ഒരു രൂപക്ക്​ സ്​ഥാനാർഥിയാകാം; സമൂഹമാധ്യമങ്ങളിൽ പ്രചരിക്കുന്ന പരസ്യത്തിന്‍റെ കഥയറിയാം

കോഴിക്കോട്​: തെരഞ്ഞെടുപ്പ്​ പ്രഖ്യാപിച്ചതു​മുതൽ സമൂഹമാധ്യമങ്ങളിൽ പ്രചരിപ്പിക്കുന്ന പരസ്യമാണ്​ 'ഒരു രൂപക്ക്​ തെര​െഞ്ഞടുപ്പിൽ മത്സരിക്കാം'. ഇന്ത്യൻസ്​ ഗാന്ധിയൻ പാർട്ടിയുടെ പേരിലാണ്​ പരസ്യം. വിളിക്കാൻ ഫോൺ നമ്പറും നൽകിയിട്ടുണ്ട്​.

മറ്റു പാർട്ടികളെപ്പോലെ അണികൾ ഇല്ലാത്തതിനാലാണ്​ ​പരസ്യം നൽകാനുള്ള പാർട്ടി അംഗങ്ങളുടെ തീരുമാനമെന്നാണ്​ ഈ ഫോൺ നമ്പറിൽ വിളിച്ചപ്പോൾ കിട്ടിയ മറുപടി. നൂതന സംരംഭകരെ പ്രോത്സാഹിപ്പിക്കുന്നതിനായാണ്​ പാർട്ടിയുടെ രംഗപ്രവേശം. എന്നാൽ മത്സര രംഗത്തുള്ള മറ്റുള്ളവരെപ്പോലെ പണമില്ലാത്തത്​ ഈ പാർട്ടി അണികളെ വലക്കുകയും ചെയ്യുന്നുണ്ട്​.

സ്​ഥാനാർഥിയാകണമെങ്കിൽ ആദ്യം പാർട്ടി മെമ്പർഷിപ്പ്​ എടുക്കണം. അതിന്‍റെ ചിലവാണ്​ ഒരു രൂപ. ശേഷം പാർട്ടി നിർദേശിക്കുന്ന അ​ല്ലെങ്കിൽ താൽപര്യമുള്ള മണ്ഡലങ്ങളിൽ മത്സരിക്കാം. തെരഞ്ഞെടുപ്പിന്​ കെട്ടിവെക്കേണ്ട തുക പാർട്ടി തന്നെ സംഘടിപ്പിക്കും.

രണ്ടുദിവസങ്ങളിലായി കൊച്ചിയിൽ നടക്കുന്ന റിക്രൂട്ട്​മെന്‍റ്​ വഴിയാണ്​​ മത്സരിക്കാൻ നിർത്തേണ്ട സ്​ഥാനാർഥികളെ തെരഞ്ഞെടുക്കുക. അതിനായി പത്തോളം മണ്ഡലങ്ങളിൽ ഭാവിയിൽ നടത്താന​ുദ്ദേശിക്കുന്ന വികസന രേഖകൾ തയാറാക്കി നൽകുകയും വേണം. ശേഷം ഇന്‍റർവ്യൂവിന്‍റെ അടിസ്​ഥാനത്തിലാകും തെരഞ്ഞെടുപ്പ്​. തെരഞ്ഞെടുപ്പിൽ മത്സരിക്കാൻ താൽപര്യം മാത്രം പോരാ കഴിവും മാനദണ്ഡമാക്കുമെന്നാണ്​ അവകാശവാദം.