മുണ്ടക്കയത്ത്​ പുല്ലയാറിൽ കാണാതായ യുവാവി​െൻറ മൃതദേഹം കണ്ടെത്തി

കോട്ടയം: കോട്ടയം മുണ്ടക്കയത്ത്​ പുല്ലയാറിൽ കാണാതായ യുവാവി​​​െൻറ മൃതദേഹം കണ്ടെത്തി. അടൂർ സ്വദേശി ഷാഹുൽ(21) ​​​െൻറ മൃതദേഹമാണ്​ പുല്ലയാറിൽ നിന്ന്​ 18 കിലോമീറ്റർ അകലെ എരുമേലി ഒാരങ്കൽ കടവിൽ നിന്നും കണ്ടെത്തിയത്​. ഇന്ന്​ രാവിലെ ഏഴോടെ ഒഴുകി വരുന്ന നിലയിലാണ്​ മൃതദേഹം നാട്ടുകാർ ക​ണ്ടത്​. 

ഇൗ മാസം 16നായിരുന്നു ഷാഹുലിനെ കാണാതായത്​. പുല്ലയാറിൽ വെള്ളം ഉയർന്നപ്പോൾ ഷാഹുലും സുഹൃത്ത്​ പ്രവീണും മീൻ പിടിക്കാനെത്തിയതാണ്​ ദുരന്തത്തിലേക്ക്​ നയിച്ചത്​. കാൽ വഴുതി വെള്ളത്തിൽ വീണ പ്രവീണിനെ രക്ഷിക്കാനുള്ള ശ്രമത്തിനി​െട ഷാഹുലിനെയും കാണാതാവുകയായിരുന്നു. ഇരുവരെയും കാണാതായി മൂന്നു ദിവസങ്ങൾക്ക്​ ശേഷം 19ന്​ പ്രവീണി​​​െൻറ മൃതദേഹം മണിമലയാറ്റിലെ മൂരിക്കയത്തു നിന്ന്​ കണ്ടെത്തിയിരുന്നു. മുണ്ടക്കയത്ത്​ സ്വകാര്യ ക്രഷറിൽ ജോലിക്കെത്തിയതായിരുന്നു ഷാഹുലും പ്രവീണും. 

നാവിക​ സേനയും അ്ഗ്​നിശമന സേനയും നാട്ടുകാർ ചേർന്ന്​ രൂപീകരിച്ച കർമ സമിതിയും തെരച്ചിൽ നടത്തിയെങ്കിലും ഷാഹുലി​​​െൻറ മൃതദേഹം കിട്ടിയിരുന്നില്ല. തുടർന്ന്​ ജൂലൈ 24ന്​ ഇവർ തിരച്ചിൽ അവസാനിപ്പിച്ചിരുന്നു. 

അടൂർ മണക്കാല വട്ടമല തെക്കേതിൽ രാജ​​​െൻറയും ദേവകിയുടെയും മകനാണ്​ ഷാഹുൽ. രാഹുലാണ്​ ഏക സഹോദരൻ.