മുൻ സാഗർ ബിഷപ്പ് ജോസഫ് പാസറ്റർ നീലങ്കാവിൽ അന്തരിച്ചു

തൃശൂർ: അതിരൂപത അരണാട്ടുകര ഇടവകാംഗമായ മുൻ സാഗർ ബിഷപ്പ് മാർ ജോസഫ് പാസ്റ്റർ നീലങ്കാവിൽ (91) അന്തരിച്ചു. 2006 മുതൽ തൃശൂർ കുറ്റൂരിലെ സാഗർ മിഷൻ ഹോമിൽ വിശ്രമജീവിതം നയിച്ചു വരികയായിരുന്നു.

1960 മെയ് 17ന് ബംഗളൂരു ധർമ്മാരാം ചാപ്പലിൽ കർദിനാൾ ജോസഫ് പാറേക്കാട്ടിൽ നിന്ന് പൗരോഹിത്യം സ്വീകരിച്ചു. ആദ്യ നിമയനം തൃശൂർ രൂപതയിലെ സോഷ്യൽ ആക്ഷൻ അസിസ്റ്റന്‍റ് ഡയറക്ടറായിട്ടായിരുന്നു. 1987 ഫെബ്രുവരി 22ന് സാഗർ രൂപതയുടെ രണ്ടാമത്തെ മെത്രാനായി നിയമിതനാതി.

തൃശൂർ രൂപത മെത്രാൻ മാർ ജോസഫ് കുണ്ടുകുളത്തിൽ നിന്ന് മെത്രാഭിഷേകം സ്വീകരിച്ചു. 19 കൊല്ലം സാഗർ രൂപതയെ നയിച്ചു. 2006 ഫെബ്രുവരി രണ്ടിനാണ് വിശ്രമ ജീവിതത്തിലേക്ക് പ്രവേശിച്ചത്.