നല്ല മീനും കപ്പയും കറിവെച്ച്​ ഭക്ഷിച്ച്​ ഭരണസിരാകേന്ദ്രത്തിനു മുന്നിൽ സമരം

തിരുവനന്തപുരം: സംസ്​ഥാനത്തെ മത്സ്യത്തൊഴിലാളികൾ പിടിക്കുന്ന മീനി​​​െൻറ ഗുണനിലവാരം ജനങ്ങളെ ബോധ്യപ്പെടുത്തണമെന്നാവശ്യപ്പെട്ട്​ സെക്ര​േട്ടറിയറ്റ്​ നടയിൽ കപ്പയും മീനും പാചകം ചെയ്​ത്​ ഭക്ഷിച്ച്​ പ്രതിഷേധം. നഗരത്തിലെ വിവിധ ചന്തകളിൽ മത്സ്യവിൽപന നടത്തുന്ന സ്​ത്രീതൊഴിലാളികളാണ്​ കടപ്പുറത്തുനിന്ന്​ മത്സ്യം ഭരണസിരാകേന്ദ്രത്തിലേക്ക്​ കൊണ്ടുവന്നത്​.

പാചകം ചെയ്​ത ഭക്ഷണം അവിടെയെത്തിയവർക്കും വഴിയാത്രക്കാർക്കും വിതരണം ചെയ്​തു. പച്ച ചെമ്മീൻ കഴിച്ചും കേരളത്തിൽ പിടിക്കുന്ന മീൻ വിഷമുക്തമാണെന്ന്​ അവർ വ്യക്തമാക്കി.ഭീതി മൂലം ഒരു വിഭാഗം മീൻ വാങ്ങാൻ തയാറാകുന്നില്ല. തങ്ങൾ വൻ തുക മുടക്കി വാങ്ങി ചന്തകളിൽ കൊണ്ടുപോകുന്ന മീൻ വിറ്റുപോകാത്തത്​ വലിയ നഷ്​ടമുണ്ടാക്കുന്നു. സർക്കാർ അടിയന്തരമായി ഇടപെട്ടില്ലെങ്കിൽ സെക്ര​േട്ടറിയറ്റ്​ നടയിൽ മത്സ്യവിൽപന തുടരുമെന്നും അവർ പറഞ്ഞു.

മത്സ്യ​െത്താഴിലാളികളോ ചെറുകിട മത്സ്യകച്ചവടക്കാരോ മീനിൽ മായം ചേർക്കില്ലെന്നും അന്യസംസ്​ഥാനങ്ങളിൽനിന്ന്​ ദിവസങ്ങൾ പഴക്കമുള്ള മീൻ കൊണ്ടുവരുന്ന വൻകിടക്കാരാണ്​ അമോണിയ, ഫോർമലിൻ പോലെ വിഷങ്ങൾ ചേർക്കുന്നതെന്നും സമരം ഉദ്​ഘാടനം ചെയ്​ത നാഷനൽ ഫിഷ്​ വർക്കേഴ്​സ്​ ​േഫാറം ജനറൽ സെക്രട്ടറി ടി. പീറ്റർ പറഞ്ഞു. സംസ്​ഥാനത്തെ തൊഴിലാളികൾ പിടിക്കുന്ന മീനി​​​െൻറ ഗുണനിലവാരം ജനങ്ങളെ സർക്കാർ ബോധ്യപ്പെടുത്തണം.

മായം ചേർക്കുന്നവർക്കെതിരെ ജാമ്യമില്ലാ വകുപ്പ്​ ഉപയോഗിച്ച്​ കേസെടുക്കുകയും വൻ തുക പിഴ ഇൗടാക്കുകയും വേണം.ട്രോളിങ്​ നിരോധന കാലയളവിൽ പരമ്പരാഗത-​ചെറുകിടക്കാർ പിടിക്കുന്ന മീനി​​​െൻറ വിലയിടിക്കാനാണ്​ ചില തൽപരകക്ഷികൾ ശ്രമിക്കുന്നത്​. സർക്കാർ ഇക്കാര്യത്തിൽ ജാഗ്രത പാലിക്കണമെന്നും അദ്ദേഹം പറഞ്ഞു. ആ​േൻറാ ഏലിയാസ്​, വലേരിയൻ ​െഎസക്​​, മേബിൾ റൈമണ്ട്​, ജെനറ്റ്​ ക്ലീറ്റസ്​, രാജമ്മ ക്ലീറ്റസ്​ എന്നിവർ സംസാരിച്ചു.