150 കി​ലോ​മീ​റ്റ​ർ താ​ണ്ടാ​ൻ ര​ണ്ടു​പ​ക​ലും രാ​ത്രി​യും; ഇ​ങ്ങ​നെ​യൊ​ന്ന്​ ഇ​താ​ദ്യം; വ​ഴി​യി​ലു​ട​നീ​ളം വി​ലാ​പ​വും വി​ങ്ങ​ലും

തി​രു​വ​ന​ന്ത​പു​രം: ഉ​മ്മ​ൻ ചാ​ണ്ടി​യും ആ​ൾ​ക്കൂ​ട്ട​വും ചേ​ർ​ന്നാ​ൽ ക​ണ​ക്കു​കൂ​ട്ട​ൽ തെ​റ്റു​ക​ പ​തി​വാ​ണ്. അ​വ​സാ​ന​യാ​ത്ര​യി​ലും അ​തു​​ത​ന്നെ സം​ഭ​വി​ച്ചു. ത​ല​സ്ഥാ​ന​ത്തു​നി​ന്ന്​ പു​തു​പ്പ​ള്ളി​യി​ലേ​ക്കു​ള്ള വ​ഴി​ദൂ​രം 150 കി​ലോ​മീ​റ്റ​ർ. ഓ​ടി​യെ​ത്താ​ൻ നാ​ലു​മ​ണി​ക്കൂ​ർ വേ​ണ്ട. അ​വ​സാ​ന​യാ​ത്ര സ്വ​ദേ​ശ​മാ​യ പു​തു​പ്പ​ള്ളി​യി​ലെ​ത്താ​ൻ വേ​ണ്ടി​വ​ന്ന​ത്​ 30 മ​ണി​ക്കൂ​റി​ലേ​റെ. ആ​ർ​ത്ത​ല​ച്ചു​വ​ന്ന ജ​ന​സാ​ഗ​ര​ത്തി​നി​ട​യി​ലൂ​ടെ പ്രി​യ​നേ​താ​വി​ന്​ അ​തി​ലും വേ​ഗ​ത്തി​ൽ നീ​ങ്ങാ​നാ​കു​മാ​യി​രു​ന്നി​ല്ല. മു​ന്നി​ലെ​ത്തു​ന്ന അ​വ​സാ​ന​ത്തെ​യാ​ളെ​യും ക​ണ്ട്​ മ​ട​ങ്ങു​ന്ന​താ​ണ്​ ഉ​മ്മ​ൻ ചാ​ണ്ടി​യു​ടെ ശൈ​ലി. ഇ​താ​ദ്യ​മാ​യി പ​തി​വ്​ തെ​റ്റി. കാ​ണാ​നെ​ത്തി​യ പ​ല​ർ​ക്കും അ​തി​നാ​യി​ല്ല.

ഇ​ത്ര​മേ​ൽ അ​തി​വൈ​കാ​രി​ക​വും തീ​വ്ര​വു​മാ​യ യാ​ത്ര​യ​യ​പ്പ്​ ഇ​താ​ദ്യം. സ്വ​ന്തം കൈ​പ്പ​ട​യി​ൽ ​‘ഐ ​ല​വ്​ യു, ​അ​പ്പ​ച്ചാ...’ എ​ന്ന്​ എ​ഴു​തി​യ പോ​സ്റ്റ​റു​മാ​യി കാ​ത്തു​നി​ന്ന സ്കൂ​ൾ​കു​ട്ടി മു​ത​ൽ എ​നി​ക്ക്​ അ​പ്പ​നെ​യാ​ണ്​ ന​ഷ്ട​പ്പെ​ട്ട​തെ​ന്ന്​ വി​ല​പി​ക്കു​ന്ന​ വ​യോ​ധി​ക​ൻ​വ​രെ അ​ക്കൂ​ട്ട​ത്തി​ലു​ണ്ട്​. അ​ന്ത്യ​ചും​ബ​നം ന​ൽ​കാ​ൻ വ​ണ്ടി​യൊ​ന്ന്​ നി​ർ​ത്താ​ൻ കേ​ണ​പേ​ക്ഷി​ച്ച്​ പി​ന്നാ​ലെ ഓ​ടി​യ പി​താ​വി​ന്‍റെ​യും പു​ത്ര​ന്‍റെ​യും വി​ഡി​യോ വൈ​റ​ലാ​ണ്. ഉ​മ്മ​ൻ ചാ​ണ്ടി​യെ​ന്ന മ​നു​ഷ്യ​ൻ കീ​ഴ​ട​ക്കി​യ ജ​ന​ഹൃ​ദ​യ​ങ്ങ​ളു​ടെ നേ​ർ​സാ​ക്ഷ്യ​ങ്ങ​ളു​ടെ ദൃ​ശ്യ​ങ്ങ​ൾ നീ​ളു​ന്നു.

