ആലപ്പുഴയിൽ വീടിന്​ തീപിടിച്ചു

ആലപ്പുഴ: തലവടിയിൽ വീടിന്​ തീപിടിച്ച്​ ഭാഗികമായി കത്തി നശിച്ചു. കട്ടിലിൽ വീട്ടിൽ വിലാസിനിയുടെ വീടിനാന് തീപിട ിച്ചത്. മേൽക്കൂരയടക്കം തീപിടിത്തത്തിൽ നശിച്ചിട്ടുണ്ട്. തിങ്കളാഴ്​ച പുലർച്ചെ പന്ത്രണ്ടരയോടെയായിരുന്നു സംഭവം. വിവരമറിഞ്ഞ്​ ഓടിക്കൂടിയ നാട്ടുകാർ പൊലീസിനെയും അഗ്​നിശമന സേനാംഗങ്ങളെയും വിവരമറിക്കുകയായിരുന്നു.

അഗ്​നിശമന സേന എത്തിയാണ് തീയണച്ചത്. ആശുപത്രിയിൽ പോകാനായി ബാങ്കിൽ നിന്നെടുത്ത് സൂക്ഷിച്ച 7000 രൂപയും വീട്ടുപകരണങ്ങളും കത്തിനശിച്ചതായി വിലാസിനി പറഞ്ഞു. മകൻ സന്തോഷിനൊപ്പാണ് ഇവർ താമസിച്ചിരുന്നത്. തലവടി പഞ്ചായത്തംഗങ്ങൾ സ്ഥലം സന്ദർശിച്ചു.