വിദേശ വിദ്യാർഥിക്ക്​ പീഡനം; ‘കേരള സ​ർ​വ​ക​ലാ​ശാ​ല’യിൽ വകുപ്പ്​ മേധാവിക്ക്​ സസ്​പെൻഷൻ

തി​രു​വ​ന​ന്ത​പു​രം: കേ​ര​ള സ​ർ​വ​ക​ലാ​ശാ​ല കാ​ര്യ​വ​ട്ടം കാ​മ്പ​സി​ലെ ബം​ഗ്ലാ​ദേ​ശ് സ്വ​ദേ​ശി​യാ​യ നാ​ലു​വ​ർ​ഷ ബി​രു​ദ വി​ദ്യാ​ർ​ഥി​യെ പീ​ഡി​പ്പി​ച്ചെ​ന്ന പ​രാ​തി​യി​ൽ അ​ക്വാ​ട്ടി​ക് ബ​യോ​ള​ജി വ​കു​പ്പ് മേ​ധാ​വി ഡോ. ​എ​സ്.​എം. റാ​ഫി​യെ സ​സ്‌​പെ​ൻ​ഡ് ചെ​യ്തു. വ​കു​പ്പ് മേ​ധാ​വി സ്ഥാ​ന​ത്തു​ നി​ന്ന്​ നീ​ക്കാ​നും സി​ൻ​ഡി​ക്കേ​റ്റ് യോ​ഗം തീ​രു​മാ​നി​ച്ചു.

ഇ​ന്ത്യ​ൻ കൗ​ൺ​സി​ൽ ഫോ​ർ ക​ൾ​ച്ച​റ​ൽ റി​ലേ​ഷ​ൻ​സ്​ (ഐ.​സി.​സി.​ആ​ർ) സ്കോ​ള​ർ​ഷി​പ്പോ​ടു​ കൂ​ടി ഇ​ൻ​റ​ർ​നാ​ഷ​ന​ൽ റി​ലേ​ഷ​ൻ സ്റ്റ​ഡീ​സ്​ കോ​ഴ്​​സി​ൽ പ​ഠി​ക്കു​ന്ന വി​ദ്യാ​ർ​ഥി​യു​ടെ പ​രാ​തി​യി​ൽ കാ​മ്പ​സ്‌ ഡ​യ​റ​ക്ട​ർ അ​ന്വേ​ഷ​ണം ന​ട​ത്തി റി​പ്പോ​ർ​ട്ട് ന​ൽ​കി​യി​രു​ന്നു. സ​ർ​വ​ക​ലാ​ശാ​ല അ​ണ്ട​ർ ​ഗ്രാ​ജ്വേ​റ്റ്​ സ്റ്റ​ഡീ​സ്​ ഡ​യ​റ​ക്ട​റും റി​പ്പോ​ർ​ട്ട്​ സ​മ​ർ​പ്പി​ച്ചി​രു​ന്നു. ഇ​തി​നു​ പു​റ​മെ, കാ​മ്പ​സ് യൂ​നി​യ​ൻ ചെ​യ​ർ​മാ​നും അ​ധ്യാ​പ​ക​നെ​തി​രെ പ​രാ​തി ന​ൽ​കി​യി​രു​ന്നു.

ചൊ​വ്വാ​ഴ്ച ചേ​ർ​ന്ന സി​ൻ​ഡി​ക്കേ​റ്റ്​ യോ​ഗ​ത്തി​ൽ വി.​സി ഡോ. ​മോ​ഹ​ന​ൻ കു​ന്നു​മ്മ​ൽ പ്ര​ത്യേ​ക അ​ജ​ണ്ട​യാ​യി വി​ഷ​യം കൊ​ണ്ടു​ വ​രി​ക​യും തു​ട​ർ​ന്ന്,​ സ​സ്​​പെ​ൻ​ഡ്​​ ചെ​യ്യാ​നും വ​കു​പ്പ്​ മേ​ധാ​വി സ്ഥാ​ന​ത്തു ​നി​ന്ന്​ നീ​ക്കാ​നും തീ​രു​മാ​നി​ക്കു​ക​യാ​യി​രു​ന്നു.

മൂ​ന്നു​വ​ർ​ഷം മു​മ്പാ​ണ്​ സ​ർ​വ​ക​ലാ​ശാ​ല റാ​ഫി​യെ അ​സോ​സി​യ​റ്റ് പ്ര​ഫ​സ​റാ​യി നേ​രി​ട്ട് നി​യ​മി​ച്ച​ത്. അ​ന്വേ​ഷ​ണ​ത്തി​ന് സി​ൻ​ഡി​ക്കേ​റ്റി​ന്റെ മൂ​ന്നം​ഗ ഉ​പ​സ​മി​തി​യെ നി​യോ​ഗി​ക്കാ​നും അ​ക്വാ​ട്ടി​ക് ബ​യോ​ള​ജി പ്ര​ഫ​സ​ർ എ. ​ബി​ജു കു​മാ​റി​ന് വ​കു​പ്പ് മേ​ധാ​വി​യു​ടെ ചു​മ​ത​ല ന​ൽ​കാ​നും യോ​ഗം തീ​രു​മാ​നി​ച്ചു.