ഒഡീഷയിലെ മാർക്കറ്റിൽ തീപിടിത്തം: 200ലധികം കടകൾ കത്തിച്ചാമ്പലായി

ഭുവനേശ്വർ: ഒഡീഷയിലെ മാർക്കറ്റി​ൽ തീപിടിത്തം. 200ലധികം കടകൾ കത്തിച്ചാമ്പലായി. കിയോഞ്ജർ ജില്ലയിലാണ് സംഭവം. അഗ്നിശമന സേനയുടെ അഞ്ച് യൂണിറ്റുകൾ മണിക്കൂറോളം നടത്തിയ പരിശ്രമത്തിനൊടുവിലാണ് തീ നിയന്ത്രണവിധേയമായത്.

കോടിക്കണക്കിന് രൂപയുടെ നാശനഷ്ടമുണ്ടായതായി കണക്കാക്കുന്നത്. തീപിടിക്കാനുണ്ടായ കാരണം വ്യക്തമല്ല. ഷോർട്ട് സർക്യൂട്ടാണ് പൊലീസിന്റെ പ്രാഥമിക നിഗമനം.