കാ​ട്ടാ​ന ആ​ക്ര​മണം; ഒരു മാസത്തിനിടെ കൊല്ലപ്പെട്ടത് നാലുപേർ

അ​ടി​മാ​ലി: കാ​ട്ടാ​ന ആ​ക്ര​മ​ണ​ത്തി​ൽ ഹൈ​റേ​ഞ്ചി​ൽ വീ​ണ്ടും മ​നു​ഷ്യ​ര​ക്തം വീ​ണി​രി​ക്കു​ന്നു. രാ​ത്രി​യു​ടെ ഇ​രു​ളി​ൽ ആ​ന​ക്ക​ലി​യി​ൽ പി​ട​ഞ്ഞു​വീ​ണ​ത്​ ഓ​ട്ടോ ഡ്രൈ​വ​റാ​യ സു​രേ​ഷ്​ കു​മാ​ർ എ​ന്ന മ​ണി​യു​ടെ ജീ​വ​നാ​ണ്. തി​ങ്ക​ളാ​ഴ്ച രാ​ത്രി പ​ത്തോ​ടെ മൂ​ന്നാ​റി​ൽ​നി​ന്ന്​ ക​ന്നി​മ​ല​യി​ലേ​ക്കു​ള്ള യാ​ത്ര​ക്കി​ടെ ക​ന്നി​മ​ല ടോ​പ് ഡി​വി​ഷ​നി​ലെ തൊ​ഴി​ലാ​ളി ല​യ​ങ്ങ​ൾ​ക്കു സ​മീ​പ​മാ​ണ് ആ​ന​യു​ടെ ആ​ക്ര​മ​ണ​മു​ണ്ടാ​യ​ത്.

ആ​ന കു​ത്തി​മ​റി​ച്ചി​ട്ട ഓ​ട്ടോ​യി​ൽ​നി​ന്ന്​ പു​റ​ത്തേ​ക്ക്​ വീ​ണ സു​രേ​ഷി​നെ തു​മ്പി​ക്കൈ​കൊ​ണ്ട്​ മൂ​ന്നു​വ​ട്ടം ചു​ഴ​റ്റി​യെ​റി​ഞ്ഞ​താ​യാ​ണ്​ ഓ​ട്ടോ യാ​ത്ര​ക്കാ​രി​യാ​യി​രു​ന്ന റ​ജീ​ന പ​റ​ഞ്ഞ​ത്. റ​ജീ​ന​ക്കും ഭ​ർ​ത്താ​വ്​ എ​സ​ക്കി രാ​ജ​ക്കും പ​രി​ക്കേ​റ്റി​രു​ന്നു. ഒ​പ്പ​മു​ണ്ടാ​യി​രു​ന്ന മ​ക​ൾ പ്രി​യ​യും മ​റ്റ്​ ര​ണ്ട്​ അ​ന്ത​ർ സം​സ്ഥാ​ന തൊ​​ഴി​ലാ​ളി​ക​ളും പ​രി​ക്കി​ല്ലാ​തെ ര​ക്ഷ​പ്പെ​ട്ടു.

ഒ​രു മാ​സ​ത്തി​നി​ടെ തോ​ട്ടം മേ​ഖ​ല​യി​ലെ ജ​ന​വാ​സ കേ​ന്ദ്ര​ങ്ങ​ളി​ൽ കാ​ട്ടാ​ന​ക​ൾ ന​ട​ത്തി​യ ആ​ക്ര​മ​ണ​ത്തി​ൽ കൊ​ല്ല​പ്പെ​ടു​ന്ന നാ​ലാ​മ​ത്തെ​യാ​ളാ​ണ്​ സു​രേ​ഷ്​ കു​മാ​ർ. അ​ടി​ക്ക​ടി ആ​ന​ക്കൊ​ല ന​ട​ക്കു​മ്പോ​ഴും ന​ട​പ​ടി​യെ​ടു​ക്കാ​ത്ത വ​നം വ​കു​പ്പ്​ അ​ധി​കൃ​ത​ർ​ക്കു​നേ​ർ​ക്ക്​ രൂ​ക്ഷ​മാ​യ പ്ര​തി​ഷേ​ധ​മാ​ണ്​ ഉ​യ​രു​ന്ന​ത്.

