ഫ്ലവേഴ്‌സ് ടിവി മാർക്കറ്റിങ്​ മേധാവി​ ആന്റോ പുത്തിരി നിര്യാതനായി

തൃശൂർ: ഫ്ലവേഴ്‌സ് ടിവി, ട്വന്റി ഫോർ എക്‌സിക്യൂട്ടീവ് വൈസ് പ്രസിഡന്റും മാർക്കറ്റിങ്​ മേധാവിയുമായ ആന്റോ പുത്ത ിരി (58) നിര്യാതനായി. ഹൃദയാഘാതത്തെ തുടർന്ന്​ ഇന്ന് പുലർച്ചെ നാല്​ മണിയോടെ കൊച്ചിയിലെ സ്വകാര്യ ആശുപത്രിയിലായിരുന്നു അന്ത്യം. തൃശൂർ വേലൂർ സ്വദേശിയാണ്.

‘ഈ നാട് ‘ ദിനപത്രത്തിലൂടെ ഔദ്യോഗിക ജീവിതം ആരംഭിച്ച ആന്‍റോ പുത്തിരി മാതൃഭൂമി ദിനപത്രത്തിന്‍റെയും ഏഷ്യാനെറ്റിന്‍റെയും മാർക്കറ്റിങ്​ വിഭാഗത്തിൽ പ്രവർത്തിച്ചു. മുപ്പത് വർഷത്തിലധികമായി പത്ര, ടെലിവിഷൻ മാർക്കറ്റിങ്​ രംഗത്ത് സജീവമായിരുന്നു.

ഇരുപത് വർഷത്തിലധികമായി ഏഷ്യാനെറ്റിന്‍റെ വൈസ് പ്രസിഡൻറായിരുന്നു. പിന്നീടാണ്​ ഫ്ലവേഴ്‌സിന്റെ മാർക്കറ്റിങ്​ വിഭാഗം മേധാവിയായി ചുമതലയേറ്റത്.