Top
Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightകരിപ്പൂരിൽ...

കരിപ്പൂരിൽ ലാൻഡിങ്ങിനിടെ വിമാനത്തി​​െൻറ ചക്രം പൊട്ടിത്തെറിച്ചു

text_fields
bookmark_border
കരിപ്പൂരിൽ ലാൻഡിങ്ങിനിടെ വിമാനത്തി​​െൻറ ചക്രം പൊട്ടിത്തെറിച്ചു
cancel

കരിപ്പൂർ: കോഴിക്കോട് വിമാനത്താവളത്തില്‍ ലാന്‍ഡിങ്ങിനിടെ വിമാനത്തി​​​​െൻറ ചക്രം പൊട്ടിത്തെറിച്ചു. ചൊവ്വാഴ്​ച വൈകീട്ട്​ 6.30ഒാടെയാണ്​ സംഭവം. ജിദ്ദയിൽ നിന്നെത്തിയ സ്​പൈസ്​ ജെറ്റ്​ വിമാനമാണ്​ അപകടത്തിൽപ്പെട്ടത്​. 177 യാത്രക്കാരാണ്​ ഇതിലുണ്ടായിരുന്നത്​. അപകടത്തെ തുടർന്ന്​ റൺവേ അൽപനേരം അടച്ചിട്ടു. ഒരു വിമാനം​ കൊച്ചിയിലേക്ക്​ തിരിച്ചുവിട്ടു.

പടിഞ്ഞാറ്​ ഭാഗത്ത്​ ഇറങ്ങിയ വിമാനം റൺവേയുടെ പകുതിയോളം പിന്നിട്ടപ്പോഴാണ്​ പിറകിലെ ഇടതുവശത്തെ ചക്രം പൊട്ടിത്തെറിച്ചത്​. പൈലറ്റി​​​​െൻറ അവസരോചിത ഇടപെടലിലൂടെ വിമാനം സുരക്ഷിതമായി റൺവേയിൽ തന്നെ നിർത്തി. ഉടൻ അഗ്​നിശമന സേന, വ്യോമഗതാഗത വിഭാഗം, എൻജിനീയറിങ്​ വിഭാഗം തുടങ്ങിയവർ സ്ഥലത്തെത്തി.

തുടർന്ന്​ യാത്രക്കാരെ റൺവേയിൽനിന്ന്​ ബസുകളിൽ ടെർമിനലിൽ എത്തിച്ചു. ചക്രം പൊട്ടിയതിനാൽ വിമാനം ഏപ്രണിലേക്ക്​ മാറ്റാൻ സാധിക്കാത്തതിനാലാണ്​ റൺവേ താൽക്കാലികമായി അടച്ചത്​. 6.55ന്​ മസ്​കത്തിൽ നിന്നെത്തിയ ഒമാൻ എയർ വിമാനമാണ്​ കൊച്ചിയിലേക്ക്​ തിരിച്ചുവിട്ടത്​. ഇത്​ അൽപസമയത്തിന്​ ശേഷം കരിപ്പൂരിൽ തിരിച്ചിറങ്ങി. മറ്റ്​ വിമാനങ്ങളും അൽപം വൈകിയാണ്​ ലാൻഡ്​ ചെയ്​തത്​.

ചക്രം റൺ​വേയിൽ വെച്ച്​ തന്നെ മാറ്റിയിട്ട​ ശേഷം 8.15ഒാടെയാണ്​ വിമാനം സുരക്ഷിതമായി ഏപ്രണിലെത്തിച്ചത്​. തുടർന്ന്​ റ​ൺവേ പരിശോധനക്ക്​ ശേഷം 8.20ഒാടെ എയർഇന്ത്യ എക്​സ്​പ്രസി​​​​െൻറ ഷാർജ വിമാനം ലാൻഡ്​ ചെയ്​തു. ജിദ്ദയിൽ നിന്നെത്തിയ ശേഷം സ്​പൈസ്​ജെറ്റ്​ ബംഗളൂരുവിലേക്ക്​ പുറപ്പെടേണ്ടതായിരുന്നു. ഈ സർവിസ്​ രാത്രി 9.30ലേക്ക്​ പുനഃക്രമീകരിച്ചു.

Show Full Article
TAGS:karipur airport flight accident kerala news 
News Summary - flight tyre breaks while landing
Next Story