നാല് ദിവസം, 711 വാഹനങ്ങളിൽ ഭക്ഷ്യസുരക്ഷാ വകുപ്പിന്റെ പരിശോധന

തിരുവനന്തപുരം: ഓണക്കാലത്ത് ചെക്ക് പോസ്റ്റുകളിൽ ഭക്ഷ്യസുരക്ഷാ വകുപ്പിന്റെ വ്യാപക പരിശോധന. കഴിഞ്ഞ 24 മുതൽ 28 വരെ 5 ദിവസങ്ങളിലായി 711 വാഹനങ്ങളിലാണ് പരിശോധന നടത്തിയത്. പാൽ, പാലുൽപന്നങ്ങൾ എന്നിവയുടെ 653 സാമ്പിളുകൾ പരിശോധനക്കായി ശേഖരിച്ചു.

അയൽ സംസ്ഥാനങ്ങളിൽ നിന്നെത്തുന്ന പാലിൽ മായം ചേർക്കൽ കുറഞ്ഞെന്നാണ് വകുപ്പിന്‍റെ വിലയിരുത്തൽ. പരിശോധനകളിൽ ഒന്നിലും തന്നെ രാസപദാർഥങ്ങളുടെ സാന്നിധ്യം കണ്ടെത്തിയില്ല. കുമളി, പാറശ്ശാല, ആര്യൻകാവ് , മീനാക്ഷിപുരം, വാളയാർ ചെക്ക്പോസ്റ്റുകളിലാണ് ഭക്ഷ്യ സുരക്ഷാ വകുപ്പ് പരിശോധനകൾ നടത്തിയത്. ചെക്ക് പോസ്റ്റുകൾ വഴി കടന്നുവരുന്ന പഴം, പച്ചക്കറി, മത്സ്യം, മാംസം, സസ്യ എണ്ണകൾ എന്നിവയുടെ സാമ്പിളുകളും പരിശോധനക്കായി ശേഖരിച്ചിരുന്നു.