ധനവകുപ്പ് അന്വേഷണം ശിവശങ്കറെ രക്ഷിക്കാനെന്ന്​ ആക്ഷേപം

തി​രു​വ​ന​ന്ത​പു​രം: മു​ഖ്യ​മ​ന്ത്രി​യു​ടെ മു​ൻ പ്രി​ൻ​സി​പ്പ​ൽ സെ​ക്ര​ട്ട​റി എം. ​ശി​വ​ശ​ങ്ക​റി​നെ​തി​രെ ധ​ന​വ​കു​പ്പ് ആ​രം​ഭി​ച്ച അ​ന്വേ​ഷ​ണം വി​ജി​ല​ൻ​സ് അ​ന്വേ​ഷ​ണം ഒ​ഴി​വാ​ക്കാ​നു​ള്ള നീ​ക്ക​ത്തി​​െൻറ ഭാ​ഗ​മെ​ന്ന്​ ആ​ക്ഷേ​പം. ശി​വ​ശ​ങ്ക​ർ പ​റ​ഞ്ഞി​ട്ടാ​ണ്​ സ്വ​പ്ന സു​രേ​ഷി​ന് ക​ൺ​സ​ൾ​ട്ട​ൻ​സി വ​ഴി നി​യ​മ​നം ന​ൽ​കി​യ​തെ​ന്ന്​ ചീ​ഫ് സെ​ക്ര​ട്ട​റി​യും ധ​ന​സെ​ക്ര​ട്ട​റി​യും ഉ​ൾ​പ്പെ​ട്ട സ​മി​തി ക​ണ്ടെ​ത്തി​യ​തി​​െൻറ അ​ടി​സ്ഥാ​ന​ത്തി​ലാ​ണ് തു​ട​ര​ന്വേ​ഷ​ണ​ത്തി​നാ​യി ധ​ന​കാ​ര്യ പ​രി​ശോ​ധ​നാ വി​ഭാ​ഗ​ത്തെ ചു​മ​ത​ല​പ്പെ​ടു​ത്തി​യ​ത്. ഐ.​ടി വ​കു​പ്പി​ൽ ന​ട​ന്ന നി​യ​മ​ന​ങ്ങ​ൾ പ​രി​ശോ​ധി​ക്കാ​നും ര​ണ്ട് മാ​സ​ത്തി​നു​ള്ളി​ൽ അ​ന്വേ​ഷ​ണം പൂ​ർ​ത്തീ​ക​രി​ക്കാ​നും നി​ർ​ദേ​ശി​ച്ചു. 

എ​ന്നാ​ൽ, അ​ന്വേ​ഷ​ണം ബോ​ധ​പൂ​ർ​വം വൈ​കി​പ്പി​ച്ച് മ​റ്റ് അ​ന്വേ​ഷ​ണ​ങ്ങ​ളി​ൽ​നി​ന്ന്​ ശി​വ​ശ​ങ്ക​റെ ര​ക്ഷി​ക്കാ​നും ശ്ര​മ​മു​ണ്ട​ത്രെ. പ​രി​ശോ​ധ​നാ​വി​ഭാ​ഗ​ത്തെ നി​യ​ന്ത്രി​ക്കു​ന്ന ഭ​ര​ണ​പ​ക്ഷ അ​നു​കൂ​ല സം​ഘ​ട​നാ​നേ​താ​വി​​െൻറ ഇ​ട​പെ​ട​ലാ​ണ് ആ​ക്ഷേ​പ​ത്തി​ന് ആ​ധാ​രം.

സ്വ​പ്ന​ക്ക് വ​ഴി​വി​ട്ട മാ​ർ​ഗ​ത്തി​ലൂ​ടെ ജോ​ലി ന​ൽ​കി​യ​തു​വ​ഴി സ​ർ​ക്കാ​റി​ന്​ ധ​ന​ന​ഷ്​​ട​മു​ണ്ടാ​യി. ഇ​തി​ന്​ കൂ​ട്ടു​നി​ന്ന​താ​ക​ട്ടെ ഐ.​എ.​എ​സ് ഉ​ദ്യോ​ഗ​സ്ഥ​നും. പ്രാ​ഥ​മി​ക അ​ന്വേ​ഷ​ണ​ത്തി​ൽ​ത​ന്നെ ഇ​ക്കാ​ര്യ​ങ്ങ​ൾ ബോ​ധ്യ​പ്പെ​ട്ട​തി​നാ​ൽ ശി​വ​ശ​ങ്ക​റി​നെ​തി​രെ ഉ​ട​ൻ വി​ജി​ല​ൻ​സ് അ​ന്വേ​ഷ​ണം ന​ട​ത്താ​നാ​കും. ഇ​തി​നാ​യി സ​ർ​ക്കാ​റി​െൻറ അ​നു​മ​തി വി​ജി​ല​ൻ​സ് തേ​ടേ​ണ്ട​തു​ണ്ട്. 

