മുന്നാക്ക സംവരണം: കേന്ദ്രതീരുമാനം സ്വാഗതം ചെയ്​ത്​ മുഖ്യമന്ത്രി

തിരുവനന്തപുരം: മുന്നാക്കവിഭാഗങ്ങളിലെ പാവപ്പെട്ടവർക്ക്​ 10​ ശതമാനം സംവരണം നൽകാനുള്ള കേന്ദ്രസർക്കാർ തീരുമാനം സ്വാഗതം ചെയ്യുന്നതായി മുഖ്യമന്ത്രി പിണറായി വിജയൻ. ഇത്​ നേര​േത്ത തങ്ങൾ ആവശ്യപ്പെടുന്നതാണ്​. രാജ്യത്ത്​ നിലവി ലെ സംവരണം തകർക്കാനാകുമോ എന്ന്​ നോക്കുന്നവരാണ്​ ബി.​െജ.പി. ആ സംവരണം തകർക്കാൻ പാടില്ല എന്ന നിലപാട്​ ശക്തമായി ഉ യർത്തിയിട്ടുണ്ട്​. ആ സംവരണം സംരക്ഷിച്ചുകൊണ്ടുതന്നെ രാജ്യത്ത്​ മുന്നാക്ക വിഭാഗത്തിലെ സാമ്പത്തികമായി ദയനീയാ വസ്ഥയിൽ കഴിയുന്ന ആളുകൾക്ക്​ നിശ്ചിത ശതമാനം സംവരണം നൽകണമെന്ന്​ സി.പി.എമ്മും ഇടതുമുന്നണിയും ആവശ്യപ്പെട്ടിരുന് നു. ഇതി​​​​െൻറ ഭാഗമായാണ്​ കേരളത്തിൽ മുന്നാക്കവിഭാഗങ്ങൾക്ക്​ ദേവസ്വം ബോർഡിൽ 10​ ശതമാനം സംവരണം നൽകുന്ന തീരുമാന ം എടുത്തത്​.​

എൻ.എസ്​.എസി​​​​െൻറ കഴിഞ്ഞദിവസത്തെ സർക്കാറിനെതിരായ നിലപാട്​ ഇതുമായി കൂട്ടിവായിക്കേണ്ടതില് ല. മുന്നാക്കവിഭാഗത്തിന്​ സാമ്പത്തിക ആനുകൂല്യം ഇപ്പോൾത്ത​െന്ന കൊടുക്കുന്നുണ്ട്​. തെരഞ്ഞെടുപ്പ്​ മുന്നിൽകണ ്ടുള്ള ബി.ജെ.പി നീക്കമാണോ എന്ന്​ കു​േറദിവസം കഴിഞ്ഞേ വ്യക്തമാകൂ. കേന്ദ്രതീരുമാനത്തോടാണ്​ താൻ പ്രതികരിച്ചതെന ്നും മുഖ്യമന്ത്രി പറഞ്ഞു.

സാമ്പത്തികസംവരണം സ്വാഗതംചെയ്യുന്നു -കെ.എം. മാണി
കോട്ടയം: ഭരണഘടന ഭേദഗതി ചെയ്ത് മുന്നാക്കക്കാർക്ക് 10 ശതമാനം സാമ്പത്തികസംവരണം ഏർപ്പെടുത്താനുള്ള കേന്ദ്ര മന്ത്രിസഭ തീരുമാനം സ്വാഗതംചെ യ്യുന്നതായി കേരള കോൺഗ്രസ്​ എം ചെയർമാൻ കെ.എം. മാണി. മുന്നാക്കക്കാരിലെ പിന്നാക്കക്കാർക്ക് സംവരണം നൽകണമെന്ന ആവശ്യം പതിറ്റാണ്ടുകൾക്ക് മുമ്പേ കേരള കോൺഗ്രസ് ഉന്നയിച്ചതാണ്. വർഷങ്ങൾക്ക് മുമ്പ് യു.ഡി.എഫ് സർക്കാർ പ്രമേയം പാസാക്കിയിരുന്നു. ഇത് നേരത്തേ നടപ്പാക്കേണ്ടതായിരുന്നുവെന്നും അദ്ദേഹം പറഞ്ഞു.

