ആദ്യ പ്രസവത്തിൽ നാല്​ കൺമണികൾ; മനംനിറഞ്ഞ്​ മുസ്​തഫ-മുബീന ദമ്പതികൾ

ചെർപ്പുളശ്ശേരി: ആദ്യ പ്രസവത്തിൽ നാല് ആൺ കൺമണികളെ ലഭിച്ചതി​െൻറ സന്തോഷത്തിലാണ്​ യുവ ദമ്പതികൾ. ചളവറ കുന്നത്ത് മുഹമ്മദ് മുസ്തഫ-മുബീന ദമ്പതികൾക്കാണ് ആദ്യ പ്രസവത്തിൽ തന്നെ നാല്​ ആൺകുഞ്ഞുങ്ങളെ ലഭിച്ചത്. പെരിന്തൽമണ്ണ മൗലാന ആശുപത്രിയിലെ ഗൈനക്കോളജിസ്​റ്റ്​ ഡോ. അബ്​ദുൽ വഹാബാണ് ജനുവരി 16ന് സിസേറിയനിലൂടെ കുഞ്ഞുങ്ങളെ പുറത്തെടുത്തത്.

മുബീനയുടെ ഗർഭാവസ്​ഥയുടെ തുടക്കത്തിൽ തന്നെ നാല്​ കുഞ്ഞുങ്ങൾ ഉ​െണ്ടന്ന് ഡോക്ടർമാർ അറിയിച്ചിരുന്നു. 1100 ഗ്രാം മുതൽ 1600 ഗ്രാം വരെ തൂക്കമുള്ള കുഞ്ഞുങ്ങളെ നവജാത ശിശുരോഗ വിഭാഗത്തിൽ പ്രവേശിപ്പിച്ചു.

ചീഫ് കൺസൽട്ടൻറ് നിയോനാറ്റോളജിസ്​റ്റ്​ ഡോ. ജയചന്ദ്ര​െൻറയും സഹ ഡോക്​ടർമാരുടെയും പരിചരണത്തിലാണ് ഇപ്പോൾ. കുഞ്ഞുങ്ങൾക്ക് അയാൻ ആദം, അസാൻ ആദം, ഐസിൻ ആദം, അസ്​വിൻ ആദം എന്നീ പേരുകളും നൽകി.