അഞ്ചു​മാസം ബാക്കി; കടമെടുപ്പ്​ പരിധി ഉയർത്താൻ സമ്മർദം

തി​രു​വ​ന​ന്ത​പു​രം: സാ​മ്പ​ത്തി​ക വ​ർ​ഷം അ​വ​സാ​നി​ക്കാ​ൻ അ​ഞ്ചു​​മാ​സം ബാ​ക്കി നി​ൽ​ക്കെ, സം​സ്ഥാ​ന​ത്തി​ന്‍റെ ക​ട​മെ​ടു​പ്പ്​ പ​രി​ധി​യി​ൽ ശേ​ഷി​ക്കു​ന്ന​ത്​ 52 കോ​ടി രൂ​പ മാ​ത്രം. 21852 കോ​ടി രൂ​പ​യാ​ണ്​ ഇ​ക്കൊ​ല്ലം പൊ​തു​ക​ട​മാ​യി അ​നു​വ​ദി​ച്ചി​രു​ന്ന​ത്. അ​തി​ൽ ഇ​തി​ന​കം 21800 കോ​ടി​യു​മെ​ടു​ത്തു. ദൈ​നം​ദി​ന ചെ​ല​വു​ക​ൾ​ക്കു​പോ​ലും പ​ണ​മി​ല്ലാ​തെ ക​ടു​ത്ത പ്ര​തി​സ​ന്ധി​യി​ലാ​ണ്​ സ​ർ​ക്കാ​ർ. ഇ​തി​നി​ടെ, ന​വം​ബ​റി​ൽ കേ​ന്ദ്ര വി​ഹി​ത​മാ​യി ല​ഭി​ച്ച 1500 കോ​ടി രൂ​പ വ​ലി​യ ആ​ശ്വാ​സ​മാ​യി.

വി​ഹി​തം വെ​ട്ടി​ക്കു​റ​ച്ച​തി​ൽ കേ​ന്ദ്ര​ത്തി​നെ​തി​രെ നി​യ​മ​ന​ട​പ​ടി തീ​രു​മാ​നി​ച്ചെ​ങ്കി​ലും ഇ​തു​വ​രെ ഉ​ണ്ടാ​യി​ട്ടി​ല്ല. കി​ഫ്​​ബി​ക്കും ക്ഷേ​മ പെ​ൻ​ഷ​നു​മാ​യി എ​ടു​ത്ത വാ​യ്പ​ക​ൾ പൊ​തു​ക​ട​ത്തി​ന്‍റെ പ​രി​ധി​യി​ൽ​പെ​ടു​ത്തി​യ​തോ​ടെ​യാ​ണ്​ ക​ട​മെ​ടു​പ്പ്​ പ​രി​ധി കു​റ​ഞ്ഞ​ത്. മൊ​ത്തം ഉ​ൽ​പാ​ദ​ന​ത്തി​ന്‍റെ മൂ​ന്ന്​​ ശ​ത​മാ​ന​മാ​ണ്​ ക​ട​മെ​ടു​ക്കാ​നു​ള്ള പ​രി​ധി. ഇ​ത്​ നാ​ല്​ ശ​ത​മാ​ന​മാ​ക്കി​യാ​ൽ 4550 കോ​ടി കൂ​ടി വാ​യ്പ​യെ​ടു​ക്കാ​നാ​കും. ഇ​തി​ന്​ സ​ർ​ക്കാ​ർ ശ്ര​മം ആ​രം​ഭി​ച്ചി​ട്ടു​ണ്ട്.

