വെഞ്ഞാറമൂട് കൂട്ടക്കൊല: അമ്മൂമ്മയെ കൊന്ന കേസിൽ അഫാന്‍റെ അറസ്റ്റ് രേഖപ്പെടുത്തി

പാങ്ങോട്: അഞ്ചു പേരുടെ കൊലക്കും മാതാവിന് നേരെയുള്ള കൊടുംക്രൂരതക്കും വഴിവെച്ച വെഞ്ഞാറമൂട് കൂട്ടക്കൊലയിൽ ആദ്യ അറസ്റ്റ് രേഖപ്പെടുത്തി. അമ്മൂമ്മ സൽമ ബീവിയെ തലക്കടിച്ച് കൊലപ്പെടുത്തിയ കേസിലാണ് പ്രതിയായ അഫാന്‍റെ അറസ്റ്റ് രേഖപ്പെടുത്തിയത്.

അഫാൻ ചികിത്സയിൽ കഴിയുന്ന തിരുവനന്തപുരം മെഡിക്കൽ കോളജ് ആശുപത്രിയിൽ എത്തിയാണ് പാങ്ങോട് സി.ഐ അറസ്റ്റ് ചെയ്തത്. കൂടാതെ, അഫാന്‍റെ വിശദ മൊഴിയും പാങ്ങോട് പൊലീസ് രേഖപ്പെടുത്തുകയും ചെയ്തു.

ഇന്നലെ വൈകിട്ടാണ് അഫാന്‍റെ ആരോഗ്യസ്ഥിതി സംബന്ധിച്ച് മെഡിക്കൽ ബോർഡ് യോഗം ചേർന്നത്. ഇതിന്‍റെ റിപ്പോർട്ട് മെഡിക്കൽ കോളജ് സൂപ്രണ്ടിന് കൈമാറേണ്ടത്. മെഡിക്കൽ ബോർഡിന്‍റെ റിപ്പോർട്ടിന്‍റെ അടിസ്ഥാനത്തിൽ ഡിസ്ചാർജ് ചെയ്താൽ അഫാനെ നെടുമങ്ങാട് കോടതിയിൽ ഹാജരാക്കും. ഡിസ്ചാർജ് ചെയ്യേണ്ടെന്നാണ് മെഡിക്കൽ ബോർഡ് തീരുമാനമെങ്കിൽ മജിസ്ട്രേറ്റിനെ ആശുപത്രിയിൽ എത്തിച്ച് റിമാൻഡ് ചെയ്യാനാണ് പൊലീസ് തീരുമാനം.

മ​ദ്യ​ത്തി​ൽ പെ​പ്സി​യും എ​ലി​വി​ഷ​വും ചേ​ർ​ത്ത് ക​ഴി​ച്ചെ​ന്നാ​ണ്​​ അ​ഫാ​ന്‍റെ മൊ​ഴി. പു​റ​മേ​ക്ക്​ കാ​ര്യ​മാ​യ ആ​രോ​ഗ്യ പ്ര​ശ്ന​ങ്ങ​ളി​ല്ലെ​ങ്കി​ലും 72 മ​ണി​ക്കൂ​ർ നി​രീ​ക്ഷ​ണം വേ​ണ​മെ​ന്നാ​ണ്​ ഡോ​ക്ട​ർ​മാ​രു​ടെ നി​ർ​ദേ​ശം. ക​ര​ളി​ന്‍റെ പ്ര​വ​ർ​ത്ത​നം താ​റു​മാ​റാ​ക്കു​ന്ന സി​ങ്ക്ഫോ​സ്ഫൈ​ഡ് അ​ട​ങ്ങു​ന്ന എ​ലി​വി​ഷം സാ​വ​ധാ​ന​ത്തി​ലേ ക​ര​ളി​നെ ബാ​ധി​ക്കൂ എ​ന്ന​തി​നാ​ലാ​ണ്​ ഈ ​നി​രീ​ക്ഷ​ണം. വി​ഷം ശ​രീ​ര​ത്തി​ലെ കൊ​ഴു​പ്പി​ൽ ക​ല​രു​ക​യും സാ​വ​ധാ​നം ര​ക്ത​ത്തി​ലേ​ക്ക് തി​രി​ച്ചെ​ത്താ​നും ശ​രീ​രം മു​ഴു​വ​ൻ വ്യാ​പി​ക്കാ​നും സാ​ധ്യ​ത​യു​ണ്ട്.

അതേസമയം, അഫാന്‍റെ മാതാവ് ഷെ​മി​യു​ടെ ആ​രോ​ഗ്യ​നി​ല തൃ​പ്തി​ക​ര​മെ​ന്നാണ് വിവരം. നി​ല​വി​ൽ ബോ​ധം വ​ന്നി​ട്ടു​ണ്ട്. സം​സാ​രി​ക്കു​ന്നു​ണ്ടെ​ന്നും ബ​ന്ധു​ക്ക​ളെ​യൊ​ക്കെ അ​ന്വേ​ഷി​ക്കു​ന്നു​ണ്ടെന്നും ആശുപത്രി അധികൃതർ അറിയിച്ചു. അ​പ​ക​ട​നി​ല പൂ​ർ​ണ​മാ​യും ത​ര​ണം ചെ​യ്​​തെ​ന്ന് പ​റ​യാ​ൻ ക​ഴി​ല്ലെ​ങ്കി​ലും ആ​രോ​ഗ്യ​സ്ഥി​തി മെ​ച്ച​പ്പെ​ട്ടി​ട്ടു​ണ്ടെ​ന്നാ​ണ് വിലയിരുത്തൽ.

ന​ല്ല മു​റി​വു​ക​ളു​ണ്ട്. സം​സാ​രി​ക്കാ​ൻ പ​റ്റു​ന്ന സ്ഥി​തി​യാ​ണ്. 48 മ​ണി​ക്കൂ​റി​നു ​ശേ​ഷം ഒ​രു സ്കാ​ൻ കൂ​ടി ചെ​യ്യേ​ണ്ട​തു​ണ്ട്. അ​തി​നു ശേ​ഷം കൂ​ടു​ത​ൽ വി​വ​ര​ങ്ങ​ൾ ന​ൽ​കാ​മെ​ന്നാ​ണ് ഡോ​ക്ട​ർ​മാ​ർ പ​റ​യു​ന്ന​ത്.

ഇ​ന്ന്​ പൊ​ലീ​സി​ന്​ മൊ​ഴി​യെ​ടു​ക്കാ​ൻ ക​ഴി​ഞ്ഞേ​ക്കു​മെ​ന്നാ​ണ്​ സൂ​ച​ന. കൂ​ട്ട​ക്കൊ​ല​യു​മാ​യി ബ​ന്ധ​പ്പെ​ട്ട് നി​ർ​ണാ​യ​ക വി​വ​ര​ങ്ങ​ൾ ഷെ​മി​യു​ടെ പ​ക്ക​ൽ നി​ന്ന് ല​ഭി​ക്കു​മെ​ന്ന പ്ര​തീ​ക്ഷ​യി​ലാ​ണ് അ​ന്വേ​ഷ​ണ സം​ഘം.