വോട്ടെടുപ്പിന് നാല് ദിവസം മുമ്പ് സി.പി.എമ്മും ബി.ജെ.പിയും തമ്മിൽ സംഘർഷമുണ്ടാകും -കെ. മുരളീധരൻ

തിരുവനന്തപുരം: നിയമസഭ തെരഞ്ഞെടുപ്പ് നടക്കുന്ന നാലു മണ്ഡലങ്ങളിൽ സി.പി.എം-ബി.ജെ.പി ധാരണയെന്ന് കോൺഗ്രസ് നേതാവും നേമത്തെ യു.ഡി.എഫ് സ്ഥാനാർഥിയുമായ കെ. മുരളീധരൻ. തിരുവനന്തപുരത്തും നേമത്തും ബി.െജ.പിയെ സഹായിക്കാൻ സി.പി.എം ധാരണയായി. വട്ടിയൂർക്കാവിലും കഴക്കൂട്ടത്തും സി.പി.എമ്മിനെ ബി.ജെ.പി തിരിച്ചു സഹായിക്കുമെന്നും മുരളീധരൻ പറഞ്ഞു.

സി.പി.എം-ബി.െജ.പി രാത്രികൂട്ടുക്കെട്ട് സജീവമാണ്. കഴക്കൂട്ടത്തെ സംഘർഷം ഇതിന് ഉദാഹരണമാണ്. വോട്ടെടുപ്പിന് നാല് ദിവസം മുമ്പ് തിരുവനന്തപുരത്ത് സി.പി.എമ്മും ബി.ജെ.പിയും തമ്മിൽ സംഘർഷമുണ്ടാകും. ന്യൂനപക്ഷ വോട്ടുകൾ സി.പി.എമ്മിന് നേടി കൊടുക്കാനും ഭൂരിപക്ഷ വോട്ടുകൾ ബി.ജെ.പിക്ക് ലഭിക്കാനുമാണിതെന്നും മുരളീധരൻ ചൂണ്ടിക്കാട്ടി.