മാർച്ചിലെ ചെലവ്​ 26,000 കോടി, പദ്ധതി ചെലവ്​ 65 ശതമാനം; എ​ല്ലാ മേ​ഖ​ല​ക്കും ആ​വ​ശ്യ​മാ​യ പ​ണം ല​ഭ്യ​മാ​ക്കി​യി​ട്ടു​ണ്ടെ​ന്ന്​ ധ​ന​മ​ന്ത്രി

തി​രു​വ​ന​ന്ത​പു​രം: സാ​മ്പ​ത്തി​ക വ​ർ​ഷ​ത്തി​​ലെ അ​വ​സാ​ന പ്ര​വൃ​ത്തി ദി​വ​സ​മാ​യ ശ​നി​യാ​ഴ്ച വൈ​കു​ന്നേ​രം വ​രെ​യു​ള്ള ക​ണ​ക്കു​ക​ൾ പ്ര​കാ​രം മാ​ർ​ച്ചി​ൽ വി​ത​ര​ണം ചെ​യ്ത​ത്​ 26,000 കോ​ടി​യോ​ളം രൂ​പ. ക​ഴി​ഞ്ഞ വ​ർ​ഷം ഇ​ത്​ 22,000 കോ​ടി​യാ​യി​രു​ന്നു. പ​ദ്ധ​തി ചെ​ല​വ്​ 65 ശ​ത​മാ​ന​മാ​ണ്. സ​മീ​പ​കാ​ല​ത്തെ ഏ​റ്റ​വും കു​റ​ഞ്ഞ നി​ല​യാ​ണി​ത്.

ക​ണ​ക്കു​ക​ൾ പൂ​ർ​ണ​മാ​യും ല​ഭി​ച്ചാ​ലും 10 ശ​ത​മാ​ന​ത്തി​ൽ കൂ​ടി വ​ർ​ധി​ക്കാ​ൻ ഇ​ട​യി​ല്ല. ക​ഴി​ഞ്ഞ വ​ർ​ഷം 85.67 ശ​ത​മാ​ന​മാ​യി​രു​ന്നു. 2021-22ൽ 93.98 ​ഉം 2020-21ൽ 99.97 ​ശ​ത​മാ​ന​വും പൂ​ർ​ത്തി​യാ​ക്കി​യി​ട​ത്താ​ണ് ഈ ​കു​റ​ഞ്ഞ നി​ല. കേ​ന്ദ്ര പ​ദ്ധ​തി​ക​ളി​ലെ ചെ​ല​വും 54 ശ​ത​മാ​ന​മാ​ണ്. കേ​ന്ദ്ര പ​ദ്ധ​തി​ക​ളി​ലെ സം​സ്ഥാ​ന വി​ഹി​തം നീ​ക്കി​വെ​ക്കാ​ൻ പ​ണ​മി​ല്ലാ​ത്ത​താ​യി​രു​ന്നു പ്ര​തി​സ​ന്ധി.

ത​ദ്ദേ​ശ സ്ഥാ​പ​ന​ങ്ങ​ള്‍ക്ക് ബി​ൽ സ​മ​ര്‍പ്പി​ക്കാ​ന്‍ മാ​ര്‍ച്ച് 27 വ​രെ അ​വ​സ​രം ന​ല്‍കി​യി​രു​ന്നു. സാ​ങ്കേ​തി​ക കാ​ര​ണ​ങ്ങ​ളാ​ൽ ബി​ൽ മാ​റാ​തെ വ​ന്നാ​ൽ വ​രും ദി​വ​സ​ങ്ങ​ളി​ൽ പ​രി​ഹ​രി​ക്കു​മെ​ന്ന് ധ​ന​വ​കു​പ്പ്​ വ്യ​ക്ത​മാ​ക്കി. സാ​മ്പ​ത്തി​ക വ​ർ​ഷാ​വ​സാ​ന​മാ​യ മാ​ർ​ച്ചി​ലെ ബി​ല്ലു​ക​ളു​ടെ കു​ത്തൊ​ഴു​ക്ക്​ നേ​രി​ടാ​ൻ ട്ര​ഷ​റി​ക​ളി​ൽ ക​ടു​ത്ത നി​യ​​ന്ത്ര​ണം ഏ​ർ​പ്പെ​ടു​ത്തി​യി​രു​ന്നു. വി​വി​ധ വ​കു​പ്പു​ക​ളും ത​ദ്ദേ​ശ സ്ഥാ​പ​ന​ങ്ങ​ളും ന​ൽ​കു​ന്ന ബി​ല്ലു​ക​ൾ ​ മു​ൻ​ഗ​ണ​ന അ​ടി​സ്ഥാ​ന​ത്തി​ൽ ക്യൂ​വി​ലേ​ക്ക്​ മാ​റ്റി​യാ​ണ്​ പാ​സാ​ക്കി​യ​ത്. ട്ര​ഷ​റി അ​ക്കൗ​ണ്ടു​ക​ളി​ൽ​നി​ന്ന് തു​ക പി​ൻ​വ​ലി​ക്കു​ന്ന​തി​നും ടോ​ക്ക​ൺ സം​വി​ധാ​നം ഏ​ർ​പ്പെ​ടു​ത്തി​യി​രു​ന്നു.

