ഭ​ക്ഷ്യ​സു​ര​ക്ഷ: മിന്നൽ പരിശോധനകള്‍ക്കായി പ്രത്യേക ദൗത്യ സേന രൂപവത്​കരിക്കും -മന്ത്രി

തി​രു​വ​ന​ന്ത​പു​രം: ലൈ​സ​ന്‍സ് റ​ദ്ദാ​ക്ക​പ്പെ​ട്ടാ​ല്‍ അ​ത് പു​നഃ​സ്ഥാ​പി​ക്കു​ന്ന​തി​ന് ഇ​നി​മു​ത​ൽ ഭ​ക്ഷ്യ​സു​ര​ക്ഷ ക​മീ​ഷ​ണ​റു​ടെ അ​നു​മ​തി​കൂ​ടി വേ​ണം. അ​സി. ക​മീ​ഷ​ണ​ർ​മാ​ർ​ക്കും അ​ത​ത്​ ത​ദ്ദേ​ശ​സ്ഥാ​പ​ന​ങ്ങ​ൾ​ക്കും ന​ൽ​കി​യി​രു​ന്ന ചു​മ​ത​ല​യി​ലാ​ണ്​ ഭ​ക്ഷ്യ​സു​ര​ക്ഷ ക​മീ​ഷ​ണ​റു​ടെ അ​നു​മ​തി കൂ​ടി നി​ർ​ബ​ന്ധ​മാ​ക്കി​യ​ത്. ഫു​ഡ് സേ​ഫ്റ്റി എ​ന്‍ഫോ​ഴ്‌​സ്‌​മെ​ന്റ് ഉ​ദ്യോ​ഗ​സ്ഥ​രു​ടെ യോ​ഗ​ത്തി​ലാ​ണ്​ മ​ന്ത്രി വീ​ണ ജോ​ർ​ജ്​ നി​ർ​ദേ​ശം ന​ൽ​കി​യ​ത്.

കൃ​ത്യ​മാ​യ ഇ​ട​വേ​ള​ക​ളി​ല്‍ പ​രി​ശോ​ധ​ന​ക​ള്‍ ന​ട​ത്ത​ണം. രാ​ത്രി​കാ​ല​ങ്ങ​ളി​ല്‍ ചെ​ക്പോ​സ്റ്റു​ക​ള്‍, ത​ട്ടു​ക​ട​ക​ള്‍ എ​ന്നി​വ കേ​ന്ദ്രീ​ക​രി​ച്ച് കൃ​ത്യ​മാ​യി പ​രി​ശോ​ധ​ന​ക​ള്‍ ന​ട​ത്ത​ണം. ലൈ​സ​ന്‍സി​ല്ലാ​ത്ത സ്ഥാ​പ​ന​ങ്ങ​ള്‍ പ്ര​വ​ര്‍ത്തി​ക്കാ​ന്‍ അ​നു​വ​ദി​ക്കി​ല്ല. പ​രി​ശോ​ധ​ന​ക​ളും പ്രോ​സി​ക്യൂ​ഷ​ന്‍ ന​ട​പ​ടി​ക​ളും ഭ​യ​ര​ഹി​ത​മാ​യി ന​ട​ത്ത​ണം. ഇ​നി​മേ​ല്‍ പ​രി​ശോ​ധ​ന ന​ട​ത്തു​ന്ന സ്ഥാ​പ​ന​ങ്ങ​ള്‍ കൃ​ത്യ​മാ​യി ഓ​ണ്‍ലൈ​ന്‍ മു​ഖേ​ന ഭ​ക്ഷ്യ​സു​ര​ക്ഷ ഉ​ദ്യോ​ഗ​സ്ഥ​ര്‍ അ​പ്​​ലോ​ഡ് ചെ​യ്യേ​ണ്ട​താ​ണ്. ഇ​ത് സം​സ്ഥാ​ന ത​ല​ത്തി​ല്‍ വി​ല​യി​രു​ത്ത​ണം. ഹോ​ട്ട​ലു​ക​ളു​ടെ ശുചിത്വ നിലവാര​ സം​വി​ധാ​ന​വും പൊ​തു​ജ​ന​ങ്ങ​ള്‍ക്ക് വി​വ​ര​ങ്ങ​ള്‍ അ​റി​യി​ക്കാ​നു​ള്ള പോ​ര്‍ട്ട​ലും ഉ​ട​ന്‍ ത​ന്നെ സ​ജ്ജ​മാ​ക്കും.

ശ​രി​യാ​യ രീ​തി​യി​ല്‍ ജോ​ലി ചെ​യ്യു​ന്ന എ​ല്ലാ ജീ​വ​ന​ക്കാ​ര്‍ക്കും സ​ര്‍ക്കാ​റി​ന്റെ പ​രി​ര​ക്ഷ​യു​ണ്ടാ​കും. പ​രാ​തി ല​ഭി​ക്കു​മ്പോ​ള്‍ കൃ​ത്യ​മാ​യ ന​ട​പ​ടി സ്വീ​ക​രി​ക്ക​ണം. നി​യ​മം ദു​രു​പ​യോ​ഗം ചെ​യ്യ​രു​ത്.

മു​ന്‍കൂ​ട്ടി അ​റി​യി​ക്കാ​തെ പ​രി​ശോ​ധ​ന​ക​ള്‍ ഉ​റ​പ്പാ​ക്ക​ണം. പൊ​ലീ​സ് സം​ര​ക്ഷ​ണം ആ​വ​ശ്യ​മെ​ങ്കി​ല്‍ തേ​ട​ണ​മെ​ന്നും മ​ന്ത്രി നി​ർ​ദേ​ശി​ച്ചു. സം​സ്ഥാ​ന ത​ല​ത്തി​ല്‍ മിന്നൽ പ​രി​ശോ​ധ​ന​ക​ള്‍ക്കാ​യി പ്ര​ത്യേ​ക സംസ്ഥാന ദൗത്യ സേന രൂ​പ​വ​ത്​​ക​രി​ക്കും. സം​സ്ഥാ​ന​ത്തെ ഏ​ത് ഭാ​ഗ​ത്തും ഈ ​ദൗത്യ സേനക്ക് പ​രി​ശോ​ധ​ന ന​ട​ത്താ​നാ​കും. അ​ത​ത് പ്ര​ദേ​ശ​ത്തെ ഭ​ക്ഷ്യ​സു​ര​ക്ഷ ഉ​ദ്യോ​ഗ​സ്ഥ​രും ഈ ​സംഘത്തിന്റെ ഭാ​ഗ​മാ​കു​മെ​ന്നും മ​ന്ത്രി പ​റ​ഞ്ഞു.

ഭക്ഷ്യസുരക്ഷ ഉദ്യോഗസ്ഥർ മു​ത​ല്‍ ക​മീ​ഷ​ണ​ര്‍ വ​രെ​യു​ള്ള ഉ​ദ്യോ​ഗ​സ്ഥ​ര്‍ യോ​ഗ​ത്തി​ല്‍ പ​ങ്കെ​ടു​ത്തു. കോ​വി​ഡി​ന് ശേ​ഷം ഭ​ക്ഷ്യ​സു​ര​ക്ഷ വ​കു​പ്പി​ന്റെ ന​ട​പ​ടി​ക​ള്‍ ശ​ക്ത​മാ​ക്കി​യ​താ​യി യോ​ഗം വി​ല​യി​രു​ത്തി.