മത്സ്യത്തൊഴിലാളിക്ക് വെടിയേറ്റ സംഭവം: ആറു ദിവസം കഴിഞ്ഞിട്ടും അവ്യക്തത

ഫോ​ർ​ട്ട്കൊ​ച്ചി: മ​ത്സ്യ​ത്തൊ​ഴി​ലാ​ളി സെ​ബാ​സ്റ്റ്യ​ന്​ ക​ട​ലി​ൽ വെ​ടി​യേ​റ്റ് ആ​റ് ദി​വ​സം ക​ഴി​ഞ്ഞി​ട്ടും വെ​ടി​യു​തി​ർ​ത്ത​ത് ആ​രെ​ന്ന​തി​ൽ അ​വ്യ​ക്ത​ത തു​ട​രു​ന്നു.

സം​ഭ​വ ദി​വ​സം നാ​വി​ക​സേ​ന ആ​സ്ഥാ​ന​മാ​യ ഐ.​എ​ൻ.​എ​സ് ദ്രോ​ണാ​ചാ​ര്യ​യി​ൽ വെ​ടി​വെ​പ്പ്​ പ​രി​ശീ​ല​നം ന​ട​ന്നി​രു​ന്നു എ​ന്ന​തി​ന്‍റെ അ​ടി​സ്ഥാ​ന​ത്തി​ൽ പൊ​ലീ​സ് വി​വ​ര​ങ്ങ​ൾ ആ​വ​ശ്യ​പ്പെ​ട്ടെ​ങ്കി​ലും നാ​വി​ക​സേ​ന ഇ​തു​വ​രെ കൈ​മാ​റി​യി​ട്ടി​ല്ല.

വി​വ​ര​ങ്ങ​ൾ ന​ൽ​കാ​ൻ നാ​വി​ക​സേ​ന​ക്ക് സാ​ങ്കേ​തി​ക ത​ട​സ്സ​മു​ണ്ടെ​ന്നാ​ണ് വി​വ​രം.

നാ​വി​ക​സേ​ന​യു​ടെ പ​രി​ശീ​ല​ന​ത്തി​ന്റെ ഭാ​ഗ​മാ​യു​ള്ള വെ​ടി​യു​ണ്ട ത​ന്നെ​യാ​ണെ​ന്ന നി​ഗ​മ​ന​ത്തി​ലാ​ണ്​ പൊ​ലീ​സ്. പ​രി​ശോ​ധ​ന റി​പ്പോ​ർ​ട്ട് വ​ന്ന​ശേ​ഷ​മേ കാ​ര്യ​ങ്ങ​ളി​ൽ വ്യ​ക്ത​ത വ​രി​ക​യു​ള്ളൂ​വെ​ന്ന് അ​ന്വേ​ഷ​ണ ഉ​ദ്യോ​ഗ​സ്ഥ​നാ​യ ഫോ​ർ​ട്ട്കൊ​ച്ചി കോ​സ്റ്റ​ൽ പൊ​ലീ​സ് എ​സ്.​ഐ സം​ഗീ​ത് ജോ​ബ് പ​റ​ഞ്ഞു.

2010 ജൂ​ലൈ ഏ​ഴി​ന്​ ദ്രോ​ണാ​ചാ​ര്യ പ​രി​ശീ​ല​ന കേ​ന്ദ്ര​ത്തി​ൽ ജ​മ്മു ക​ശ്മീ​ർ സ്വ​ദേ​ശി റി​യ​ർ അ​ഡ്മി​റ​ൽ സ​ത്യേ​ന്ദ്ര സിം​ഗ് ജാം​വാ​ൽ വെ​ടി​യേ​റ്റ് മ​രി​ച്ചി​രു​ന്നു. മ​ര​ണം ക​ര​യി​ലാ​യി​രു​ന്ന​തി​നാ​ൽ ഫോ​ർ​ട്ട്​​കൊ​ച്ചി പൊ​ലീ​സാ​ണ് അ​ന്ന്​ അ​ന്വേ​ഷി​ച്ച​ത്.

അ​ന്നും വെ​ടി​വെ​പ്പ്​ പ​രി​ശീ​ല​നം സം​ബ​ന്ധി​ച്ച പൊ​ലീ​സി​ന്‍റെ ചോ​ദ്യ​ത്തി​ന് നാ​വി​ക​സേ​ന സാ​ങ്കേ​തി​ക കാ​ര​ണ​ങ്ങ​ളാ​ൽ മ​റു​പ​ടി ന​ൽ​കി​യി​രു​ന്നി​ല്ല.

തു​ട​ർ​ന്ന്​ അ​ന്വേ​ഷ​ണ​വും മു​ന്നോ​ട്ട്​ പോ​യി​ല്ല. അ​തു​ത​ന്നെ വീ​ണ്ടും സം​ഭ​വി​ക്കു​മോ​യെ​ന്ന ആ​ശ​ങ്ക​യാ​ണ്​ മ​ത്സ്യ​ത്തൊ​ഴി​ലാ​ളി​ക​ൾ ഉ​ന്ന​യി​ക്കു​ന്ന​ത്.