നാല് ട്രെയിനുകൾ പൂർണമായി റദ്ദാക്കി; ഭാഗിക റദ്ദാക്കലും തുടരുന്നു
text_fieldsതിരുവനന്തപുരം: മണ്ണിടിച്ചിലിനെ തുടർന്ന് തിരുവനന്തപുരം-നാഗർകോവിലിൽ ചൊവ്വാഴ്ചയും ഗതാഗത നിയന്ത്രണം. ചൊവ്വാഴ്ച നാല് ട്രെയിനുകൾ പൂർണമായും നിരവധി െട്രയിനുകൾ ഭാഗികമായും റദ്ദാക്കി. നാഗർകോവിൽ-തിരുവനന്തപുരം പ്രതിദിന എക്സ്പ്രസ് (16426), തിരുവനന്തപുരം-നാഗർകോവിൽ പ്രതിദിന എക്സ്പ്രസ് (16427), കൊല്ലം-തിരുവനന്തപുരം പ്രതിദിന എക്സ്പ്രസ് (16425), തിരുവനന്തപുരം-നാഗർകോവിൽ പ്രതിദിന എക്സ്പ്രസ് (16435) എന്നിവ ചൊവ്വാഴ്ച പൂർണമായും റദ്ദാക്കി.
കന്യാകുമാരി-ബംഗളൂരു െഎലൻഡ് എക്സ്പ്രസ് (16525) കൊല്ലത്ത് നിന്നാണ് ചൊവ്വാഴ്ച ബംഗളൂരുവിലേക്കുള്ള യാത്ര ആരംഭിക്കുക. നാഗർകോവിൽ-കോട്ടയം പ്രതിദിന എക്സ്പ്രസ് (16366) കായംകുളത്ത് നിന്ന് കോട്ടയത്തേക്ക് യാത്ര തുടങ്ങും. ചെന്നൈ എഗ്മോർ-ഗുരുവായൂർ എക്സ്പ്രസ് (16127) തിരുനെൽവേലിയിൽ യാത്ര അവസാനിപ്പിക്കും. തിരുനെൽവേലി മുതൽ ഗുരുവായൂർ വരെയുള്ള ഇൗ ട്രെയിനിെൻറ സർവിസ് ആണ് റദ്ദാക്കിയത്. പുനലൂർ-മധുര പ്രതിദിന എക്സ്പ്രസ് (16730) പുനലൂരിന് പകരം തിരുനെൽവേലിയിൽ നിന്നാകും മധുരയിലേക്കുള്ള യാത്ര ആരംഭിക്കുക. കൊല്ലം-എഗ്മോർ അനന്തപുരി എക്സ്പ്രസ് (16724 ) കൊല്ലത്തിന് പകരം നാഗർകോവിൽ നിന്നാകും ചെെന്നെയിലേക്കുള്ള സർവിസ് തുടങ്ങുക.
നാഗർകോവിൽ-മംഗളൂരു പരശുറാം എക്സ്പ്രസ് തിരുവനന്തപുരത്ത് നിന്ന് യാത്ര തുടങ്ങും. ഇൗ ട്രെയിനിെൻറ നാഗർകോവിൽ മുതൽ തിരുവനന്തപുരം വരെയുള്ള സർവിസ് റദ്ദാക്കി. മംഗളൂരുവിൽ നിന്ന് നാഗർകോവിലിലേക്കുള്ള പരശുറാം എക്സ്പ്രസ് (16649) തിരുവനന്തപുരത്ത് യാത്ര അവസാനിപ്പിക്കും. മംഗളൂരു-നാഗർകോവിൽ ഏറനാട് എക്സ്പ്രസും (16605) തിരുവനന്തപുരത്ത് യാത്ര നിർത്തും. നാഗർകോവിൽ-മംഗളൂരു ഏറനാട് എക്സ്പ്രസ് (16606) തിരുവനന്തപുരത്ത് നിന്നാണ് സർവിസ് ആരംഭിക്കുക.
തിരുച്ചിറപ്പള്ളി-തിരുവനന്തപുരം ഇൻറർസിറ്റി (22627) ചൊവ്വാഴ്ച തിരുനെൽവേലി വരെയേയുള്ളൂ. തിരുവനന്തപുരം- തിരുച്ചിറപ്പള്ളി ഇൻറർസിറ്റി (22628) തിരുവനന്തപുരത്തിന് പകരം തിരുനെൽവേലിയിൽ നിന്ന് യാത്ര തുടങ്ങും. ഗാന്ധിധാം -നാഗർകോവിൽ പ്രതിവാര എക്സ്പ്രസ് (19424) ബുധനാഴ്ച തിരുവനന്തപുരത്ത് യാത്ര അവസാനിപ്പിക്കും. തിരുെനൽവേലി -ഗാന്ധിധാം പ്രതിവാര എക്സ്പ്രസ് (19423) വ്യാഴാഴ്ച തിരുവനന്തപുരത്ത് നിന്നാകും യാത്ര ആരംഭിക്കുക.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.