പുതിയാപ്പയിൽ ബോട്ട്​ മറിഞ്ഞ്​ മത്സ്യത്തൊഴിലാളി മരിച്ചു

കോഴിക്കോട്​: പുതിയാപ്പയിൽ ബോട്ട്​ മറിഞ്ഞ്​ മത്സ്യത്തൊഴിലാളി മരിച്ചു. പുതിയങ്ങാടി സ്വദേശി രഘു(56) ആണ്​ മരിച്ചത്​. അപകടത്തിൽ മൂന്ന്​ പേർ രക്ഷപ്പെട്ടു.

ചൊവ്വാഴ്​ച രാവിലെ ഏഴ്​ മണിയോടെയാണ്​ അപകടം. കനത്ത തിരമാലയിൽ ബോട്ട്​ മറിയുകയായിരുന്നു.

പരിക്കേറ്റ രഘുവിനെ ആദ്യം സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. മൃതദേഹം മെഡി.കോളജ്​ മോർച്ചറിയിൽ.