ചൊ​വ്വാ​ഴ്ച പു​ല​ർ​ച്ച ബം​ഗ​ളൂ​രു​വി​ൽ അ​ന്ത്യ​ശ്വാ​സം വ​ലി​ച്ച ഉ​മ്മ​ൻ ചാ​ണ്ടി​യു​ടെ മൃ​ത​ദേ​ഹം ത​ല​സ്ഥാ​ന​ത്ത്​ എ​ത്തി​യ​ത്​ ചൊ​വ്വാ​ഴ്ച ഉ​ച്ച​ക്ക്​ മൂ​ന്നോ​ടെ. തി​രു​വ​ന​ന്ത​പു​രം ജ​ഗ​തി​യി​ലെ വീ​​ട്ടി​ലെ​ത്തി​ക്കു​മ്പോ​ൾ അ​വി​ടെ കാ​ലു​കു​ത്താ​ൻ ഇ​ട​മി​ല്ലാ​ത്ത​വി​ധം ജ​ന​ക്കൂ​ട്ടം. അ​തി​സു​​ര​ക്ഷാ മേ​ഖ​ല​യാ​യി​ട്ടും സെ​ക്ര​ട്ടേ​റി​യ​റ്റി​ലെ ദ​ർ​ബാ​ർ ഹാ​ളി​​ലെ പൊ​തു​ദ​ർ​ശ​ന​ത്തി​ൽ എ​ല്ലാ നി​യ​​ന്ത്ര​ണ​വും​ തെ​റ്റി. കെ.​പി.​സി.​സി ആ​സ്ഥാ​ന​ത്തും ​ജ​ഗ​തി​യി​ലെ വീ​ട്ടി​ലും തി​ര​ക്കി​ന്​ കു​റ​വു​ണ്ടാ​യി​ല്ല. കോ​ട്ട​യ​ത്തേ​ക്കു​ള്ള വി​ലാ​പ​യാ​ത്ര വീ​ട്ടി​ൽ​നി​ന്ന്​ പു​റ​പ്പെ​ട്ട​ത്​ രാ​വി​ലെ 7.15ന്. ​ത​ല​സ്ഥാ​ന ന​ഗ​രം പി​ന്നി​ടാ​ൻ​ത​ന്നെ മ​ണി​ക്കൂ​റു​ക​ൾ. കൊ​ല്ലം ജി​ല്ല​യി​ലേ​ക്ക്​ ക​ട​ന്ന​ത്​ ഉ​ച്ച​ക്ക്​ മൂ​ന്ന​ര​യോ​ടെ. നി​ല​മേ​ലി​ലും പി​ന്നീ​ട്​ കൊ​ട്ടാ​ര​ക്ക​ര​യി​ലും വ​ൻ ജ​ന​ക്കൂ​ട്ടം.

