യുവാവിനെ തട്ടിക്കൊണ്ടുപോയ കേസിൽ നാലുപേർ അറസ്റ്റിൽ

ത​ല​യോ​ല​പ്പ​റ​മ്പ്: യു​വാ​വി​നെ വീ​ട്ടി​ൽ​നി​ന്നും ത​ട്ടി​ക്കൊ​ണ്ടു​പോ​യ കേ​സി​ൽ നാ​ലു​പേ​ർ അ​റ​സ്റ്റി​ൽ. ക​ണ്ണൂ​ർ സ്വ​ദേ​ശി​ക​ളാ​യ എ​ബി (36), നി​ധി​ൻ (31), അ​ഭി​ലാ​ഷ് (35), കാ​സ​ർ​ഗോ​ഡ് സ്വ​ദേ​ശി അ​ല​ൻ (24) എ​ന്നി​വ​രെ​യാ​ണ് ത​ല​യോ​ല​പ്പ​റ​മ്പ് പൊ​ലീ​സ് അ​റ​സ്റ്റ് ചെ​യ്ത​ത്.

മ​റ​വ​ൻ​തു​രു​ത്ത് സ്വ​ദേ​ശി​യാ​യ യു​വാ​വി​നെ​യാ​ണ്​ ഇ​വ​ർ സം​ഘം​ചേ​ർ​ന്ന് ത​ട്ടി​ക്കൊ​ണ്ടു​പോ​യ​ത്. യു​വാ​വി​ന്റെ വീ​ട്ടി​ൽ അ​തി​ക്ര​മി​ച്ചു ക​യ​റി​യ പ്ര​തി​ക​ൾ യു​വാ​വി​നെ മ​ർ​ദ്ദി​ക്കു​ക​യും, ബ​ല​മാ​യി കാ​റി​ൽ ക​യ​റ്റി ത​ട്ടി​ക്കൊ​ണ്ടു​പോ​വു​ക​യു​മാ​യി​രു​ന്നു. സം​ഭ​വ​ത്തെ തു​ട​ര്‍ന്ന് വീ​ട്ടി​ലു​ണ്ടാ​യി​രു​ന്ന യു​വാ​വി​ന്റെ ഭാ​ര്യ വി​വ​രം ഉ​ട​ൻ പൊ​ലീ​സി​ൽ അ​റി​യി​ക്കു​ക​യും ത​ല​യോ​ല​പ്പ​റ​മ്പ് പൊ​ലീ​സ് കേ​സെ​ടു​ക്കു​ക​യും ജി​ല്ല പൊ​ലീ​സ് മേ​ധാ​വി കെ. ​കാ​ർ​ത്തി​ക്കി​ന്റെ നേ​തൃ​ത്വ​ത്തി​ൽ കാ​ർ കേ​ന്ദ്രീ​ക​രി​ച്ച് ന​ട​ത്തി​യ വാ​ഹ​ന​പ​രി​ശോ​ധ​ന​യി​ൽ ഇ​വ​രെ സാ​ഹ​സി​ക​മാ​യി പി​ടി​കൂ​ടി യു​വാ​വി​നെ മോ​ചി​പ്പി​ക്കു​ക​യാ​യി​രു​ന്നു.

ത​ട്ടി​ക്കൊ​ണ്ടു​പോ​യ യു​വാ​വി​നെ വാ​ഹ​ന​ത്തി​ൽ വ​ച്ച് ഇ​വ​ർ ക്രൂ​ര​മാ​യി മ​ർ​ദ്ദി​ച്ചി​രു​ന്നു. യു​വാ​വ് ഡ്രൈ​വ​റാ​യി ജോ​ലി ചെ​യ്തി​രു​ന്ന സ്ഥാ​പ​ന​ത്തി​ന്റെ വി​വ​ര​ങ്ങ​ൾ പു​റ​ത്തു​പ​റ​യു​മോ എ​ന്ന് ഭ​യ​ന്നാ​ണ് ഈ ​സ്ഥാ​പ​ന​ത്തി​ലെ ജീ​വ​ന​ക്കാ​ര്‍ കൂ​ടി​യാ​യ ഇ​വ​ർ സം​ഘം ചേ​ർ​ന്ന് യു​വാ​വി​നെ ത​ട്ടി​ക്കൊ​ണ്ടു​പോ​യ​ത്.

ത​ല​യോ​ല​പ്പ​റ​മ്പ് എ​സ്.​എ​ച്ച്.​ഒ ടി.​എ​സ്. ശി​വ​കു​മാ​ർ, എ​സ്.​ഐ​മാ​രാ​യ സു​ദ​ര്‍ശ​ന​ന്‍, അ​ജി, മോ​ഹ​ന​ന്‍, എ.​എ​സ്.​ഐ രാ​ജേ​ഷ്‌, സി.​പി.​ഒ​മാ​രാ​യ രാ​ജീ​വ്‌, ബി​ജു, അ​ജ്മ​ല്‍, പ്ര​വീ​ണ്‍ എ​ന്നി​വ​രും അ​ന്വേ​ഷ​ണ​സം​ഘ​ത്തി​ല്‍ ഉ​ണ്ടാ​യി​രു​ന്നു. കോ​ട​തി​യി​ൽ ഹാ​ജ​രാ​ക്കി​യ നാ​ല് പേ​രെ​യും റി​മാ​ൻ​ഡ് ചെ​യ്തു.