സാമ്പത്തിക ക്രമക്കേട്​: 35 സ്വിഫ്​റ്റ്​ ജീവനക്കാർക്ക്​ പിഴ

തി​രു​വ​ന​ന്ത​പു​രം: കെ.​എ​സ്.​ആ​ര്‍.​ടി.​സി സ്വി​ഫ്റ്റി​ന്റെ ദീ​ര്‍ഘ​ദൂ​ര ബ​സു​ക​ളി​ല്‍ സാ​മ്പ​ത്തി​ക ക്ര​മ​ക്കേ​ട് കാ​ട്ടി​യ 35 ജീ​വ​ന​ക്കാ​ര്‍ക്ക് പി​ഴ ചു​മ​ത്തി. വി​ജി​ല​ന്‍സ് വി​ഭാ​ഗം ന​ട​ത്തി​യ പ​രി​ശോ​ധ​ന​യെ തു​ട​ര്‍ന്നാ​ണ് ന​ട​പ​ടി. സാ​മ്പ​ത്തി​ക ക്ര​മ​ക്കേ​ടി​ന്റെ തീ​വ്ര​ത അ​നു​സ​രി​ച്ച് 5000-7000 രൂ​പ​വ​രെ പ​ല​ര്‍ക്കും പി​ഴ ചു​മ​ത്തി​യി​ട്ടു​ണ്ട്.

ബം​ഗ​ളൂ​രു ബ​സി​ലെ യാ​ത്ര​ക്കാ​ര​നി​ല്‍നി​ന്ന്​ ടി​ക്ക​റ്റ് ന​ല്‍കാ​തെ ഗൂ​ഗ്​​ള്‍പേ​യി​ല്‍ ക​ണ്ട​ക്ട​ര്‍ ടി​ക്ക​റ്റ്​ തു​ക വാ​ങ്ങി​യ സം​ഭ​വ​ത്തെ തു​ട​ര്‍ന്നാ​ണ് വി​ജി​ല​ന്‍സ് വി​ഭാ​ഗം വ്യാ​പ​ക പ​രി​ശോ​ധ ന​ട​ത്തി​യ​ത്. ബ​സി​ല്‍ ബാ​ഗ് വെ​ച്ച് മ​റ​ന്നു​പോ​യ യാ​ത്ര​ക്കാ​ര​ന്‍ സ്‌​റ്റേ​ഷ​ന്‍ മാ​സ്റ്റ​ര്‍ ഓ​ഫി​സി​ല്‍ എ​ത്തി​യി​രു​ന്നു. പ​രാ​തി ന​ല്‍കി​യ​പ്പോ​ള്‍ സ്റ്റേ​ഷ​ൻ മാ​സ്റ്റ​ര്‍ ടി​ക്ക​റ്റി​ന്റെ പ​ക​ര്‍പ്പ് ചോ​ദി​ച്ചു. അ​പ്പോ​ഴാ​ണ് താ​ന്‍ ക​ണ്ട​ക്ട​ര്‍ക്ക് ഗൂ​ഗ്​​ള്‍പേ​യി​ല്‍ ടി​ക്ക​റ്റ് തു​ക ന​ല്‍കി​യെ​ന്ന കാ​ര്യം യാ​ത്ര​ക്കാ​ര​ന്‍ വ്യ​ക്ത​മാ​ക്കി​യ​ത്.

തു​ട​ര്‍ന്ന് ന​ട​ന്ന അ​ന്വേ​ഷ​ണ​ത്തി​ല്‍ സ്വി​ഫ്റ്റ് ദീ​ര്‍ഘ​ദൂ​ര ബ​സു​ക​ളി​ലെ ഡ്രൈ​വ​ര്‍ കം ​ക​ണ്ട​ക്ട​ര്‍മാ​ര്‍ വ്യാ​പ​ക ക്ര​മ​ക്കേ​ട് ന​ട​ത്തു​ന്ന​താ​യി സൂ​ച​ന ല​ഭി​ച്ചു. ര​ണ്ടു​ദി​വ​സ​ത്തെ പ​രി​ശോ​ധ​ന​യി​ല്‍ 60 ജീ​വ​ന​ക്കാ​രെ പി​ടി​കൂ​ടി​യി​ട്ടു​ണ്ട്. ക​ണ്ട​ക്ട​ര്‍ ക്യാ​ഷ് ബാ​ഗി​ല്‍ കൂ​ടു​ത​ല്‍ തു​ക ക​ണ്ടെ​ത്തി​യ​ത് ഉ​ൾ​പ്പെ​ടെ ന​ട​പ​ടി​യെ​ടു​ത്തി​ട്ടു​ണ്ട്. പൂ​ര്‍ണ​മാ​യും റി​സ​ര്‍വേ​ഷ​നി​ലു​ള്ള ദീ​ര്‍ഘ​ദൂ​ര ബ​സു​ക​ളി​ല്‍ പ​രി​ശോ​ധ​ന കു​റ​വാ​ണ്. റി​സ​ര്‍വേ​ഷ​ന്‍ റ​ദ്ദാ​ക്ക​പ്പെ​ടു​ന്ന സീ​റ്റു​ക​ളി​ലാ​ണ് മ​റ്റു യാ​ത്ര​ക്കാ​രെ ക​യ​റ്റി ചി​ല ക​ണ്ട​ക്ട​ര്‍മാ​ര്‍ പ​ണം വാ​ങ്ങി​യി​രു​ന്ന​ത്. ഇ​ന്‍സ്‌​പെ​ക്ട​ര്‍മാ​രു​ടെ കു​റ​വും പ​രി​ശോ​ധ​ന കു​റ​ച്ചി​ട്ടു​ണ്ട്. 650 ഇ​ന്‍സ്‌​പെ​ക്ട​ര്‍മാ​ര്‍ ഉ​ണ്ടാ​യി​രു​ന്ന​ത് ഇ​പ്പോ​ള്‍ 350 ആ​യി ചു​രു​ങ്ങി​യി​ട്ടു​ണ്ട്.