പ​ട​യ​പ്പ, ചു​ള്ളി​ക്കൊ​മ്പ​ൻ, ച​ക്ക​ക്കൊ​മ്പ​ൻ, മു​റി​വാ​ല​ൻ തു​ട​ങ്ങി പ​ല പേ​രു​ക​ളി​ൽ പ​ത്തി​ലേ​റെ കൊ​മ്പ​നാ​ന​ക​ളാ​ണ് തോ​ട്ടം മേ​ഖ​ല​യി​ൽ ജ​ന​ങ്ങ​ളു​ടെ ജീ​വ​നും സ്വ​ത്തി​നും ഭീ​ഷ​ണി​യാ​യി മാ​റി​യി​രി​ക്കു​ന്ന​ത്. ഏ​റെ വി​നാ​ശി​കാ​രി​യാ​യി​രു​ന്ന അ​രി​ക്കൊ​മ്പ​നെ നാ​ടു​ക​ട​ത്തി​യ​തു​പോ​ലെ കൊ​ല​യാ​ളി ആ​ന​ക​ളെ​യും പി​ടി​കൂ​ടി നാ​ട് ക​ട​ത്ത​ണ​മെ​ന്ന്​ നാ​ട്ടു​കാ​രും ജ​ന​പ്ര​തി​നി​ധി​ക​ളും ആ​വ​ശ്യ​പ്പെ​ടു​ന്നു.

മൂ​ന്നാ​ർ, മാ​ട്ടു​പ്പെ​ട്ടി, കു​ണ്ട​ള, ചി​ന്ന​ക്ക​നാ​ൽ, ബി​യ​ൽ​റാം, 301 കോ​ള​നി, ക​ണ്ണ​ൻ ദേ​വ​ൻ ക​മ്പ​നി​യു​ടെ കീ​ഴി​ലെ വി​വി​ധ എ​സ്റ്റേ​റ്റു​ക​ൾ, പൂ​പ്പാ​റ എ​ന്നി​വി​ട​ങ്ങ​ളി​ലാ​ണ് കാ​ട്ടാ​ന​ക​ൾ കൊ​ല​വി​ളി​യു​മാ​യി ജ​ന​വാ​സ മേ​ഖ​ല​യി​ൽ ചു​റ്റി​ത്തി​രി​യു​ന്ന​ത്. ചി​ന്ന​ക്ക​നാ​ലി​ൽ വ​നം വ​കു​പ്പ് വാ​ച്ച​ർ ക​ഴി​ഞ്ഞ വ​ർ​ഷം കൊ​ല്ല​പ്പെ​ട്ടി​രു​ന്നു. ഇ​തി​നു​ശേ​ഷം നി​ര​വ​ധി ആ​ക്ര​മ​ണം ഉ​ണ്ടാ​യി​ട്ടും കാ​ട്ടാ​ന​ക​ൾ ജ​ന​വാ​സ മേ​ഖ​ല​യി​ലേ​ക്ക് ഇ​റ​ങ്ങു​ന്ന​ത്​ ത​ട​യാ​ൻ വ​നം​വ​കു​പ്പ് ഒ​രു ന​ട​പ​ടി​യും സ്വീ​ക​രി​ച്ചി​ട്ടി​ല്ല.

വ​നാ​തി​ർ​ത്തി​യി​ൽ ല​ക്ഷ​ങ്ങ​ൾ മു​ട​ക്കി സ്ഥാ​പി​ച്ച വൈ​ദ്യു​തി വേ​ലി​ക​ളും ഉ​രു​ക്കു​വ​ട​വും കി​ട​ങ്ങും എ​ല്ലാം ത​ന്നെ നാ​ശ​ത്തി​ലാ​ണ്. വേ​ന​ൽ ക​ടു​ത്ത​തോ​ടെ വ​ന​ത്തി​ൽ ഭ​ക്ഷ​ണ​വും കു​ടി​വെ​ള്ള​വും കി​ട്ടാ​താ​യ​താ​ണ്​ ഇ​വ കൂ​ട്ട​ത്തോ​ടെ ജ​ന​വാ​സ മേ​ഖ​ല​യി​ലേ​ക്ക് ഇ​റ​ങ്ങാ​ൻ കാ​ര​ണം.

നേ​ര​ത്തേ വ​ന​ത്തി​ൽ നീ​ർ​ച്ചാ​ലു​ക​ൾ ത​ട​ഞ്ഞ് ത​ട​യ​ണ​യും ജ​ല​ല​ഭ്യ​ത​യു​ള്ള പ്ര​ദേ​ശ​ങ്ങ​ളി​ൽ കു​ള​ങ്ങ​ളും വ​ന​പാ​ല​ക​ർ നി​ർ​മി​ക്കു​മാ​യി​രു​ന്നു. എ​ന്നാ​ൽ, അ​ഴി​മ​തി​യും ധൂ​ർ​ത്തും കാ​ര​ണം ഇ​ത്ത​രം പ്ര​വൃ​ത്തി​ക​ൾ രേ​ഖ​യി​ൽ ഒ​തു​ങ്ങി. വാ​ള​റ​യി​ൽ വ​നം വ​കു​പ്പ് ജീ​വ​ന​ക്കാ​ർ ഫ​യ​ർ വാ​ച്ച​ർ​മാ​രെ നി​യ​മി​ച്ച​താ​യി രേ​ഖ​യു​ണ്ടാ​ക്കി ആ​യി​ര​ങ്ങ​ൾ വെ​ട്ടി​ച്ചെ​ടു​ത്തി​രു​ന്നു.

