സ്വരംമാറ്റി മന്ത്രിമാർ;​ എരിതീയിൽ എണ്ണയായി കലാപാഹ്വാനക്കേസ്​

തി​രു​വ​ന​ന്ത​പു​രം: സ​ർ​ക്കാ​റി​നും ല​ത്തീ​ൻ സ​ഭ​ക്കു​മി​ട​യി​ൽ രൂ​പ​പ്പെ​ട്ട പോ​ർ​മു​ഖ​​ത്തേ​ക്ക്​ എ​രി​തീ​യി​ൽ എ​ണ്ണ​യാ​യി വി​കാ​രി ജ​ന​റ​ൽ യൂ​ജി​ൻ പെ​രേ​ക്കെ​തി​രെ ര​ജി​സ്റ്റ​ർ ചെ​യ്ത ക​ലാ​പാ​ഹ്വാ​ന​ക്കേ​സ്. ക​ഴി​ഞ്ഞ ദി​വ​സ​ത്തെ അ​പേ​ക്ഷി​ച്ച്​ ശൈ​ലി മാ​റ്റി മ​​ന്ത്രി​മാ​ർ ഒ​ര​ടി പി​ന്നാ​ക്കം പോ​യി സം​യ​മ​ന​പാ​ത സ്വീ​ക​രി​ച്ചെ​ങ്കി​ലും അ​തി​നെ​യെ​ല്ലാം മ​റി​ക​ട​ക്കു​ന്ന പ്ര​ത്യ​ക്ഷ ആ​ക്ര​മ​ണ​മാ​യി പു​രോ​ഹി​ത​നെ​തി​രാ​യ കേ​സ്. സ്വ​മേ​ധ​യാ എ​ടു​ത്ത കേ​സാ​ണെ​ന്ന്​ മ​ന്ത്രി ആ​ന്‍റ​ണി രാ​ജു​വും പൊ​ലീ​സും അ​വ​കാ​ശ​പ്പെ​ടു​ന്നു​ണ്ടെ​ങ്കി​ലും മ​ന്ത്രി ശി​വ​ൻ​കു​ട്ടി ക​ഴി​ഞ്ഞ ദി​വ​സം ആ​രോ​പി​ച്ച കാ​ര്യ​ങ്ങ​ളാ​ണ്​ എ​ഫ്.​ഐ.​ആ​റി​ൽ അ​തേ​പ​ടി​യു​ള്ള​ത്. അ​തു​കൊ​ണ്ടു​ത​ന്നെ ആ​സൂ​ത്രി​ത നീ​ക്ക​മാ​ണെ​ന്നാ​ണ്​ സ​ഭ​യു​ടെ​യും നി​ല​പാ​ട്. ഇ​ക്കാ​ര്യം തു​റ​ന്നു പ​റ​ഞ്ഞ്​ ഫാ.​യൂ​ജി​ൻ പെ​രേ​ര ത​ന്നെ രം​ഗ​ത്തെ​ത്തി​യും സ​ഭ നി​ല​പാ​ട്​ കൂ​ർ​പ്പി​ക്കു​ന്നു​വെ​ന്ന​ത്​ അ​ടി​വ​ര​യി​ടു​ന്നു.