ലൈ​ഫ്​ പ​ദ്ധ​തി​യു​ടെ ന​ട​ത്തി​പ്പ്​ ഏ​ജ​ൻ​സി​യാ​യ കേ​ര​ള റൂ​റ​ൽ ആ​ൻ​ഡ്​ അ​ർ​ബ​ൺ ഡെ​വ​ല​പ്​​മെ​ന്‍റ്​ കോ​ർ​പ​റേ​ഷ​ൻ വ​ഴി എ​ടു​ക്കു​ന്ന വാ​യ്പ ക​ട​മെ​ടു​പ്പ്​ പ​രി​ധി​യി​ൽ​പെ​ടു​ത്തു​മോ എ​ന്ന ആ​ശ​ങ്ക സ​ർ​ക്കാ​റി​നു​ണ്ട്. കേ​ന്ദ്ര വി​ഹി​തം കു​റ​ഞ്ഞ​തും ക​ട​മെ​ടു​പ്പി​ന്​ നി​യ​ന്ത്ര​ണം കൊ​ണ്ടു​വ​ന്ന​തും ജി.​എ​സ്.​ടി. ന​ഷ്ട​പ​രി​ഹാ​രം നി​ല​ച്ച​തും ധ​ന​ക​മ്മി ഗ്രാ​ന്‍റി​ൽ 8400 കോ​ടി കു​റ​ഞ്ഞ​തു​മാ​ണ്​ പ്ര​തി​സ​ന്ധി​ക്കി​ട​യാ​ക്കി​യ​തെ​ന്നാ​ണ്​ സം​സ്ഥാ​നം വാ​ദി​ക്കു​ന്ന​ത്. കേ​ന്ദ്ര സ​ർ​ക്കാ​ർ ഇ​ത്​ അം​ഗീ​ക​രി​ച്ചി​ട്ടി​ല്ല. അ​തേ​സ​മ​യം മു​ൻ​കാ​ല​ത്തെ ധ​ന​കാ​ര്യ മാ​നേ​ജ്​​മെ​ന്‍റി​ന്‍റെ അ​ച്ച​ട​ക്ക​മി​ല്ലാ​യ്മ​ക്കെ​തി​രെ ചി​ല ധ​ന​വി​ദ​ഗ്​​ധ​ർ രം​ഗ​ത്ത്​ വ​ന്നി​ട്ടു​ണ്ട്.

സ​ർ​ക്കാ​റി​ന്‍റെ സാ​മ്പ​ത്തി​ക ബാ​ധ്യ​ത​ക​ൾ കു​മി​ഞ്ഞു​കൂ​ടു​ക​യാ​ണ്. അ​തി​നൊ​പ്പം വാ​ർ​ഷി​ക പ​ദ്ധ​തി പ​ണ​മി​ല്ലാ​തെ ഇ​ഴ​യു​ന്നു. വ​കു​പ്പു​ക​ൾ​ക്ക്​ കൊ​ടു​ക്കാ​ൻ പ​ണ​മി​ല്ല. ട്ര​ഷ​റി​യി​ൽ ക​ടു​ത്ത നി​യ​ന്ത്ര​ണം തു​ട​രു​ന്നു. ക​രാ​റു​കാ​ർ​ക്ക്​ 16,000 കോ​ടി കു​ടി​ശ്ശി​ക​യാ​ണ്. സാ​മൂ​ഹി​ക സു​ര​ക്ഷ പെ​ൻ​ഷ​ൻ നാ​ല്​ മാ​സം കു​ടി​ശ്ശി​ക​യു​ള്ള​തി​ൽ ഒ​രു മാ​സ​ത്തേ​ത്​ കൊ​ടു​ക്കാ​ൻ തീ​രു​മാ​നി​ച്ചു. സ​ർ​ക്കാ​ർ ജീ​വ​ന​ക്കാ​ർ​ക്ക്​ പെ​ൻ​ഷ​ൻ, ശ​മ്പ​ള​പ​രി​ഷ്ക​ര​ണ കു​ടി​ശ്ശി​ക ന​ൽ​കി​യി​ട്ടി​ല്ല. പു​തി​യ സ​ർ​ക്കാ​ർ വ​ന്ന ശേ​ഷ​മു​ള്ള ക്ഷാ​മ​ബ​ത്ത​യും കു​ടി​ശ്ശി​ക​യാ​ണ്. കെ.​എ​സ്.​ആ​ർ.​ടി.​സി​യി​ലും മൂ​ന്ന്​ മാ​സ​മാ​യി പെ​ൻ​ഷ​ൻ കു​ടി​ശ്ശി​ക​യാ​ണ്. സ​പ്ലൈ​കോ​ക്ക്​​ 1524 കോ​ടി രൂ​പ അ​ടി​യ​ന്ത​ര​മാ​യി ന​ൽ​ക​ണം. 120 യൂ​നി​റ്റ്​ വ​രെ ഉ​പ​യോ​ഗി​ക്കു​ന്ന​വ​ർ​ക്ക്​ സ​ബ്​​സി​ഡി ന​ൽ​കി​യി​ല്ലെ​ങ്കി​ൽ വൈ​ദ്യു​തി നി​ര​ക്ക്​ വ​ർ​ധ​ന ഇ​ത്ത​ര​ക്കാ​ർ​ക്ക്​ വ​ലി​യ ആ​ഘാ​ത​മു​ണ്ടാ​ക്കും.

