കോവിഡ്​ ബോധവത്​കരണവുമായി ‘മോട്ടൂസ്’

കാഞ്ഞങ്ങാട്: കോവിഡ്​ കാലത്ത്​ ബോധവത്​കരണത്തിൽ വേറിട്ട ശൈലിയുമായി ഒന്നാംക്ലാസുകാരനും സാങ്കേതിക സഹായവുമായി അധ്യാപകനായ പിതാവും. മടിക്കൈ വൊക്കേഷനൽ ഹയർ സെക്കൻഡറി സ്കൂൾ ഒന്നാംക്ലാസുകാരൻ ദേവരാജാണ്​ ‘മോട്ടൂസാ’യി ബോധവത്​കരണരംഗത്ത്​ ശ്രദ്ധനേടുന്നത്​. കാഞ്ഞിരപ്പൊയിൽ ഹൈസ്കൂൾ അധ്യാപകനും കെ.എസ്​.ടി.എ ജില്ല ജോ. സെക്രട്ടറിയുമായ കെ.വി. രാജേഷി​​െൻറയും മടിക്കൈ കക്കാട്ടെ  റീജയുടെയും മകനായ ദേവരാജി​​െൻറ മോട്ടൂസ്​​ വേറിട്ട കാഴ്ചകളുമായി 25 എപ്പിസോഡുകളായിക്കഴിഞ്ഞു. 

കോവിഡ് പ്രതിരോധ ബോധവത്​കരണത്തിൽ ത​േൻറതായ ശൈലിയിൽ മാസ്ക് ഉപയോഗിക്കേണ്ട ആവശ്യകത, കൈ കഴുകൾ, സാമൂഹിക അകലം പാലിക്കൽ, ആരോഗ്യ വകുപ്പ്, മാധ്യമ പ്രവർത്തകർ, നിയമപാലകർ, മറ്റു സന്നദ്ധ പ്രവർത്തകരെ അഭിനന്ദിക്കൽ എന്നിവ പ്രമേയമാക്കി യൂട്യൂബ് ചാനലിൽ കൂടിയാണ്​ മോട്ടൂസി​​െൻറ പ്രക്ഷേപണം. തുടർച്ചയായി 25 എപ്പിസോഡുകൾ പിന്നിടുന്ന ദേവരാജി​​െൻറ  പ്രവർത്തനത്തെ മുഖ്യമന്ത്രി പിണറായി വിജയൻ, വിദ്യാഭ്യാസ മന്ത്രി സി. രവീന്ദ്രനാഥ്, റവന്യൂമന്ത്രി ഇ. ചന്ദ്രശേഖരൻ ഉൾപ്പെടെയുള്ളവർ അഭിനന്ദിച്ചു.

യൂട്യൂബ് ചാനൽ വഴി 9,567 പേർ പരിപാടി വീക്ഷിക്കുകയും സന്ദേശങ്ങൾ എത്തിക്കുകയുംചെയ്​തത്​ ഈ ഒന്നാംക്ലാസുകാരന് പ്രോത്സാഹനമായി. പിതാവ് സ്വന്തമായി സിമൻറ്​ പാഴ്വസ്തുക്കൾ, കല്ല് തുടങ്ങിയവകൊണ്ട് നിർമിച്ച ശിൽ​േപാദ്യാനമാണ് ലൊക്കേഷൻ. കാമറയും എഡിറ്റിങ്ങും സംവിധാനവും പിതാവി​​േൻതാണ്​. രചന മാതാവ്​​ റീജയുടേതാണ്. സഹോദരി ദേവിക രാജും സാങ്കേതിക സഹായവുമായി ഒപ്പമുണ്ട്.