കട്ടമരം മറിഞ്ഞ് രണ്ട് മത്സ്യത്തൊഴിലാളികളെ കടലിൽ കാണാതായി

കൊല്ലം: രണ്ട് മത്സ്യത്തൊഴിലാളികളെ കടലിൽ കാണാതായി. പരവൂർ തെക്കുംഭാഗം സ്വദേശികളായ സക്കറിയ (50), ഇസുദ്ധീൻ (50) എന്നിവരെയാണ് കാണാതായത്. 4 പേർ രണ്ട് ഫൈബർ കട്ടമരങ്ങളിലായി മത്സ്യബന്ധനത്തിനായി പുറപ്പെടുന്നതിനിടയിൽ ശക്തമായ തിരമാലയിൽപ്പെട്ട് കട്ടമരം മറിയുകയായിരുന്നു. രണ്ടു പേർ നീന്തി രക്ഷപ്പെട്ടെങ്കിലും രണ്ടുപേരെ കാണാതായി. പുലർച്ചെ ആറുമണിയോടേ പരവൂർ തെക്കുഭാഗം പരക്കട പള്ളിക്ക് സമീപമാണ് സംഭവം.