വാ​ർ​ഷി​ക പ​ദ്ധ​തി ഇ​ഴ​യു​ന്നു

ഇ​ക്കൊ​ല്ല​ത്തെ വാ​ർ​ഷി​ക പ​ദ്ധ​തി​യി​ൽ 34.52 ശ​ത​മാ​നം മാ​ത്ര​മാ​ണ്​ ചെ​ല​വി​ട്ട​ത്. 38,629 കോ​ടി​യാ​ണ്​ പ​ദ്ധ​തി അ​ട​ങ്ക​ൽ. ചെ​ല​വി​ട്ട പ​ണ​ത്തി​ൽ ത​ന്നെ ക​ഴി​ഞ്ഞ വ​ർ​ഷ​ത്തെ ക്യൂ​വി​ലു​ണ്ടാ​യി​രു​ന്ന ബി​ല്ലു​ക​ളു​ടെ പ​ണം ന​ൽ​കി​യ​തും ഉ​ൾ​പ്പെ​ട്ടി​ട്ടു​ണ്ട്. 22,122 കോ​ടി​യു​ടെ സം​സ്ഥാ​ന പ​ദ്ധ​തി വി​നി​യോ​ഗം ഇ​തു​വ​രെ 32.61 ശ​ത​മാ​ന​ത്തി​ലേ എ​ത്തി​യി​ട്ടു​ള്ളൂ. 8258 കോ​ടി​യു​ടെ ത​ദ്ദേ​ശ പ​ദ്ധ​തി​യി​ൽ 36.02 ശ​ത​മാ​ന​മാ​ണ്​ വി​നി​യോ​ഗം. കേ​ന്ദ്ര സ​ഹാ​യ​മു​ള്ള പ​ദ്ധ​തി​യി​ലും വി​നി​യോ​ഗം മെ​ച്ച​പ്പെ​ട്ടി​ട്ടി​ല്ല. 8259 കോ​ടി​യി​ൽ വി​നി​യോ​ഗം 38.12 ശ​ത​മാ​നം മാ​ത്രം.

കാ​ർ​ഷി​ക മേ​ഖ​ല​യി​ൽ 2030 കോ​ടി രൂ​പ​യു​ടെ 284 പ​ദ്ധ​തി​ക​ൾ അ​നു​വ​ദി​ച്ചെ​ങ്കി​ലും ഇ​തു​വ​രെ ചെ​ല​വി​ട്ട​ത്​ 25.44 ശ​ത​മാ​നം മാ​ത്ര​മാ​ണ്. ​ഗ്രാ​മ​വി​ക​സ​ന​ത്തി​ൽ 6801 കോ​ടി​യു​ടെ 79 പ​ദ്ധ​തി​ക​ളു​ണ്ടെ​ങ്കി​ലും 37.5 ശ​ത​മാ​നം മാ​ത്ര​മാ​ണ്​ വി​നി​യോ​ഗം. സ​ഹ​ക​ര​ണ മേ​ഖ​ല​യി​ൽ 6.76 ശ​ത​മാ​നം, ജ​ല​സേ​ച​ന​ത്തി​ൽ 26.02 ശ​ത​മാ​നം, ഊ​ർ​ജ​ത്തി​ൽ 47.71 ശ​ത​മാ​നം, വ്യ​വ​സാ​യ​ത്തി​ൽ 26.17 ശ​ത​മാ​നം, ഗ​താ​ഗ​ത​ത്തി​ൽ 37.67 ശ​ത​മാ​നം, ശാ​സ്ത്രം, ഗ​വേ​ഷ​ണം 10.69 ശ​ത​മാ​നം, സാ​മൂ​ഹി​ക സേ​വ​നം 35.83 ശ​ത​മാ​നം (ഇ​തി​ന്‍റെ തു​ക ​ആ​കെ 12744.08 കോ​ടി), സാ​മ്പ​ത്തി​ക സേ​വ​ന​ങ്ങ​ളി​ൽ വെ​റും 17.21 ശ​ത​മാ​നം, പൊ​തു​സേ​വ​ന​ത്തി​ൽ 73.52 ശ​ത​മാ​നം എ​ന്നി​ങ്ങ​നെ​യാ​ണ്​ വി​നി​യോ​ഗം.