മു​ത​ല​പ്പൊ​ഴിയിൽ മത്സ്യത്തൊഴിലാളി പ്രതിഷേധം

ചി​റ​യി​ൻ​കീ​ഴ്: മു​ത​ല​പ്പൊ​ഴി മ​ണ​ൽ​മൂ​ടി അ​ട​ഞ്ഞതോടെ പ്രതിഷേധവുമായി മത്സ്യത്തൊഴിലാളികൾ. പൊഴി മുറിക്കാൻ എത്തിയ ഉദ്യോഗസ്ഥരെ വ്യാഴാഴ്ച മത്സ്യത്തൊഴിലാളികൾ തടഞ്ഞു. ഡ്രഡ്ജിന്റെ പ്രവർത്തനം കാര്യക്ഷമമാക്കാതെ പൊഴി മുറിക്കാൻ അനുവദിക്കില്ലെന്ന് തൊഴിലാളികൾ നിലപാടെടുത്തു.

മണൽ അടിഞ്ഞ് മുതലപ്പൊഴിയിൽ മത്സ്യബന്ധനം അസാധ്യമായ സാഹചര്യത്തിലാണ് തൊഴിലാളികൾ പ്രതിഷേധവുമായി രംഗത്തുവന്നത്. പൊഴി മുറിച്ചില്ലെങ്കിൽ സമീപത്തെ അഞ്ചു പഞ്ചായത്തുകളിൽ വെള്ളം കയറുമെന്ന സ്ഥിതി വന്നതോടെയാണ് സർക്കാർ രംഗത്തു വന്നത്. അതിനിടെ ഡ്രഡ്ജിന്റെ പ്രവർത്തനം 20 മണിക്കൂറായി ഉയർത്താൻ അധികൃതർ തീരുമാനിച്ചിട്ടുണ്ട്. ബു​ധ​നാ​ഴ്ച മ​ന്ത്രി​യു​ടെ സാ​ന്നി​ധ്യ​ത്തി​ൽ പ്ര​ത്യേ​ക യോ​ഗം വി​ളി​ച്ചിരുന്നു.

ഒ​രു മാ​സ​മാ​യി തു​ട​രു​ന്ന മു​ത​ല​പ്പൊ​ഴി ഹാ​ർ​ബ​റി​ലെ മ​ണ​ൽ മൂ​ടി പൊ​ഴി​യ​ട​ഞ്ഞ പ്ര​ശ്നം ദി​വ​സം ക​ഴി​യും​തോ​റും സ​ങ്കീ​ർ​ണ​മാ​കു​ക​യാ​ണ്. ഘ​ട്ടം ഘ​ട്ട​മാ​യാ​ണ് മു​ത​ല​പ്പൊ​ഴി മ​ണ​ൽ മൂ​ടി അ​ട​ഞ്ഞ​ത്. മാ​സ​ങ്ങ​ൾ​ക്ക് മു​മ്പേ മ​ത്സ്യ​ത്തൊ​ഴി​ലാ​ളി​ക​ളും രാ​ഷ്ട്രീ​യ പാ​ർ​ട്ടി​ക​ളും അ​പ​ക​ടാ​വ​സ്ഥ ചൂ​ണ്ടി​ക്കാ​ട്ടി​യി​രു​ന്നു.

എ​ന്നാ​ൽ അ​ടി​യ​ന്ത​ര ന​ട​പ​ടി സ്വീ​ക​രി​ക്കു​ന്ന​തി​ലു​ണ്ടാ​യ കാ​ല​താ​മ​സം പൊ​ഴി പൂ​ർ​ണ​മാ​യും മൂ​ട​പ്പെ​ടു​ന്ന​തി​ന് കാ​ര​ണ​മാ​വുകയായിരുന്നു. ​ആ​ധു​നി​ക സം​വി​ധാ​ന​ങ്ങ​ളു​ള്ള ഡ്രെ​ഡ്ജ​റെ​ത്തി​ച്ച് മ​ണ​ൽ നീ​ക്കം ആ​രം​ഭി​ക്കു​ന്ന​ത് വ​രെ സ​മ​രം തു​ട​രാ​നാ​ണ് തീ​രു​മാ​നം.