വടക്കുനിന്ന്​ ശുഭ വാർത്ത; ആ ബോട്ട്​ ഇവിടെ സുരക്ഷിതം

കോഴിക്കോട്​: ബേപ്പൂർ തീരത്ത് നിന്ന് 15 മത്സ്യതൊഴിലാളികളുമായി പുറപ്പെട്ട്​ കടൽക്ഷോഭത്തിൽ കാണാതായ ബോട്ട് മംഗളൂരുവിൽ കണ്ടെത്തി. 'അജ്മീർ ഷാ' ബോട്ട്​ മംഗരൂരു തീരത്ത്​ കണ്ടെത്തിയ വിവരം നിയുക്ത ബേപ്പൂർ എം.എൽ.എ പി.എ. മുഹമ്മദ്​ റിയാസ്​ ഫേസ്​ബുക്കിലൂടെ അറിയിച്ചു. ബോട്ടിലുള്ള എല്ലാവരും സുരക്ഷിതരാണെന്നും ന്യൂ മംഗളൂരുവിന് സമീപം കരപറ്റാനാകാതെ നങ്കൂരമിട്ടിരിക്കയാണെന്നും റിയാസ്​ പറഞ്ഞു.

കാലാവസ്ഥ അനുകൂലമായാൽ അജ്മീർ ഷായും മിലാദ് 03 എന്ന രണ്ടാമത്തെ ബോട്ടും വൈകാതെ കരയിലെത്തുമെന്ന്​ തീരദേശ പൊലീസ് മേധാവി ഐ.ജി പി. വിജയൻ അറിയിച്ചു.

കഴിഞ്ഞ അഞ്ചിനാണ് കാണാതായ അജ്മീർ ഷാ എന്ന ബോട്ട് തീരത്തുനിന്ന് പുറപ്പെട്ടത്. ഒരു മാസത്തിന് ശേഷം തിരികെയെത്താനാണ് ലക്ഷ്യമിട്ടിരുന്നത്. ഇവർക്കൊപ്പമുണ്ടായ ബോട്ടുകൾ കടൽക്ഷോഭത്തെ തുടർന്ന് പല തീരങ്ങളിൽ അടുപ്പിച്ചെങ്കിലും ഈ ബോട്ട് എവിടേയും അടുപ്പിച്ചിട്ടില്ല.

കഴിഞ്ഞ ദിവസം കൊ​ച്ചി​യി​ൽ​നി​ന്ന് മ​ത്സ്യ​ബ​ന്ധ​ന​ത്തി​ന് പോയ ബോ​ട്ട് ല​ക്ഷ​ദ്വീ​പി​ന് സ​മീ​പം അ​പ​ക​ട​ത്തി​ൽ​പെ​ട്ട് ഒ​മ്പ​ത് തൊ​ഴി​ലാ​ളി​ക​ളെ കാ​ണാ​താ​യിരുന്നു. ആ​ണ്ട​വ​ർ തു​ണൈ എ​ന്ന ബോ​ട്ടാ​ണ്​ ശ​നി​യാ​ഴ്ച രാ​വി​ലെ ശ​ക്ത​മാ​യ കാ​റ്റി​ലും മ​ഴ​യി​ലും അ​പ​ക​ട​ത്തി​ൽ​പെ​ട്ട​ത്. ഏ​പ്രി​ൽ 29ന് ​കൊ​ച്ചി​യി​ലെ വൈ​പ്പി​ൻ ഹാ​ർ​ബ​റി​ൽ​നി​ന്ന് പു​റ​പ്പെ​ട്ട​താ​ണ്. ഏ​ഴു​പേ​ർ നാ​ഗ​പ​ട്ട​ണം സ്വ​ദേ​ശി​ക​ളും ര​ണ്ടു​പേ​ർ ഉ​ത്ത​രേ​ന്ത്യ​ക്കാ​രു​മാ​ണ്.