പ്രളയ​ബാധിതർക്ക്​ 15 ദിവസത്തിനകം നഷ്​ടപരിഹാരം​ നൽകണമെന്ന്​ ഹൈകോടതി

കൊച്ചി: 2018ലെ പ്രളയത്തിൽ നാശനഷ്​ടം സംഭവിച്ചവർക്ക്​ 15 ദിവസത്തിനകം നഷ്​ടപരിഹാരം നൽകണമെന്ന്​ ഹൈകോടതി. അ​േപക്ഷയ ും അപ്പീലുകളും പരിഗണിച്ച്​ അർഹരാണെന്ന്​ ക​ണ്ടെത്തിയിട്ടും ഇതുവരെ നഷ്​ടപരിഹാരം നൽകാത്തവർക്ക്​ തുക ലഭ്യമാക്ക ിയെന്ന്​ ഉറപ്പുവരുത്തണമെന്ന്​​ റവന്യൂ, ​ത​േദ്ദശ സ്ഥാപന അധികൃതരോട്​ ആക്​ടിങ്​ ചീഫ്​ ജസ്​റ്റിസ്​ സി.കെ. അബ്​ദ ുൽറഹീം, ജസ്​റ്റിസ്​ അനു ശിവരാമൻ എന്നിവരടങ്ങുന്ന ഡിവിഷൻ ബെഞ്ച്​ നിർദേശിച്ചു. വിതരണം പൂർത്തിയാക്കി കോടതി ഉത്തരവ്​ നടപ്പാക്കിയത്​ സംബന്ധിച്ച റിപ്പോർട്ട്​​ കേസ്​ വീണ്ടും പരിഗണിക്കുന്ന ദിവസത്തിനുമുമ്പ്​ സമർപ്പിക്കണം. അർഹതയുണ്ടായിട്ടും നഷ്​ടപരിഹാരം ലഭിച്ചില്ലെന്നും ദുരിതാശ്വാസം സംബന്ധിച്ച വിവരങ്ങൾ ലഭ്യമല്ലെന്നുമടക്കം ആരോപിക്കുന്ന ഒരുകൂട്ടം ഹരജികളാണ് കോടതിയുടെ പരിഗണനയിലുള്ളത്​.

നഷ്​ടപരിഹാരത്തിന് അർഹരായിട്ടും ലഭിക്കാത്തവർക്ക് ഒരുമാസത്തിനകം വിതരണം ചെയ്യാൻ കഴിഞ്ഞ മാസം കോടതി ഉത്തരവിട്ടിരുന്നു. പ്രളയബാധിതർക്ക് നിയമസഹായം ലഭ്യമാക്കുന്നത് സംബന്ധിച്ച കെൽസയുടെ (കേരള സ്​റ്റേറ്റ് ലീഗൽ സർവിസ് അതോറിറ്റി) നിലപാടും തേടി. പ്രളയബാധിതരുടെ അപ്പീലിലെ അവസ്ഥ വ്യക്തിപരമായി അറിയിക്കാൻ നടപടി സ്വീകരിച്ചതായി അഡീ. അഡ്വക്കറ്റ്​ ജനറലിനുവേണ്ടി ഹാജരായ ഗവ. പ്ലീഡർ കോടതിയിൽ പറഞ്ഞു. ഇതിനുള്ള ​ഫോർമാറ്റ്​ കോടതിയിൽ സമർപ്പിക്കുകയും ചെയ്​തു. ഇത്​ എല്ലാ പഞ്ചായത്തുകൾക്കും റവന്യൂ അധികൃതർക്കും നൽകിയിട്ടുണ്ട്​. നഷ്​ടപരിഹാരത്തിന്​ അപേക്ഷിച്ചവരെയെല്ലാം വ്യക്തിപരമായി അറിയിച്ചിട്ടുമുണ്ട്​.

അതേസമയം, നഷ്​ടപരിഹാരം ഒരുമാസത്തിനകം നൽകാനുള്ള ഉത്തരവ്​ പ്രകാരം സ്വീകരിച്ച നടപടികളെക്കുറിച്ച്​ വ്യക്തതയുള്ള മറുപടി സർക്കാർ അഭിഭാഷകനിൽനിന്ന്​ ലഭിച്ചില്ലെന്ന്​ കോടതി പറഞ്ഞു. സർക്കാർ നടപടി ഫലപ്രദമായിട്ടി​ല്ലെന്ന്​ വ്യക്തമാക്കാൻ കുന്നുകര പഞ്ചായത്തിലെ അപേക്ഷകന്​ സെക്രട്ടറി നൽകിയ കത്ത്​ അമികസ്​ക്യൂറി ഹാജരാക്കുകയും ചെയ്​തു​. അർഹരായവർക്ക്​ കൂടുതൽ ബുദ്ധിമുട്ടുണ്ടാക്കുന്ന സാഹചര്യമാണ്​ ഇതുണ്ടാക്കിയിട്ടുള്ളത്​. നഷ്​ടപരിഹാരത്തുക ലഭ്യമാക്കുന്ന നടപടികൾ ഏകോപിപ്പിക്കാൻ പാരാ ലീഗൽ വളൻറിയർമാരുടെ സേവനം ലഭ്യമാക്കാൻ തയാറാണെന്ന്​ കെൽസ മെംബർ സെക്രട്ടറി നിസാർ അലി കോടതിയെ അറിയിച്ചു.
അർഹരായവർക്ക്​ നഷ്​ടപരിഹാരം ലഭ്യമാക്കാനുള്ള ഏകോപന പ്രവർത്തനങ്ങൾക്കും സേവനങ്ങൾക്കുമായി പാരാ ലീഗൽ വളൻറിയർമാർക്ക്​ അടിയന്തരനിർദേശം നൽകാൻ ​കെൽസ മെംബർ സെക്രട്ടറിയോട്​ കോടതി നിർദേശിച്ചു.