വ​സ്തു​ത​ക​ൾ പ​റ​യു​ക​യും പ്ര​തി​ക​രി​ക്കു​ക​യും​ ചെ​യ്യു​ന്ന​വ​രെ ആ​സൂ​ത്രി​ത​മാ​യി നി​ശ്ശ​ബ്​​ദ​മാ​ക്കു​ന്ന​തി​ന്‍റെ ഭാ​ഗ​മാ​ണ്​ ത​നി​ക്കെ​തി​രെ​യു​ള്ള കേ​സെ​ന്നാ​ണ്​ യൂ​ജി​ൻ പെ​രേ​ര​യു​ടെ ആ​രോ​പ​ണം. ‘‘മ​ന്ത്രി മ​ന്ദി​ര​ത്തി​ൽ മ​ട​ങ്ങി​യെ​ത്തി​യ ശേ​ഷ​മു​ള്ള തി​ര​ക്ക​ഥ​യാ​ണ്​ ത​നി​ക്കെ​തി​​രെ​യു​ള്ള നീ​ക്കം. സം​സാ​രി​ക്കു​ന്ന​വ​രെ നി​ർ​വീ​ര്യ​മാ​ക്കു​ക എ​ന്ന സ​മീ​പ​ന​ത്തി​ന്‍റെ ഭാ​ഗം​ത​ന്നെ​യാ​ണി​ത്. കേ​സി​നെ​യൊ​ന്നും താ​ൻ പേ​ടി​ക്കു​ന്നി​ല്ലെ’’​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. വി​ഴി​ഞ്ഞം സ​മ​ര​ത്തെ തു​ട​ർ​ന്ന്​ വൈ​ദി​ക​ർ​ക്കെ​തി​രെ​യ​ട​ക്കം 187 കേ​സു​ക​ളാ​ണ്​ ര​ജി​സ്​​റ്റ​ർ ചെ​യ്തി​രു​ന്ന​ത്. സ​മ​ര​ത്തി​ലെ ഒ​ത്തു​തീ​ർ​പ്പ്​ വ്യ​വ​സ്ഥ​ക​ളാ​ക​ട്ടെ ഒ​ന്നും ന​ട​പ്പാ​ക്കാ​ത്ത​തി​ന്‍റെ സ്വ​ഭാ​വി​ക പ്ര​തി​ഷേ​ധ​ങ്ങ​ൾ മ​ത്സ്യ​ത്തൊ​ഴി​ലാ​ളി​ക​ൾ​ക്കി​ട​യി​ൽ നീ​റി​ക്ക​ത്തു​ന്ന​തി​നി​ടെ​യാ​ണ്​ മു​ത​ല​പ്പൊ​ഴി​യു​ടെ പേ​രി​ലെ ഏ​റ്റു​മു​ട്ട​ലെ​ന്ന​തി​നാ​ൽ നി​ല​പാ​ട്​ മ​യ​പ്പെ​ടു​ത്തേ​​ണ്ടെ​ന്ന്​ ത​ന്നെ​യാ​ണ്​ സ​ഭ​യു​ടെ തീ​രു​മാ​നം. അ​തേ​സ​മ​യം, ക​ഴി​ഞ്ഞ ദി​വ​സം രൂ​ക്ഷ​പ്ര​തി​ക​ര​ണ​ത്തി​ന്​ മു​തി​ർ​ന്ന മ​ന്ത്രി വി. ​ശി​വ​ൻ​കു​ട്ടി ചൊ​വ്വാ​ഴ്ച പ്ര​തി​ക​ര​ണ​ത്തി​ന്​ മു​തി​ർ​ന്നി​ല്ല. മാ​ധ്യ​മ​ങ്ങ​ളോ​ട്​ സം​സാ​രി​ക്കാ​ൻ ത​യാ​റാ​യ ആ​ന്‍റ​ണി രാ​ജു​വാ​ക​ട്ടെ പ്ര​തി​ഷേ​ധ​ങ്ങ​ൾ​ക്കും അ​നി​ഷ്ട​സം​ഭ​വ​ങ്ങ​ൾ​ക്കും പി​ന്നി​ൽ കോ​ൺ​ഗ്ര​സാ​ണെ​ന്ന്​ വ​രു​ത്തി​തീ​ർ​ക്കാ​നു​ള്ള പ​രി​ശ്ര​മ​മാ​ണ്​ ന​ട​ത്തി​യ​ത്. ‘‘തീ​ര​ദേ​ശ​ത്ത്​ കോ​ൺ​ഗ്ര​സി​നു​ണ്ടാ​യ അ​പ​ച​യ​ത്തി​ലും പ​രാ​ജ​യ​ത്തി​ലും അ​വ​ർ​ക്ക്​ അ​ങ്ക​ലാ​പ്പു​ണ്ടെ​ന്നും ദു​ര​ന്ത​ങ്ങ​ളു​ണ്ടാ​കു​മ്പോ​ൾ അ​തി​നെ വി​റ്റ്​ കാ​ശാ​ക്കാ​നാ​ണ്​ കോ​ൺ​ഗ്ര​സ്​ ശ്ര​മി​ക്കു​ന്ന​തെ​ന്നു​മാ​ണ്​ ആ​ന്‍റ​ണി രാ​ജു​വി​ന്‍റെ കു​റ്റ​പ്പെ​ടു​ത്ത​ൽ.