അഞ്ച് ഉദ്യോഗസ്ഥർക്ക് ഐ.എ.എസ്

തിരുവനന്തപുരം: സംസ്ഥാനത്തെ അഞ്ച് ഉദ്യോഗസ്ഥർക്ക് ഐ.എ.എസ് ലഭിച്ചു. യു.പി.എസ്.സി ഇന്‍റർവ്യൂവിന്‍റെ അടിസ്ഥാനത്തിലാണ് കൺഫർ ചെയ്തത്. ധനകാര്യ അഡീഷനൽ സെക്രട്ടറി ആനി ജൂല തോമസ്, വ്യവസായ അഡീഷനൽ ഡയറക്ടർ കെ. സുധീർ, മത്സ്യഫെഡ് മാനേജിങ് ഡയറക്ടർ ഡോ. ദിനേശൻ ചെറുവാട്ട്, ജലഗതാഗത ഡയറക്ടർ ഷാജി വി. നായർ, ലാൻഡ് യൂസ് ബോർഡ് കമീഷണർ എ. നിസാമുദ്ദീൻ എന്നിവർക്കാണ് ഐ.എ.എസ് ലഭിച്ചത്. 24 പേരാണ് അന്തിമ ഘട്ടത്തിൽ അഭിമുഖത്തിൽ പങ്കെടുത്തത്.