ഏ​നാ​ത്തേ​ക്ക്​ ക​ട​ന്ന​പ്പോ​ൾ ബു​ധ​നാ​ഴ്ച രാ​ത്രി എ​ട്ട​ര. അ​വി​ടെ​യും ജ​ന​സ​മു​ദ്രം. 11.30ന് ​അ​ടൂ​രി​ലും പു​ല​ർ​ച്ച മൂ​ന്നോ​ടെ ചെ​ങ്ങ​ന്നൂ​രി​ലും എ​ത്തി​യ​പ്പോ​ൾ വാ​ഹ​ന​ങ്ങ​ൾ​ക്ക്​ നീ​ങ്ങാ​ൻ ക​ഴി​യാ​ത്ത നി​ല​യാ​യി​രു​ന്നു. കോ​ട്ട​യം തി​രു​ന​ക്ക​ര​യി​ലെ​ത്തി​യ​ത്​ വ്യാ​ഴാ​ഴ്ച രാ​വി​ലെ 10നു​ശേ​ഷം. പൊ​തു​ദ​ർ​ശ​നം മ​ണി​ക്കൂ​റു​ക​ൾ നീ​ണ്ടി​ട്ടും ക​ണ്ടി​റ​ങ്ങി​യ​വ​െ​ര​ക്കാ​ൾ കൂ​ടു​ത​ൽ കാ​ണാ​നു​ള്ള​വ​ർ ബാ​ക്കി. സ​ന്ധ്യ​യോ​ടെ വീ​ട്ടി​ലേ​ക്കെ​ടു​ത്ത​പ്പോ​ൾ ജ​ന​ക്കൂ​ട്ടം കാ​ൽ​ന​ട​യാ​യി പി​ന്നാ​ലെ. പു​തു​പ്പ​ള്ളി​യി​ലെ വീ​ട്ടി​ലും പ​ള്ളി​യി​ലെ ക​ബ​റ​ട​ക്ക​ച​ട​ങ്ങി​ലും ജ​ന​ക്കൂ​ട്ടം തി​ക്കി​ത്തി​ര​ക്കി. ആ​ൾ​ക്കൂ​ട്ട​ത്തി​ൽ അ​ക​ന്നി​രി​ക്കാ​ൻ ഉ​മ്മ​ൻ ചാ​ണ്ടി​ക്ക്​ ക​ഴി​യു​മാ​യി​രു​ന്നി​ല്ല. ഉ​മ്മ​ൻ ചാ​ണ്ടി​യി​ൽ​നി​ന്ന്​ അ​ട​ർ​ന്നു​മാ​റാ​ൻ ആ​ൾ​ക്കൂ​ട്ട​ത്തി​നു​മാ​യി​ല്ല.

കല്ലറയോളമെത്തിയ ജനക്കൂട്ടം

കോ​ട്ട​യം: ജ​ന​ക്കൂ​ട്ട​ത്തി​നൊ​പ്പം ജീ​വി​ച്ച ഉ​മ്മ​ൻ ചാ​ണ്ടി​യെ മ​ര​ണ​ശേ​ഷ​വും ജ​ന​ക്കൂ​ട്ടം അ​നു​ഗ​മി​ക്കു​ന്ന കാ​ഴ്ച​യാ​യി​രു​ന്നു സം​സ്കാ​ര ച​ട​ങ്ങു​ക​ളി​ലും. ക​ല്ല​റ​ക്ക​രി​കി​ലും ഇ​ര​മ്പി​യാ​ർ​ത്ത് അ​വ​ർ യാ​ത്രാ​മൊ​ഴി​യേ​കി. അ​ഞ്ച്​ പ​തി​റ്റാ​ണ്ടി​ന്‍റെ ച​രി​ത്ര​മു​ള്ള പു​തു​പ്പ​ള്ളി പ​ള്ളി​പ്പെ​രു​ന്നാ​ളി​നും വി​ശേ​ഷ​ദി​വ​സ​ങ്ങ​ളി​ലും ഇ​തു​വ​രെ കാ​ണാ​ത്ത ജ​ന​സാ​ഗ​ര​മാ​യി​രു​ന്നു അ​വി​ടെ. വീ​ടു മു​ത​ൽ പ​ള്ളി​വ​രെ​യു​ള്ള റോ​ഡി​ൽ ജ​നം നി​റ​ഞ്ഞു. ക​ട​ന്നു​പോ​കാ​ൻ​പോ​ലും ക​ഴി​യാ​ത്ത​ത്ര തി​ര​ക്കാ​യി​രു​ന്നു. പ​ള്ളി​യി​ലെ ക​ബ​റ​ട​ക്ക ശു​ശ്രൂ​ഷ​ക്ക് മൂ​ന്ന് മ​ണി​ക്കൂ​ർ മു​മ്പു​ത​ന്നെ പ​ള്ളി​യി​ലേ​ക്കു​ള്ള ഗേ​റ്റു​ക​ളെ​ല്ലാം അ​ട​ച്ചു. ഇ​തോ​ടെ ഗേ​റ്റു​ക​ൾ​ക്ക് മു​ന്നി​ൽ ആ​യി​ര​ങ്ങ​ൾ തി​ങ്ങി​നി​റ​ഞ്ഞു.

