ആലുവയിൽ ഇടിമിന്നലേറ്റ് നാലു പശുക്കൾ ചത്തു; ജീവിതം വഴിമുട്ടി ക്ഷീരകർഷകൻ

ആലുവ: ഇടിമിന്നലേറ്റ് ഒരു വീട്ടിലെ നാലു പശുക്കൾ ചത്തു. സൗത്ത് ചാലക്കൽ അസ്ഹർ കോളജിന് സമീപം കുഴിക്കാട്ടുമാലി ഷമീറി​െൻറ തൊഴുത്തിൽ കെട്ടിയിട്ട കറവപ്പശുക്കളാണ് ഞായറാഴ്​ച പുലർ​െച്ച ചത്തത്.

പശുക്കളെ കറക്കാൻ പുലർച്ചെ എഴുന്നേൽക്കുമ്പോൾ ശക്തമായ മഴയയും ഇടിമിന്നലുമുണ്ടായിരുന്നു. മിന്നൽ കടന്നുപോയ ഭാഗത്തുനിന്ന നാലു പശുക്കളും വീണ്​ കിടക്കുന്നതാണ് ഷമീറിന് കാണാൻ കഴിഞ്ഞത്. കീഴ്‌മാട്‌ വെറ്റിനറി ഡോക്ടർ ബബിത മോസ്റ്റ്മോർട്ടം നടത്തി.

നാല്​ പശുക്കളും ചത്തതോടെ ജീവിതമാർഗം വഴിമുട്ടിയിരിക്കുകയാണ്​ ഷമീറിന്​. 15ാം വയസ്സ്​ മുതൽ ക്ഷീര മേഖലയിൽ ജീവിതമാർഗം കണ്ടെത്തുന്നയാളാണ്​ ഇദ്ദേഹം. ചാലയ്ക്കൽ, വാഴക്കുളം ഭാഗങ്ങളിലായി നിരവധി വീടുകളിലും സ്ഥാപനങ്ങളിലുമാണ് ഷമീർ പാൽ എത്തിക്കുന്നത്.

രോഗിയായ മാതാവി​െൻറയും കുടുംബത്തി​െൻറയും ചെലവുകൾ പാൽ വിറ്റാണ്​ ഷമീർ കണ്ടെത്തിയിരുന്നത്. സർക്കാറി​െൻറ കാരുണ്യത്തിനായി പ്രതീക്ഷയോടെ കാത്തിരിക്കുകയാണ് ഇൗ കുടുംബം.