സം​ഭ​വ​ത്തി​ൽ നാ​ല്​ വ​നം വ​കു​പ്പ് ജീ​വ​ന​ക്കാ​ർ സ​സ്പെ​ൻ​ഷ​നി​ലാ​ണ്. ഇ​ത്ത​രം സം​ഭ​വ​ങ്ങ​ൾ ഇ​പ്പോ​ഴും ആ​വ​ർ​ത്തി​ക്ക​പ്പെ​ടു​ന്ന​താ​ണ് വ​ന്യ​മൃ​ഗ​ങ്ങ​ൾ നാ​ട്ടി​ലേ​ക്ക് ഇ​റ​ങ്ങാ​ൻ കാ​ര​ണ​മാ​യി ചൂ​ണ്ടി​ക്കാ​ണി​ക്ക​പ്പെ​ടു​ന്ന​ത്.

പീരുമേടിന്‍റെ ഉറക്കംകെടുത്തി ആനകൾ

പീ​രു​മേ​ട്: കാ​ട്ടാ​ന ശ​ല്യം പീ​രു​മേ​ട്ടു​കാ​ർ​ക്ക്​ ഇ​പ്പോ​ൾ പ​തി​വ്​ ശീ​ല​ങ്ങ​ളി​ൽ ഒ​ന്നാ​യി മാ​റി. പാ​മ്പ​നാ​ർ, ക​ല്ലാ​ർ, അ​ഴു​ത​യാ​ർ, പു​തു​വ​യ​ൽ, പ്ലാ​ക്ക​ത്ത​ടം കോ​ള​നി എ​ന്നി​വി​ട​ങ്ങി​ൽ ക​ഴി​ഞ്ഞ മൂ​ന്ന് വ​ർ​ഷ​മാ​യി തു​ട​ർ​ച്ച​യാ​യി കാ​ട്ടാ​ന​ക​ൾ നാ​ശം വി​ത​ക്കു​ന്നു. പീ​രു​മേ​ട് തോ​ട്ടാ​പ്പു​ര മേ​ഖ​ല​യി​ൽ ര​ണ്ട് വ​ർ​ഷ​ങ്ങ​ളി​ലും അ​ഴു​ത എ​ൽ.​പി സ്കൂ​ൾ ഭാ​ഗം, അ​മ്പ​ലം​ഭാ​ഗം, ക​ച്ചേ​രി​ക്കു​ന്ന്, സ​ർ​ക്കാ​ർ അ​തി​ഥി മ​ന്ദി​രം, ട്ര​ഷ​റി ഓ​ഫി​സ് പ​രി​സ​രം തു​ട​ങ്ങി​യ മേ​ഖ​ഖ​ല​ക​ളി​ൽ ക​ഴി​ഞ്ഞ ഒ​രു വ​ർ​ഷ​മാ​യും ആ​ന​ശ​ല്യം രൂ​ക്ഷ​മാ​ണ്.

രാ​ത്രി​യെ​ത്തു​ന്ന ആ​ന​ക്കൂ​ട്ടം തെ​ങ്ങ്, വാ​ഴ, ക​വു​ങ്ങ്​ തു​ട​ങ്ങി​യ​വ ച​വി​ട്ടി ന​ശി​പ്പി​ക്കു​ന്നു. വാ​ഴ​ത്തോ​ട്ട​ങ്ങ​ളി​ൽ ആ​ന പ​തി​വാ​യി എ​ത്തു​ന്ന​തി​നാ​ൽ ക​ർ​ഷ​ക​ർ ഇ​വ​വെ​ട്ടി നീ​ക്കം ചെ​യ്യു​ക​യാ​ണ്. ചി​ല​ർ കൃ​ഷി ത​ന്നെ അ​വ​സാ​നി​പ്പി​ച്ചി​രി​ക്കു​ന്നു.

