മുൻ മന്ത്രിമാർ മെഡിക്കൽ റീഇംപേഴ്​സ്​മെൻറായി കൈപ്പറ്റിയത്​ മുക്കാൽ കോടി

ആലപ്പുഴ: ഒന്നാം പിണറായി വിജയൻ സർക്കാറി​െൻറ കാലത്ത്​ 19 മന്ത്രിമാർ മെഡിക്കൽ റീഇംപേഴ്​സ്​മെൻറ്​ ഇനത്തിൽ കൈപ്പറ്റിയത്​ 73.4 ലക്ഷം രൂപ. ഏറ്റവും കൂടുതൽ തുക കൈപ്പറ്റിയത്​ വനം മന്ത്രിയായിരുന്ന കെ. രാജുവാണ് -8.68 ലക്ഷം.

ധനമന്ത്രിയായിരുന്ന ഡോ. ടി.എം. തോമസ്​ ഐസക് 7.74 ലക്ഷവും ആരോഗ്യമന്ത്രി കെ.കെ. ശൈലജ 7.32 ലക്ഷവും കൈപ്പറ്റി യഥാക്രമം രണ്ടും മൂന്നും സ്ഥാനത്തെത്തി. ഏറ്റവും കുറഞ്ഞ തുക ചികിത്സ ഇനത്തിൽ കൈപ്പറ്റിയത്​ വ്യവസായമന്ത്രി ഇ.പി. ജയരാജനാണ്​ -42,884 രൂപ. ഗതാഗത മന്ത്രിയായിരുന്ന എ.കെ. ശശീന്ദ്രൻ വലിയ വ്യത്യാസമില്ലാതെ തൊട്ടടുത്തുണ്ട് -52,361 രൂപ. റവന്യൂമന്ത്രിയായിരുന്ന ഇ. ചന്ദ്രശേഖരൻ 73,258 രൂപ മാത്രമാണ്​ കൈപ്പറ്റിയത്​.

കൊച്ചിയിലെ 'പ്രോപ്പർ ചാനൽ' എന്ന സംഘടന വിവരാവകാശ നിയമപ്രകാരം ശേഖരിച്ച വിവരങ്ങളിലാണ്​ ഇക്കാര്യം വ്യക്തമായത്​. മുഖ്യമന്ത്രിയായിരുന്ന പിണറായി വിജയൻ 4.68 ലക്ഷം ചികിത്സ ഇനത്തിൽ കൈപ്പറ്റി.

മറ്റ്​ മുൻ മന്ത്രിമാരുടെ ഇത്​ സംബന്ധിച്ച ചെലവുകൾ ഇപ്രകാരമാണ്​.

കെ. കൃഷ്​ണൻകുട്ടി -6.62 ലക്ഷം, വി.എസ്​. സുനിൽകുമാർ -6.04 ലക്ഷം, കടകംപള്ളി സുരേന്ദ്രൻ -5.5 ലക്ഷം, ജെ. മേഴ്​സിക്കുട്ടിയമ്മ -5.04 ലക്ഷം, ടി.പി. രാമകൃഷ്​ണൻ -4.36 ലക്ഷം, ജി. സുധാകരൻ -3.91 ലക്ഷം, രാമചന്ദ്രൻ കടന്നപ്പള്ളി -2.97 ലക്ഷം, എം.എം. മണി -2.49 ലക്ഷം, മാത്യു ടി. തോമസ്​ -1.82 ലക്ഷം, എ.കെ. ബാലൻ -1.55 ലക്ഷം, ഡോ. കെ.ടി. ജലീൽ -1.24 ലക്ഷം, പി. തിലോത്തമൻ -1.19 ലക്ഷം. വിദ്യാഭ്യാസ മന്ത്രിയായിരുന്ന പ്രഫ. കെ.എൻ. രവീ​ന്ദ്രനാഥ്​ മെഡിക്കൽ റീഇംപേഴ്​സ്​മെൻറ്​ കൈപ്പറ്റിയതായി രേഖകളിൽ കാണുന്നില്ല.