സാമ്പത്തിക സംവരണം: കേന്ദ്രം നീതിബോധവും ഇച്ഛാശക്തിയും തെളിയിച്ച​ു -എൻ.എസ്​.എസ്​
ചങ്ങനാശ്ശേരി: സാമ്പത്തിക സംവരണം ഏർപ്പെടുത്താനുള്ള തീരുമാനത്തിലൂടെ കേന്ദ്രസർക്കാർ നീതിബോധവും ഇച്ഛാശക്തിയും തെളിയിച്ചിരിക്കുകയാണെന്ന്​ എന്‍.എസ്.എസ് ജനറല്‍ സെക്രട്ടറി ജി. സുകുമാരന്‍ നായര്‍. നടപ്പാക്കുന്ന കാര്യത്തില്‍ ഏറെ കടമ്പകള്‍ കടക്കേണ്ടതുണ്ടെങ്കിലും മുന്നാക്കക്കാരില്‍ സാമ്പത്തികമായി പിന്നാക്കം നിൽക്കുന്നവർക്ക്​ 10 ശതമാനം സംവരണം നൽകാനുള്ള തീരുമാനം സ്വഗതാർഹമാണ്​. അരനൂറ്റാണ്ടിലേറെയായി എൻ.എസ്​.എസ്​ ഇൗ ആവശ്യം ഉന്നയിച്ചുവരികയായിരുന്നുവെന്നും അദ്ദേഹം പ്രസ്​താവനയിൽ പറഞ്ഞു.

സംവരണം വേണം, പക്ഷേ; പഠിച്ചുപറയാം- കാനം
തിരുവനന്തപുരം: പിന്നാക്കവിഭാഗങ്ങൾക്ക്​ നൽകുന്ന 50 ശതമാനം സംവരണത്തിന്​ കോട്ടം തട്ടാതെ, മുന്നാക്ക സമുദായത്തിൽ സാമ്പത്തികമായി പിന്നാക്കം നിൽക്കുന്നവർക്ക്​ സംവരണം നൽകണം എന്നുതന്നെയാണ്​ സി.പി.​െഎയുടെ നിലപാടെന്ന്​ സംസ്ഥാന സെക്രട്ടറി കാനം രാജേന്ദ്രൻ. എന്നാൽ, കേന്ദ്രസർക്കാറി​​​​െൻറ ഇപ്പോഴുള്ള തീരുമാനം എന്താണെന്ന്​ വ്യക്തമായിട്ടില്ല. അത്​ മനസ്സിലാക്കി പ്രതികരിക്കാം.

സുപ്രീംകോടതിവിധി​െക്കതിര്​- ‘മെക്ക’
തിരുവനന്തപുരം: 10 ശതമാനം മുന്നാക്ക സാമ്പത്തിക സംവരണത്തിനുള്ള കേന്ദ്ര സർക്കാർ തീരുമാനം സുപ്രീംകോടതിവിധി​െക്കതിരും അപ്രായോഗികവുമെന്ന്​ ‘മെക്ക’. ഭരണഘടനാഭേദഗതിയിലൂടെ മണ്ഡൽ കേസ്​ വിധിയിലെ നിദേശങ്ങൾക്ക്​ വിരുദ്ധമായി സാമ്പത്തിക സംവരണം പ്രായോഗികമാവി​െല്ലന്ന്​ വ്യക്തമാണ്. കേന്ദ്ര- സംസ്ഥാന സർക്കാറുകളുടെ മുന്നാക്ക വോട്ട് ലക്ഷ്യമിട്ടുള്ള തെരഞ്ഞെടുപ്പ്​ തന്ത്രവും ഇരട്ടത്താപ്പുമാണിത്. എൻ.എസ്.എസിനെയും മുന്നാക്ക ക്രിസ്ത്യാനികളെയും ബി.ജെ.പി-സംഘ്പരിവാർ പാളയത്തിലേക്ക് എത്തിക്കുന്നതിനുള്ള ഗൂഢാലോചനയും തന്ത്രവുമാണിതെന്നും മെക്ക-സംവരണ സമുദായ മുന്നണി ജനറൽ സെക്രട്ടറി എൻ.കെ. അലി പറഞ്ഞു.

