അങ്ങാടിപ്പുറത്ത്​ ഇരുച​ക്ര വാഹന ​ഷോറൂമിൽ വൻ അഗ്​നിബാധ

പെരിന്തൽമണ്ണ: അങ്ങാടിപ്പുറത്ത്​ ഇരുച​ക്ര വാഹന ​ഷോറൂമിൽ വൻ അഗ്​നിബാധ. വ്യാഴാഴ്​ച രാവിലെ 6.15നാണ്​ ഷോറൂമി​​​െൻറ ഇരുനില കെട്ടിടത്തിന്​ തീപിടിച്ചത്​.ദേശീയപാതയിൽ ഒാരാടംപാലത്തിനടുത്ത എ.എം ഹോണ്ട ഷോറൂമും അതിനൊപ്പം ചേര്‍ന്ന് പ്രവര്‍ത്തിക്കുന്ന സര്‍വിസ് സ​​െൻററും ഉള്‍പ്പെട്ട കെട്ടിടത്തിലാണ് തീപിടിത്തമുണ്ടായത്. 

കെട്ടിടത്തിലെ ജനറേറ്റര്‍ സ്ഥിതിചെയ്യുന്ന ഭാഗത്തുനിന്ന്​ ഷോര്‍ട്ട് സര്‍ക്യൂട്ട് ഉണ്ടായതാണ് അപകടകാരണമെന്നാണ് പ്രാഥമിക നിഗമനം. സര്‍വിസിന്​ കൊണ്ടുവന്ന 17 ഇരുചക്ര വാഹനങ്ങൾ കത്തിനശിച്ചു. പ്രദർശനത്തിന്​ വെച്ച ഏതാനും വാഹനങ്ങൾക്ക്​​ കേടുപാട്​ സംഭവിച്ചു. ​മുകളിലെ നിലയിലായിരുന്നു പുതിയ വാഹനങ്ങള്‍ പ്രദർശിപ്പിച്ചിരുന്നത്. തീപടർന്ന്​ തുടങ്ങിയതോടെ പ്രദർശനത്തിന്​ വെച്ച വാഹനങ്ങള്‍ നാട്ടുകാരടക്കമുള്ളവർ അവിടെനിന്ന് മാറ്റുകയായിരുന്നു. 

കെട്ടിടത്തി​​​െൻറ ഫാബ്രിക്കേഷന്​ തീപിടിച്ചതാണ്​ കറുത്ത പുകയും തീനാളങ്ങളും ശക്തമായി ഉയരാൻ​ കാരണമായത്​. കമ്പ്യൂട്ടറുകളടക്കമുള്ള ഒാഫിസ്​ സംവിധാനം കത്തിനശിച്ചു. വിവരമറിഞ്ഞ്​ പെരിന്തൽമണ്ണ അഗ്​നി​ശമന സേനയുടെ മൂന്ന്​ യൂനിറ്റ്​ എത്തി തീയണക്കാനുള്ള ശ്രമം ആരംഭിച്ചു. നാട്ടുകാരും ഒപ്പംകൂടി. പിന്നീട്​ മലപ്പുറം, മഞ്ചേരി, മണ്ണാർക്കാട്​ എന്നിവിടങ്ങളിൽനിന്ന്​ അഗ്​നിശമന വിഭാഗത്തി​​​െൻറ ഒാരോ യൂനിറ്റും എത്തി. 9.30ഒാടെയാണ്​ തീ പൂർണമായി അണച്ചത്​. നഷ്​ടം കണക്കാക്കിവരുന്നു. 

തീ കൂടുതൽ പടരാതിരുന്നത്​ കൂട്ടായ പരിശ്രമത്തിൽ
പെരിന്തൽമണ്ണ: അങ്ങാടിപ്പുറത്ത്​ ഇരുച​ക്ര വാഹന ​ഷോറൂമിലുണ്ടായ അഗ്​നിബാധ സമീപ കെട്ടിടങ്ങളിലേക്കും മറ്റും പടരുന്നത്​ തടയാൻ കഴിഞ്ഞത്​ നാട്ടുകാരുടെയും 40ഒാളം വരുന്ന അഗ്​നിശമന സേനാവിഭാഗത്തി​​​െൻറയും കഠിനപരിശ്രമത്താൽ​. രാവിലെ ഷോറൂമി​​​െൻറ ഉള്ളിൽനിന്ന്​ കറുത്തപുകയും അഗ്​നിനാളങ്ങളും ഉയരുന്നത്​ ​ശ്രദ്ധയിൽപെട്ട പ്രദേശത്തുകാർ വിവരം നൽകിയതി​​​െൻറ അടിസ്​ഥാനത്തിൽ ആറരയോടെ സ്​റ്റേഷൻ ഒാഫിസർ എൽ. സുഗുണ​​​െൻറ നേതൃത്വത്തിൽ പെരിന്തൽമണ്ണയിലെ അഗ്​നിശമന വിഭാഗം സ്​ഥലത്തെത്തി.

ഇവർ നൽകിയ വിവരത്തെുടർന്ന്​ മലപ്പുറം അസിസ്​റ്റൻറ്​​ സ്​റ്റേഷൻ ഒാഫിസർ ബാബുരാജി​​​െൻറ നേതൃത്വത്തിലും മഞ്ചേരിയിൽനിന്ന്​ അബ്​ദുൽ കരീമി​​​െൻറ നേതൃത്വത്തിലും മണ്ണാർക്കാട്ടു​നിന്ന്​ നാസറി​​​െൻറ നേതൃത്വത്തിലുമുള്ള അഗ്​നിശമന യൂനിറ്റുകളും എത്തി രണ്ട്​ മണിക്കൂർ നീണ്ട കഠിന പ്രയത്​നത്തിന്​ ശേഷമാണ്​ തീ നിയന്ത്രണ വിധേയമാക്കിയത്​. പെരിന്തൽമണ്ണ ഫയർസ്​റ്റേഷനി​െല മുഹമ്മദലി, രമേശ്​, ഗിരീഷ്​, മുരളീധരൻ, സുരേന്ദ്രൻ, ടോമിതോമസ്​, മോഹനൻ, അഭിലാഷ്​ എന്നിവർ തീ അണക്കുന്നതിന്​ നേതൃത്വം വഹിച്ചു.