ബ​ന്ധു​വി​നെ പൊ​തു​മേ​ഖ​ലാ സ്ഥാ​പ​ന​ത്തി​ൽ നി​യ​മി​ച്ച സം​ഭ​വ​ത്തി​ൽ സ​മാ​ന​മാ​യ അ​ന്വേ​ഷ​ണ​ത്തി​ൽ​നി​ന്ന്​ മു​മ്പ്​ മ​ന്ത്രി ഇ.​പി. ജ​യ​രാ​ജ​ൻ ക​ഷ്​​ടി​ച്ചാ​ണ്​ ര​ക്ഷ​പ്പെ​ട്ട​ത്. നി​യ​മ​നം ഉ​ട​ൻ റ​ദ്ദാ​ക്കി​യ​തി​നാ​ൽ അ​ന്ന്​ പൊ​തു​പ​ണം ന​ഷ്​​ട​പ്പെ​ട്ടി​ല്ല. എ​ന്നാ​ൽ, മാ​സ​ങ്ങ​ളോ​ളം സ്വ​പ്ന പ്ര​തി​ഫ​ലം പ​റ്റി​യ​തി​നാ​ൽ വി​ജി​ല​ൻ​സി​ന് അ​ഴി​മ​തി​ക്ക് കേ​സെ​ടു​ക്കാ​നാ​കും. എ​ന്നാ​ൽ, അ​തി​ന് ത​ട​യി​ടാ​നാ​ണ് ഇ​പ്പോ​ൾ പ്ര​ഖ്യാ​പി​ച്ച അ​ന്വേ​ഷ​ണ​മെ​ന്ന്​ ചൂ​ണ്ടി​ക്കാ​ണി​ക്ക​പ്പെ​ടു​ന്നു. 

അ​ന്വേ​ഷ​ണം ആ​വ​ശ്യ​പ്പെ​ട്ട് ആ​രെ​ങ്കി​ലും കോ​ട​തി​യെ സ​മീ​പി​ച്ചാ​ൽ ധ​ന​കാ​ര്യ പ​രി​ശോ​ധ​നാ​വി​ഭാ​ഗ​ത്തെ ചു​മ​ത​ല​പ്പെ​ടു​ത്തി​യെ​ന്ന്​ സ​ർ​ക്കാ​ർ ബോ​ധി​പ്പി​ക്കും. അ​തു​വ​ഴി വി​ജി​ല​ൻ​സ് അ​ന്വേ​ഷ​ണം ഒ​ഴി​വാ​ക്കാ​നാ​വും. 
ശി​വ​ശ​ങ്ക​റി​​നെ അ​ന്വേ​ഷ​ണ​വി​ധേ​യ​മാ​യി സ​സ്പെ​ൻ​ഡ്​ ചെ​യ്തെ​ങ്കി​ലും കു​റ്റാ​രോ​പ​ണ മെ​മ്മോ കൈ​മാ​റി​യി​ട്ടി​ല്ല. 90 ദി​വ​സ​ത്തി​ന​കം ഇ​ത്​ ന​ൽ​ക​ണ​മെ​ന്നാ​ണ് ച​ട്ടം. ഇ​ല്ലെ​ങ്കി​ൽ ശി​വ​ശ​ങ്ക​റി​ന്​ തി​രി​കെ സ​ർ​വി​സി​ൽ പ്ര​വേ​ശി​ക്കാം. നി​ല​വി​ലെ സ​സ്പെ​ൻ​ഷ​ൻ ഉ​ത്ത​ര​വ് പ്ര​കാ​രം അ​ദ്ദേ​ഹ​ത്തി​ന് എ​ല്ലാ ആ​നു​കൂ​ല്യ​വും ല​ഭി​ക്കു​ക​യും ചെ​യ്യും.