Top
Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightഡ്രീം വേൾഡ്​ വാട്ടർ...

ഡ്രീം വേൾഡ്​ വാട്ടർ തീം പാർക്കിൽ വൻ തീപിടിത്തം -Video

text_fields
bookmark_border
ഡ്രീം വേൾഡ്​ വാട്ടർ തീം പാർക്കിൽ വൻ തീപിടിത്തം -Video
cancel

ചാലക്കുടി: അതിരപ്പിള്ളി കാഞ്ഞിരപ്പിള്ളിയിലെ ഡ്രീം വേൾഡ്​ വാട്ടർ തീം പാർക്കിൽ വൻ തീപിടിത്തം. ത്രീഡി തിയറ്റർ കത്തിനശിച്ചു. 10 ലക്ഷത്തിലേറെ രൂപയുടെ നഷ്​ടം കണക്കാക്കുന്നു. ചൊവ്വാഴ്ച ഉച്ചക്ക്​ രണ്ടിനാണ്​ സംഭവം. എ.സിയിലെ ഷോർട്ട് സർക്യൂട്ടാണ് കാരണമെന്നാണ്​ നിഗമനം. ചാലക്കുടിയിൽ നിന്ന് എത്തിയ ഫയർഫോഴ്സാണ് തീ അണച്ചത്. സംഭവസമയം തിയറ്ററിനകത്ത്​ ഓപറേറ്റർമാർ മാത്രമാണ് ഉണ്ടായിരുന്നത്. പാർക്കിൽ നിരവധി സന്ദർശകരുണ്ടായിരു​ന്നെങ്കിലും ആർക്കും പരിക്കില്ല.

പൊടുന്നനെ തീ ആളിപ്പടരുകയായിരുന്നു. തീയറ്ററിലെ സ്ക്രീൻ, ഇരിപ്പിടങ്ങൾ, ​പ്രൊക്ടറുകൾ എന്നിവ പൂർണമായി കത്തിനശിച്ചു. തീയും പുകയും പാർക്കി​​െൻറ മതിൽക്കെട്ടിനപ്പുറത്ത് ആളിപ്പടരുന്നത് അതിരപ്പിള്ളി റോഡിൽ നിന്ന് കാണാമായിരുന്നു. ഫയർഫോഴ്​സ്​ ഒന്നര മണിക്കൂറോളം പണിപ്പെട്ടാണ്​ തീ അണച്ചത്.

ചാലക്കുടി ഫയർസ്​റ്റേഷനിലെ എ.എസ്.ടി.ഒ വി.വി. ബാബു, ഫയർമാൻമാരായ വി.ആർ. രജീഷ്, സുമിത്ത് സുകുമാരൻ, എസ്.എസ്. സെൻകുമാർ, ആർ.എസ്. രാജേഷ്, ഇലക്ട്രീഷ്യൻ എൻ.കെ. പ്രസന്നൻ, ടി.ഡി. ദീപു എന്നിവർ രക്ഷാപ്രവർത്തനത്തിന്​ നേതൃത്വം നൽകി.

Show Full Article
TAGS:fire dream world water theme park chalakkudy kerala news malayalam news 
News Summary - fire in dream world water them park chalakkudy -kerala news
Next Story