ഇ​വ​ർ​ക്കി​ട​യി​ലൂ​ടെ പ​ള്ളി​യി​ലേ​ക്ക് പ്രി​യ നേ​താ​വി​നെ എ​ത്തി​ച്ച​പ്പോ​ൾ വൈ​കി. അ​ത് പു​തു​പ്പ​ള്ളി​ക്കാ​ർ​ക്ക് പു​തു​മ​യ​ല്ല. എ​ന്താ​യാ​ലും വ​രു​മെ​ന്ന് അ​വ​ർ​ക്ക് ഉ​റ​പ്പാ​ണ്. പ​തി​വു തെ​റ്റി​ക്കാ​തെ പ​റ​ഞ്ഞ​തി​ലും ആ​റു മ​ണി​ക്കൂ​ർ വൈ​കി പ്രി​യ ഒ.​സി പ​ള്ളി​യി​ലേ​ക്ക്. ഗേ​റ്റു​ക​ൾ​ക്ക് മു​ന്നി​ൽ തി​ങ്ങി​നി​റ​ഞ്ഞ ജ​ന​ക്കൂ​ട്ട​ത്തി​ന് ഇ​ട​യി​ലൂ​ടെ ഏ​റെ ബു​ദ്ധി​മു​ട്ടി​യാ​ണ് മൃ​ത​ദേ​ഹം എ​ത്തി​ച്ച​ത്.

പു​റ​ത്തു നി​ന്ന​വ​ർ അ​വ​സാ​ന​മാ​യി ആ ​മു​ദ്രാ​വാ​ക്യം മു​ഴ​ക്കി; ക​ണ്ണേ ക​ര​ളേ കു​ഞ്ഞൂ​ഞ്ഞേ...’ ഇ​ത് തൊ​ണ്ട​പൊ​ട്ടു​മാ​റ്​ ഏ​റ്റു​വി​ളി​ച്ച പ​ല ക​ണ്ണു​ക​ളും നി​റ​ഞ്ഞി​രു​ന്നു; ഇ​രു​ട്ടി​നൊ​പ്പം ക​ണ്ണു​നീ​രും അ​ലി​ഞ്ഞു​ചേ​ർ​ന്നു. എ.​കെ. ആ​ന്‍റ​ണി, ര​മേ​ശ്​ ചെ​ന്നി​ത്ത​ല​യ​ട​ക്ക​മു​ള്ള നേ​താ​ക്ക​ൾ അ​വ​സാ​ന​മാ​യി ഒ​രി​ക്ക​ൽ കൂ​ടി ചേ​ർ​ന്നു​നി​ന്നു.

ക​ർ​ദി​നാ​ൾ മാ​ർ ജോ​ർ​ജ് ആ​ല​ഞ്ചേ​രി അ​ട​ക്ക​മു​ള്ള​വ​ർ അ​ദ്ദേ​ഹ​ത്തെ അ​നു​സ്മ​രി​ച്ചു. തു​ട​ർ​ന്ന് പ​ള്ളി​യി​ലെ അ​ന്തി​മ ശു​ശ്രൂ​ഷ​ക​ൾ​ക്ക് ശേ​ഷം വൈ​ദി​ക​രു​ടെ ക​ല്ല​റ​യോ​ട് ചേ​ർ​ന്ന് തെ​ങ്ങു​ക​ൾ​ക്കി​ട​യി​ൽ ത​യാ​റാ​ക്കി​യ പ്ര​ത്യേ​ക ക​ബ​റി​ട​ത്തി​ൽ നി​ത്യ​നി​ദ്ര.