തമിഴ്നാട്ടിലെ അഞ്ച് മന്ത്രിമാർ നാളെ മുല്ലപ്പെരിയാർ അ​ണ​ക്കെട്ട്​ സന്ദർശിക്കും

കു​മ​ളി: ജ​ല​നി​ര​പ്പ്​ ഉ​യ​ർ​ന്ന​തി​നെ​ തു​ട​ർ​ന്ന് ഇ​ടു​ക്കി ജ​ല സംഭരണിയി​ലേ​ക്ക് വെ​ള്ളം തു​റ​ന്നു​വി​ട്ട സാ​ഹ​ച​ര്യ​ത്തി​ൽ തമിഴ്നാട്ടിലെ അഞ്ച് മന്ത്രിമാർ വെള്ളിയാഴ്ച മുല്ലപ്പരിയാർ അണക്കെട്ട് സന്ദർശിക്കും. നിലവിലെ സ്ഥി​തി​ഗ​തി വി​ല​യി​രു​ത്താ​നാണ് മന്ത്രിമാരുടെ സന്ദർശനം.

മു​ല്ല​പ്പെ​രി​യാ​ർ അ​ണ​ക്കെ​ട്ടി​െൻറ ചു​മ​ത​ല​യു​ള്ള ത​മി​ഴ്നാ​ട് ജലസേചന വകുപ്പ് മ​ന്ത്രി ദു​രൈ മു​രു​കന്‍റെ നേതൃത്വത്തിലാവും സന്ദർശനം. സഹകരണം, റവന്യൂ, ധനം, ഭക്ഷ്യ വകുപ്പ് മന്ത്രിമാരാണ് മറ്റുള്ളവർ. തേനിയിൽ നിന്നുള്ള മൂന്ന് എം.എൽ.എമാരും മന്ത്രിമാരെ അനുഗമിക്കും. കുമളി ചെക്പോസ്റ്റ് വഴി തേക്കടിയിൽ എത്തുന്ന മന്ത്രിമാർ ബോട്ട് ലാൻഡിങ് വഴി മുല്ലപ്പെരിയാർ അണക്കെട്ടിലേക്ക് പോകും.

ഇ​ടു​ക്കി​യി​ലേ​ക്ക് ജ​ലം തു​റ​ന്നു​വി​ട്ട​ത് ത​മി​ഴ്നാ​ട്ടി​ലെ പ്ര​തി​പ​ക്ഷ ക​ക്ഷി​ക​ൾ ഭ​ര​ണ​ക​ക്ഷി​യാ​യ ഡി.​എം.​കെ​ക്കെതി​രെ ആ​യു​ധ​മാ​ക്കു​ന്ന​തി​നി​ടെ​യാ​ണ് നീ​ണ്ട ഇ​ട​വേ​ള​ക്കു ശേ​ഷം ത​മി​ഴ്നാ​ട് മ​ന്ത്രിമാർ അ​ണ​ക്കെ​ട്ട് സ​ന്ദ​ർ​ശി​ക്കു​ന്ന​ത്.

ജ​ല​നി​ര​പ്പ് ഉ​യ​ർ​ന്ന​തി​നെ തു​ട​ർ​ന്ന് കേ​ര​ള ജ​ല​വി​ഭ​വ, റ​വ​ന്യൂ, കൃ​ഷി മ​ന്ത്രി​മാ​ർ അ​ണ​ക്കെ​ട്ട് സ​ന്ദ​ർ​ശി​ച്ചി​രു​ന്നു.

അതേസമയം, മഴ കുറഞ്ഞതിനാൽ അണക്കെട്ടിലെ ജലനിരപ്പ് താഴ്ന്നു വരികയാണ്. 138.60 അടിയാണ് നിലവിലെ ജലനിരപ്പ്. വൃഷ്ടിപ്രദേശത്ത് നിന്ന് അണക്കെട്ടിലേക്കുള്ള നീരൊഴുക്ക് കുറവാണ്.