ത്ത​പ്പോ​ൾ പ​ബ്ലി​ക്​​ പ്രോ​സി​ക്യൂ​ട്ട​ർ എ​വി​ടെ​യെ​ന്ന്​ കോ​ട​തി ചോ​ദ്യ​മു​ന്ന​യി​ച്ച​ത്​ വ​ലി​യ ച​ർ​ച്ച​യാ​യി.

ഈ ​മാ​സം 15ന്​ ​പു​തി​യ പ​ബ്ലി​ക്​ പ്രോ​സി​ക്യൂ​ട്ട​റാ​യി ഹൈ​കോ​ട​തി​യി​ലെ മു​തി​ർ​ന്ന അ​ഭി​ഭാ​ഷ​ക​ൻ സി. ​രാ​ജേ​ന്ദ്ര​നേ​യും പ​ബ്ലി​ക്​​ പ്രോ​സി​ക്യൂ​ട്ട​റാ​യി രാ​ജേ​ഷ്​ എം. ​മേ​നോ​​നെ​യും നി​യ​മി​ച്ച്​ ഉ​ത്ത​ര​വി​റ​ങ്ങി. ക​ഴി​ഞ്ഞ 18ന്​ ​കേ​സ്​ പ​രി​ഗ​ണി​ച്ച കോ​ട​തി പ്രോ​സി​ക്യൂ​ട്ട​ർ കൂ​ടു​ത​ൽ സ​മ​യം ആ​വ​ശ്യ​പ്പെ​ട്ട​തി​നെ​തു​ട​ർ​ന്ന്​ കേ​സ്​ 25ലേ​ക്ക്​ മാ​റ്റി. വി​സ്താ​രം തു​ട​ങ്ങു​ന്ന​തി​ന്​ മു​മ്പു​ള്ള ന​ട​പ​ടി​​​ക്ര​മ​ങ്ങ​ൾ പൂ​ർ​ത്തി​യാ​യി​ട്ടി​ല്ല. പ്ര​തി​ക​ൾ​ക്ക്​ ഡി​ജി​റ്റ​ൽ തെ​ളി​വു​ക​ളു​ടെ പ​ക​ർ​പ്പ്​ കൈ​മാ​റ​ൽ, കു​റ്റ​പ​ത്രം വാ​യി​ച്ചു​കേ​ൾ​പ്പി​ക്ക​ൽ തു​ട​ങ്ങി​യ ന​ട​പ​ടി​ക​ൾ പൂ​ർ​ത്തി​യാ​യാ​ലേ വി​ചാ​ര​ണ തു​ട​ങ്ങാ​നാ​വൂ.

മ​ധു കൊ​ല​ക്കേ​സ്​ പ്ര​തി​യെ ബ്രാ​ഞ്ച്​ സെ​ക്ര​ട്ട​റി ആ​ക്കി​യ​ത്​ ക​ഴി​ഞ്ഞ സ​മ്മേ​ള​ന കാ​ല​ത്ത്​ സി.​പി.​എ​മ്മി​നു​ള്ളി​ൽ വ​ൻ വി​വാ​ദ​മാ​യി​രു​ന്നു. കേ​സി​ലെ മൂ​ന്നാം പ്ര​തി ഷം​സു​ദ്ദീ​നെ​യാ​ണ്​ മു​ക്കാ​ലി ബ്രാ​ഞ്ച്​ സെ​ക്ര​ട്ട​റി​യാ​യി തെ​ര​ഞ്ഞെ​ടു​ത്ത​ത്. സം​ഭ​വം വി​വാ​ദ​മാ​യ​തോ​ടെ വീ​ണ്ടും യോ​ഗം വി​ളി​ച്ച്​ ഷം​സു​ദ്ദീ​നെ മാ​റ്റി മ​റ്റൊ​രാ​ളെ തെ​ര​ഞ്ഞെ​ടു​ത്തി​രു​ന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:madhu murder
News Summary - Four years after the mob beat him; Justice is still far away for Madhu ...
Next Story