സാമ്പത്തിക സംവരണം: കേന്ദ്രനീക്കം ചെറുത്തുതോൽപിക്കും -കെ.പി.എ മജീദ്
കോഴിക്കോട്: സാമ്പത്തിക സംവരണം നടപ്പാക്കാനുള്ള കേന്ദ്രസർക്കാർ നീക്കം ചെറുത്തുതോൽപിക്കുമെന്ന്​ മുസ്‌ലിംലീഗ് സംസ്ഥാന ജനറൽ സെക്രട്ടറി കെ.പി.എ. മജീദ്​. മുന്നാക്കവിഭാഗങ്ങളിൽ സാമ്പത്തികമായി പിന്നാക്കംനിൽക്കുന്നവർക്ക് 10 ശതമാനം സംവരണം ഏർപ്പെടുത്തുന്നത്​ ഭരണഘടന വിരുദ്ധവും സംവരണമെന്ന അടിസ്ഥാന തത്ത്വത്തി​​​െൻറ ലംഘനവുമാണ്.

സാമൂഹികമായും വിദ്യാഭ്യാസപരമായും പിന്നാക്കംനിൽക്കുന്ന ജനവിഭാഗങ്ങളെ മുഖ്യധാരയിലേക്ക് കൊണ്ടുവരാനുള്ള സാമൂഹിക പദ്ധതിയായാണ്​ സംവരണ ആശയം രൂപംകൊണ്ടത്. പിന്നാക്ക വിഭാഗങ്ങൾക്ക് സർവിസിൽ അർഹമായ പ്രാതിനിധ്യം ലഭിക്കാനാണിത്​. സംവരണം അധികാരത്തിലുള്ള പങ്കാളിത്തമാണെന്ന്​ ഡോ. അംബേദ്കർ വ്യക്തമാക്കിയിട്ടുണ്ട്.

സാമ്പത്തികമായി പിന്നാക്കംനിൽക്കുന്നവരെ ഉയർത്തിക്കൊണ്ടുവരാൻ സാമ്പത്തികസഹായം അടക്കമുള്ള മറ്റു മാർഗങ്ങൾ സ്വീകരിക്കുകയാണ് സർക്കാർ ചെയ്യേണ്ടത്; സംവരണം അട്ടിമറിച്ചല്ല അത് നടപ്പാക്കേണ്ടത്. സാമ്പത്തിക സംവരണത്തിനുള്ള ഏത് ശ്രമങ്ങളെയും ചെറുത്തുതോൽപിക്കും. ദലിത്, പിന്നാക്ക ന്യൂനപക്ഷങ്ങളുടെ അവകാശങ്ങൾക്കു നേരെയുള്ള ഈ വെല്ലുവിളി നേരിടാൻ ലീഗ് സംവരണസമുദായങ്ങൾക്കൊപ്പം ചേർന്ന് ശക്തമായ പ്രക്ഷോഭം സംഘടിപ്പിക്കുമെന്നും കെ.പി.എ. മജീദ് പറഞ്ഞു.

സാമ്പത്തിക സംവരണം: കേന്ദ്ര സർക്കാറി​​​െൻറ നീക്കം വഞ്ചനയെന്ന്​ എസ്​.എൻ.ഡി.പി
ആലപ്പുഴ: സാമ്പത്തിക സംവരണം കൊണ്ടുവരാന​ുള്ള കേന്ദ്ര സർക്കാറി​​​െൻറ നീക്കം വഞ്ചനയെന്ന്​ എസ്​.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശൻ. പിന്നാക്ക വിഭാഗങ്ങളോടുള്ള നീതി നിഷേധമാണ്​ ഇത്​. കേന്ദ്ര സർക്കാർ സാമ്പത്തിക സംവരണ നീക്കത്തിൽനിന്ന്​ പിന്മാറണമെന്നും അദ്ദേഹം ആവശ്യപ്പെട്ടു.