ചികിത്സയിലിരുന്ന നാലുവയസ്സുകാരി മരിച്ചു; ന്യുമോണിയയെന്ന് പ്രാഥമിക നിഗമനം

പാ​രി​പ്പ​ള്ളി/​ക​ഴ​ക്കൂ​ട്ടം: പ​നി ബാ​ധി​ച്ച് ചി​കി​ത്സ​യി​ലി​രു​ന്ന നാ​ലു​വ​യ​സ്സു​കാ​രി മ​രി​ച്ചു. ന്യു​മോ​ണി​യ​യാ​ണ് മ​ര​ണ​കാ​ര​ണ​മെ​ന്ന് പ്രാ​ഥ​മി​ക നി​ഗ​മ​നം. ചി​റ​ക്ക​ര കു​ള​ത്തൂ​ർ​കോ​ണം രേ​വ​തി​യി​ൽ ദീ​പു എ​സ്. പി​ള്ള​യു​ടെ​യും ര​മ്യ​യു​ടെ​യും മ​ക​ൾ ദി​യ​യാ​ണ് മ​രി​ച്ച​ത്. പാ​രി​പ്പ​ള്ളി പൊ​ലീ​സ്​ മാ​താ​പി​താ​ക്ക​ളെ ചോ​ദ്യം​ചെ​യ്​​ത​ശേ​ഷം വി​ട്ട​യ​ച്ചു.

ചി​റ​ക്ക​യി​ലെ സ്വ​കാ​ര്യ​ആ​ശു​പ​ത്രി​യി​ൽ ചി​കി​ത്സ ന​ട​ത്തി​യി​രു​ന്ന കു​ട്ടി​ക്ക് അ​സു​ഖം കു​റ​ഞ്ഞ​തി​നെ​തു​ട​ർ​ന്ന് വീ​ട്ടി​ലേ​ക്ക് കൊ​ണ്ടു​പോ​യി​രു​ന്നു. ക​ഴി​ക്കാ​ൻ വി​സ​മ്മ​തി​ച്ച​തി​നാ​ൽ ത​ല്ലി​യ​താ​യി മാ​താ​വ് പ​റ​യു​ന്നു. പി​ന്നീ​ട് പ​നി കൂ​ടി​യ​തി​നെ​തു​ട​ർ​ന്ന് പാ​രി​പ്പ​ള്ളി മെ​ഡി​ക്ക​ൽ കോ​ള​ജ് ആ​ശു​പ​ത്രി​യിൽ പ്രവേശിപ്പിച്ചു. പ​രി​ശോ​ധ​ന​യി​ൽ കു​ട്ടി​യു​ടെ കൈ​കാ​ലു​ക​ളി​ൽ അ​ടി​യേ​റ്റ പാ​ടു​ക​ൾ കാ​ണു​ക​യും ആ​ന്ത​രി​ക ര​ക്ത​സ്രാ​വ​മു​ണ്ടെ​ന്ന് ക​ണ്ടെ​ത്തു​ക​യും ചെ​യ്ത​തി​നെ​തു​ട​ർ​ന്ന് തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലേ​ക്ക് മാ​റ്റാ​ൻ ഡോ​ക്ട​ർ​മാ​ർ നി​ർ​ദേ​ശി​ച്ചു.

തി​രു​വ​ന്ത​പു​ര​ത്തേ​ക്കു​ള്ള യാ​ത്രാ​മ​ധ്യേ നി​ല വ​ഷ​ളാ​വു​ക​യും ര​ക്തം ഛർ​ദി​ക്കു​ക​യും ചെ​യ്തു. ക​ഴ​ക്കൂ​ട്ട​ത്തെ സ്വ​കാ​ര്യ ആ​ശു​പ​ത്രി​യി​ൽ പ്ര​വേ​ശി​പ്പി​ക്ക​പ്പെ​ട്ട കു​ട്ടി അ​വി​ടെ​വെ​ച്ച് മ​രി​ച്ചു. തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ന​ട​ന്ന​ പോ​സ്​​റ്റ്​​മോ​ർ​ട്ട​ത്തി​ൽ ന്യു​മോ​ണി‍യ​യും മെനിഞ്ചൈറ്റിസുമാണ്​ മ​ര​ണ​കാ​ര​ണ​മെ​ന്ന് ഡോ​ക്ട​ർ​മാ​ർ പ്രാ​ഥ​മി​ക വി​വ​രം ന​ൽ​കി​യ​താ​യി പൊ​ലീ​സ് അ​റി​യി​ച്ചു. റി​പ്പോ​ർ​ട്ട് വ​ന്നാ​ൽ മാ​ത്ര​മേ കൂ​ടു​ത​ൽ വി​വ​രം വ്യ​ക്ത​മാ​കൂ.