എ​ല്ലാ മേ​ഖ​ല​ക്കും ആ​വ​ശ്യ​മാ​യ പ​ണം ല​ഭ്യ​മാ​ക്കി​യി​ട്ടു​ണ്ടെ​ന്ന്​ ധ​ന​മ​ന്ത്രി കെ.​എ​ൻ. ബാ​ല​ഗോ​പാ​ൽ വ്യ​ക്ത​മാ​ക്കി. കേ​ന്ദ്ര സ​ര്‍ക്കാ​റി​ന്റെ കേ​ര​ള വി​രു​ദ്ധ നി​ല​പാ​ടു​ക​ളും സാ​മ്പ​ത്തി​ക പ്ര​വ​ര്‍ത്ത​ന​ങ്ങ​ളു​ടെ ത​ട​സ്സ​പ്പെ​ടു​ത്ത​ലും ഉ​ണ്ടാ​യി​ട്ടും ഈ ​വ​ര്‍ഷം അ​വ​സാ​ന പാ​ദ​ത്തി​ല്‍ മു​ന്‍വ​ര്‍ഷ​ത്തേ​ക്കാ​ള്‍ പൊ​തു​ചെ​ല​വ് ഉ​യ​ര്‍ത്താ​ന്‍ ക​ഴി​ഞ്ഞി​ട്ടു​ണ്ട്. സു​പ്രീം​കോ​ട​തി​യി​ല്‍ ന​ല്‍കി​യ കേ​സി​ന്‍റെ പേ​രി​ല്‍ അ​ര്‍ഹ​ത​പ്പെ​ട്ട വാ​യ്‌​പ​യും നി​ഷേ​ധി​ക്കു​ന്ന സാ​ഹ​ച​ര്യ​മാ​ണ്‌ നേ​രി​ട്ട​ത്‌. 21,000 കോ​ടി​യോ​ളം രൂ​പ​യാ​ണ് ഇ​ത്ത​ര​ത്തി​ല്‍ വെ​ട്ടി​ക്കു​റ​യ്ക്ക​പ്പെ​ട്ട​ത്. വാ​ര്‍ഷി​ക ചെ​ല​വും മു​ന്‍വ​ര്‍ഷ​ത്തേ​ക്കാ​ള്‍ ഉ​യ​ര്‍ന്നു​ത​ന്നെ നി​ല്‍ക്കു​മെ​ന്നാ​ണ് പ്ര​തീ​ക്ഷ. സാ​മൂ​ഹി​ക സു​ര​ക്ഷാ പെ​ന്‍ഷ​നും പൊ​തു ചി​കി​ത്സാ സൗ​ക​ര്യ​ങ്ങ​ള്‍ക്കും ഉ​ള്‍പ്പ​ടെ ഒ​രു കു​റ​വും വ​രു​ത്താ​തി​രി​ക്കാ​ന്‍ ക​ഴി​ഞ്ഞി​ട്ടു​ണ്ട്. ഇ​വ​ക്കെ​ല്ലാം ഒ​പ്പം കെ.​എ​സ്.​ഇ.​ബി​യു​ടെ ന​ഷ്ടം നി​ക​ത്താ​ന്‍ 750 കോ​ടി രൂ​പ​യും കെ.​എ​സ്.​ആ​ര്‍.​ടി.​സി, കെ.​ടി.​ഡി.​എ​ഫ്.​സി, കേ​ര​ള ബാ​ങ്ക് എ​ന്നീ സ്ഥാ​പ​ന​ങ്ങ​ളെ പ്ര​തി​സ​ന്ധി​യി​ലാ​ക്കു​ന്ന സാ​മ്പ​ത്തി​ക കു​രു​ക്ക് പ​രി​ഹ​രി​ക്കാ​ന്‍ 412.5 കോ​ടി രൂ​പ​യും ന​ല്‍കി.