പ്രളയ സെസ് ജനങ്ങളോടുള്ള വെല്ലുവിളി -ചെന്നിത്തല

തിരുവനന്തപുരം: കടുത്ത പ്രതിഷേധം ഉയര്‍ന്നിട്ടും പ്രളയ സെസ് ചുമത്തുന്നത് ജനങ്ങളോടുള്ള വെല്ലുവിളിയാണെന്ന് പ് രതിപക്ഷ നേതാവ് രമേശ് ചെന്നിത്തല. പ്രളയത്തി​​​െൻറ കെടുതികളില്‍നിന്ന് കരകയറാന്‍ കഴിയാത്ത കേരളത്തിലെ ജനങ്ങളെ വീണ്ടും ശിക്ഷിക്കുന്നതിന് തുല്യമാണ് ഇത്.

വൻ വിലക്കയറ്റത്തിന് പ്രളയ സെസ് കാരണമാകും. ലോക്‌സഭ തെരഞ്ഞെടുപ്പില്‍ ജനങ്ങള്‍ നല്‍കിയ വിധിയില്‍നിന്ന് പാഠംപഠിക്കാത്ത സംസ്ഥാന സര്‍ക്കാര്‍ വീണ്ടും ജനദ്രോഹ നടപടികളുമായി മുന്നോട്ടുപോവുകയാണെന്നും ചെന്നിത്തല പറഞ്ഞു.