കെ. സുധാകരനെ കെ.പി.സി.സി പ്രസിഡന്‍റാക്കണമെന്ന്​ കെ.എസ്​.യുവിന്‍റെ പേരിൽ ഫ്ലക്​സ്​; പങ്കില്ലെന്ന്​ നേതൃത്വം

തിരുവനന്തപുരം: കെ. സുധാകരൻ എം.പിയെ കെ.പി.സി.സി പ്രസിഡന്‍റാക്കണമെന്ന്​ കെ.എസ്​.യുവിന്‍റെ പേരിൽ ഫ്ലക്​സ്​. കെ.സുധാകര​െന വിളിക്കു കോൺഗ്രസിനെ രക്ഷിക്കൂ എന്ന വാചകത്തോടെയാണ്​ ഫ്ലെക്​സ്​ ബോർഡ് പ്രത്യക്ഷപ്പെട്ടത്​​. തിരുവനന്തപുരം കെ.പി.സി.സി ഓഫീസിന്​ മുന്നിലും എം.എൽ.എ ഹോസ്റ്റലിന്​ മുന്നിലുമാണ്​ ഫ്ലക്​സ്​ ബോർഡ്​ പ്രത്യക്ഷപ്പെട്ടത്​.

അതേസമയം, ഫ്ലക്​സ്​ സ്ഥാപിച്ചതുമായി ബന്ധമില്ലെന്ന്​ കെ.എസ്​.യു സംസ്ഥാന പ്രസിഡന്‍റ്​ കെ.എം അഭിജിത്​ പറഞ്ഞു. അഭിപ്രായങ്ങൾ പാർട്ടി വേദിയിൽ പറയുമെന്നും അഭിജിത്​ പ്രതികരിച്ചു. കൊല്ലം ഡി.സി.സി പ്രസിഡന്‍റ്​ ബിന്ദുകൃഷ്​ണക്കെതിരെയും ഫ്ലക്​സ്​ പ്രത്യക്ഷപ്പെട്ടിരുന്നു.

ബിന്ദുകൃഷ്​ണ ബി.ജെ.പി ഏജൻറാണെന്നായിരുന്നു പ്രധാന ആരോപണം. പണം വാങ്ങി​യാണ്​ ​തദ്ദേശസ്വയംഭരണ സീറ്റുകൾ നൽകിയതെന്നും ആരോപണമുണ്ട്​.