ഒന്നും വെട്ടിയില്ല; ആരോഗ്യവകുപ്പിനെ തള്ളി ധനവകുപ്പ്

തി​രു​വ​ന​ന്ത​പു​രം: മെ​ഡി​ക്ക​ൽ കോ​ള​ജു​ക​ൾ​ക്കു​ള്ള ബ​ജ​റ്റ്​ വ​ക​യി​രു​ത്ത​ലി​ൽ നി​ന്ന്​ 145 കോ​ടി ​​വെ​ട്ടി​യെ​ന്ന​ ആ​രോ​ഗ്യ​വ​കു​പ്പി​​ന്‍റെ വാ​ദ​ങ്ങ​ൾ ത​ള്ളി ധ​ന​വ​കു​പ്പ്. സ്വന്തം ലേഖകൻക്കു​ള്ള ബ​ജ​റ്റ്‌ വ​ക​യി​രു​ത്ത​ലു​ക​ൾ ന​ൽ​കി​യി​ല്ലെ​ന്നും വെ​ട്ടി​ക്കു​റ​ച്ചെ​ന്നു​മു​ള്ള ആ​രോ​പ​ണ​ങ്ങ​ൾ അ​ടി​സ്ഥാ​ന ര​ഹി​ത​മെ​ന്ന്​ ക​ണ​ക്ക്​ നി​ര​ത്തി ധ​ന​വ​കു​പ്പ്​ ചൂ​ണ്ടി​ക്കാ​ട്ടു​ന്നു. ക​ഴി​ഞ്ഞ സാ​മ്പ​ത്തി​ക വ​ർ​ഷം (2024-25) 9667 കോ​ടി രൂ​പ​യാ​യി​രു​ന്നു ആ​രോ​ഗ്യ​മേ​ഖ​ല​ക്കു​ള്ള വ​ക​യി​രു​ത്ത​ൽ. അ​നു​വ​ദി​ച്ചു​ന​ൽ​കി​യ​താ​ക​ട്ടെ, 9994 കോ​ടി രൂ​പ​യും. ചെ​ല​വ് 103 ശ​ത​മാ​നം.

ചി​ല മേ​ഖ​ല​ക​ളി​ൽ വി​വി​ധ ആ​വ​ശ്യ​ങ്ങ​ൾ​ക്ക്‌ ബ​ജ​റ്റി​ലെ ബ​ജ​റ്റി​ലെ വ​ക​യി​രു​ത്ത​ൽ തി​ക​യാ​തെ വ​രു​ന്ന സാ​ഹ​ച​ര്യ​ങ്ങ​ളി​ലാ​ണ്‌ ഇ​ത്ത​ര​ത്തി​ൽ ‘അ​ഡീ​ഷ​ന​ൽ ഓ​ത​റൈ​സേ​ഷ​ൻ’ വ​ഴി തു​ക ന​ൽ​കു​ന്ന​ത്‌. ന​ട​പ്പു​വ​ർ​ഷം 10,432 കോ​ടി രൂ​പ​യാ​ണ്‌ ബ​ജ​റ്റ്‌ വ​ക​യി​രു​ത്ത​ൽ. അ​തി​ൽ 2504 കോ​ടി രൂ​പ​യും കൈ​മാ​റി​ക്ക​ഴി​ഞ്ഞു. അ​താ​യ​ത് മൂ​ന്നു മാ​സ​ത്തി​നു​ള്ളി​ൽ ആ​കെ ബ​ജ​റ്റ് വ​ക​യി​രു​ത്ത​ലി​ന്റെ നാ​ലി​ലൊ​ന്ന്‌ തു​ക​യും ന​ൽ​കി​യി​ട്ടു​ണ്ട്‌.

ഈ ​സ​ർ​ക്കാ​ർ അ​ധി​കാ​ര​ത്തി​ൽ വ​ന്ന ആ​ദ്യ​വ​ർ​ഷം (2021-22) 8266 കോ​ടി രൂ​പ​ ബ​ജ​റ്റി​ൽ വ​ക​യി​രു​ത്തി​യി​രു​ന്നു. എ​ന്നാ​ൽ, കോ​വി​ഡ് സാ​ഹ​ച​ര്യ​ത്തെ നേ​രി​ടു​ന്ന​ത്​ ഉ​ൾ​പ്പെ​ടെ ചെ​ല​വു​ക​ൾ നി​ർ​വ​ഹി​ക്കാ​നാ​യി 11,361 കോ​ടി രൂ​പ അ​നു​വ​ദി​ച്ചു. 137 ശ​ത​മാ​ന​മാ​ണ്‌ ചെ​ല​വ്‌. 2022-23 ൽ 9425 ​കോ​ടി രൂ​പ വ​ക​യി​രു​ത്തു​ക​യും 9675 കോ​ടി രൂ​പ അ​നു​വ​ദി​ക്കു​ക​യും ചെ​യ്തു.103 ശ​ത​മാ​ന​മാ​ണ്‌ ചെ​ല​വ്. 2023-24ൽ ​ക​ടു​ത്ത സാ​മ്പ​ത്തി​ക ഞെ​രു​ക്കം നേ​രി​ടു​ക​യും, എ​ല്ലാ മേ​ഖ​ല​യി​ലും മു​ൻ​ഗ​ണ​ന​ക​ൾ നി​ശ്ച​യി​ക്കു​ക​യും ചെ​യ്‌​ത​പ്പോ​ഴും ഈ ​മേ​ഖ​ല​യി​ൽ വ​ലി​യ മാ​റ്റ​ങ്ങ​ൾ വ​രു​ത്തി​യി​ല്ല. 9430 കോ​ടി രൂ​പ​യു​ടെ വ​ക​യി​രു​ത്ത​ലി​ൽ 9014 കോ​ടി രൂ​പ​യും ചെ​ല​വി​ട്ടു. 96 ശ​ത​മാ​ന​മാ​ണ് ചെ​ല​വ്‌.

ബാ​ക്കി​വ​ന്ന നാ​ലു ശ​ത​മാ​നം അ​ത്യാ​വ​ശ്യ​മ​ല്ലാ​ത്ത ചി​ല കെ​ട്ടി​ട നി​ർ​മ്മാ​ണം പോ​ലെ​യു​ള്ള​വ​ക്ക്​ നീ​ക്കി​വെ​ച്ച​താ​ണ്. ആ​ശു​പ​ത്രി​ക​ളും രോ​ഗി​ക​ളു​മാ​യി ബ​ന്ധ​പ്പെ​ട്ട ഒ​രു ചെ​ല​വി​ലും ആ ​വ​ർ​ഷ​വും കു​റ​വു​വ​രു​ത്തി​യി​ട്ടി​ല്ല. ആ​രോ​ഗ്യ മേ​ഖ​ല​യി​ലെ ചെ​ല​വു​ക​ൾ​ക്ക്‌ ഒ​രു​വി​ധ നി​യ​ന്ത്ര​ണ​വും ബാ​ധ​ക​മാ​ക്കാ​റു​മി​ല്ല. ര​ണ്ടാം പി​ണ​റാ​യി സ​ർ​ക്കാ​ർ അ​ധി​കാ​ര​ത്തി​ൽ വ​ന്ന​തി​നു​ശേ​ഷം 770 ത​സ്‌​തി​ക​ക​ളാ​ണ്‌ ആ​രോ​ഗ്യ മേ​ഖ​ല​യി​ൽ പു​തു​താ​യി അ​നു​വ​ദി​ച്ച​ത്‌.