പീ​രു​മേ​ട്ടി​ലും പ്ലാ​ക്ക​ത്ത​ട​ത്തി​ലും 52ൽ​പ​രം കു​ടും​ബ​ങ്ങ​ൾ​ക്ക് ആ​ന​ക്കൂ​ട്ടം നി​ര​ന്ത​ര ഭീ​ഷ​ണി​യാ​ണ്. വീ​ടു​ക​ൾ​ക്ക് സ​മീ​പം ആ​ന​ക​ൾ എ​ത്തു​ന്ന​തി​നാ​ൽ രാ​ത്രി പു​റ​ത്തി​റ​ങ്ങാ​നും ഭ​യ​ക്കു​ന്നു. സ​ന്ധ്യ​ക്ക് ശേ​ഷം ഉ​ൾ​നാ​ട​ൻ വ​ഴി​ക​ളി​ലൂ​ടെ സ​ഞ്ച​രി​ക്കാ​നും ആ​ളു​ക​ൾ പേ​ടി​ക്കു​ന്നു. സ​ന്ധ്യ​ക്കു​ശേ​ഷം ജ​ങ്​​ഷ​നും വി​ജ​ന​മാ​ണ്. കാ​ട്ടാ​ന​ക്കൊ​പ്പം ക​ടു​വ, പു​ലി, ക​ര​ടി എ​ന്നി​വ​യു​ടെ സാ​ന്നി​ധ്യ​വും പ്ര​ദേ​ശ​വാ​സി​ക​ളി​ൽ ഭീ​തി സൃ​ഷ്ടി​ക്കു​ന്നു.

ജ​ന​വാ​സ മേ​ഖ​ല​യി​ൽ​നി​ന്ന്​ ആ​ന​ക്കൂ​ട്ട​ത്തെ വ​ന​ത്തി​ലേ​ക്ക് തു​ര​ത്തി​യ ശേ​ഷം വ​നാ​തി​ർ​ത്തി​യി​ൽ ട്ര​ഞ്ചു​ക​ളും ഹാ​ങ്ങി​ങ് വൈ​ദ്യു​തി വേ​ലി​യും സ്ഥാ​പി​ക്ക​ണ​മെ​ന്നാ​ണ് നാ​ട്ടു​കാ​ർ ആ​വ​ശ്യ​പ്പെ​ടു​ന്ന​ത്. ആ​ന​ക​ൾ നാ​ട്ടി​ലെ​ത്തു​മ്പോ​ൾ തു​ര​ത്താ​ൻ പീ​രു​മേ​ട്ടി​ൽ എ​രു​മേ​ലി റേ​ഞ്ചി​ന്‍റെ റാ​പി​ഡ്​ റെ​സ്ക്യൂ ടീ​മി​ന്‍റെ (ആ​ർ.​ആ​ർ.​ടി) പ്ര​വ​ർ​ത്ത​നം ആ​രം​ഭി​ക്ക​ണ​മെ​ന്ന ആ​വ​ശ്യ​വും ന​ട​പ്പാ​യി​ല്ല. ആ​ർ.​ആ​ർ.​ടി​യെ നി​യ​മി​ക്കു​മെ​ന്ന്​ ഏ​പ്രി​ലി​ൽ വ​നം​മ​ന്ത്രി എ.​കെ. ശ​ശീ​ന്ദ്ര​ൻ കു​ട്ടി​ക്കാ​ന​ത്ത്​ പ്ര​ഖ്യാ​പി​ച്ചെ​ങ്കി​ലും ന​ട​ന്നി​ല്ല.

മൂന്നാറിൽ വീണ്ടും ആനക്കൂട്ടം

മൂ​ന്നാ​ർ: ഓ​ട്ടോ ഡ്രൈ​വ​റെ കാ​ട്ടാ​ന കൊ​ന്ന​തി​നു പി​ന്നാ​ലെ ജ​ന​വാ​സ​മേ​ഖ​ല​യി​ൽ ത​മ്പ​ടി​ച്ച്​ കാ​ട്ടാ​ന​ക്കൂ​ട്ടം. മൂ​ന്നാ​ർ കോ​ള​നി​യി​ൽ ചൊ​വ്വാ​ഴ്ച രാ​വി​ലെ അ​ഞ്ച് ആ​ന​ക​ളാ​ണ്​ ഇ​റ​ങ്ങി ഭീ​തി​വി​ത​ച്ച​ത്. നാ​ട്ടു​കാ​ർ ബ​ഹ​ളം​വെ​ച്ച് തു​ര​ത്താ​ൻ നോ​ക്കി​യി​ട്ടും കു​ലു​ക്ക​മി​ല്ലാ​തെ ആ​ന​ക​ൾ ത​മ്പ​ടി​ച്ചി​രി​ക്കു​ക​യാ​ണ്. ആ​യി​ര​ത്തോ​ളം കു​ടും​ബ​ങ്ങ​ൾ താ​മ​സി​ക്കു​ന്ന മൂ​ന്നാ​ർ കോ​ള​നി​യി​ൽ തി​ങ്ക​ളാ​ഴ്ച​യും കാ​ട്ടാ​ന​ക​ളു​ടെ സാ​ന്നി​ധ്യ​മു​ണ്ടാ​യി​രു​ന്നു. വ​നം​വ​കു​പ്പ്​ വാ​ച്ച​ർ​മാ​രെ​ത്തി​യാ​ണ്​ ആ​ന​ക​​ളെ ​ തു​ര​ത്തി​യ​ത്.