നാ​ല് വ​യ​സു​കാ​രി​യെ ലൈം​ഗി​ക​മാ​യി പീഡിപ്പിച്ച് ഒളിവിൽപോയ സി.പി.എം പ്രദേശിക നേതാവ് അറസ്റ്റിൽ

ചെ​ങ്ങ​മ​നാ​ട്: നാ​ല് വ​യ​സ്സു​കാ​രി​യെ ലൈം​ഗി​ക​മാ​യി ഉ​പ​ദ്ര​വി​ച്ച കേ​സി​ൽ സി.​പി.​എം മുൻ തേ​ല​ത്തു​രു​ത്ത് ബ്രാ​ഞ്ച് ക​മ്മി​റ്റി അം​ഗ​മാ​യിരുന്ന കു​ത്തി​യ​തോ​ട് ബം​ഗ്ലാ​വ് പ​റ​മ്പി​ൽ ബി.​കെ. സു​ബ്ര​ഹ്​​മ​ണ്യ​നെ (55) ചെ​ങ്ങ​മ​നാ​ട് പൊ​ലീ​സ് അ​റ​സ്റ്റ് ചെ​യ്തു.

ഈ ​മാ​സം 11നാ​ണ്​ സം​ഭ​വം. കു​ട്ടി ഭീ​തി​യി​ലാ​വു​ക​യും അ​സ്വ​സ്ഥ​ത പ്ര​ക​ടി​പ്പി​ക്കു​ക​യും ചെ​യ്ത​തോ​ടെ വീ​ട്ടു​കാ​ർ ചൈ​ൽ​ഡ് ലൈ​ൻ പ്ര​വ​ർ​ത്ത​ക​രെ അ​റി​യി​ച്ചു. തു​ട​ർ​ന്നു​ള്ള പ​രി​ശോ​ധ​ന​യി​ലാ​ണ് കു​ട്ടി പീ​ഡ​ന​ത്തി​നി​ര​യാ​യ​താ​യി തെ​ളി​ഞ്ഞ​ത്. കു​ട്ടി​യു​ടെ മാ​താ​വ്​ ചെ​ങ്ങ​മ​നാ​ട് പൊ​ലീ​സി​ൽ ന​ൽ​കി​യ പ​രാ​തി​യെ​ത്തു​ട​ർ​ന്ന് 15ന് ​പോ​ക്സോ വ​കു​പ്പു​ക​ൾ ചേ​ർ​ത്ത് കേ​സെ​ടു​ത്തെ​ങ്കി​ലും തേ​ല​ത്തു​രു​ത്ത് ചി​ന്ത തി​യ​റ്റേ​ഴ്‌​സ് സെ​ക്ര​ട്ട​റി​യും മേ​ക്ക​പ്​​മാ​ൻ അ​സോ​സി​യേ​ഷ​ൻ സം​സ്ഥാ​ന സ​മി​തി അം​ഗ​വു​മാ​യ പ്ര​തി ഒ​ളി​വി​ൽ പോ​വു​ക​യാ​യി​രു​ന്നു.

അ​തി​നി​ടെ, സി.​പി.​എ​മ്മും പൊ​ലീ​സും ചേ​ർ​ന്ന് പ്ര​തി​യെ സം​ര​ക്ഷി​ക്കു​ക​യാ​ണെ​ന്ന് വ്യാ​പ​ക പ​രാ​തി ഉ​യ​ർ​ന്നു. കോ​ൺ​ഗ്ര​സ് പ്ര​വ​ർ​ത്ത​ക​ർ തേ​ല​ത്തു​രു​ത്തി​ൽ പ്ര​തി​ഷേ​ധ​യോ​ഗം സം​ഘ​ടി​പ്പി​ച്ചു. കു​ട്ടി​യു​ടെ മാ​താ​പി​താ​ക്ക​ളെ പ്ര​തി​യും ഭാ​ര്യ​യും ചേ​ർ​ന്ന് മ​ർ​ദി​ച്ച​താ​യും പ​രാ​തി ഉ​യ​ർ​ന്നി​രു​ന്നു.

ചെ​ങ്ങ​മ​നാ​ട് സ​ർ​ക്കി​ൾ ഇ​ൻ​സ്പെ​ക്ട​ർ സോ​ണി മ​ത്താ​യി​യു​ടെ നേ​തൃ​ത്വ​ത്തി​ലാ​ണ്​ അ​റ​സ്റ്റ് ചെ​യ്ത​ത്. കോ​ട​തി 14 ദി​വ​സ​ത്തേ​ക്ക് റി​മാ​ൻ​ഡ് ചെ​യ്തു.