സോളാറിന്​ വൈദ്യുതി തീരുവ ഒഴിവാക്കി, കുടുംബ കോടതികളിൽ നിരക്കിൽ ഇളവ്​; ധനകാര്യ ബിൽ പാസാക്കി

തി​രു​വ​ന​ന്ത​പു​രം: സ്വ​ന്ത​മാ​യി വൈ​ദ്യു​തി ഉ​ൽ​പാ​ദി​പ്പി​ച്ച് ഉ​പ​യോ​ഗി​ക്കു​ന്ന​വ​ർ​ക്കു​ള്ള തീ​രു​വ വ​ർ​ധി​പ്പി​ച്ച ന​ട​പ​ടി​യി​ൽ​നി​ന്ന് സോ​ളാ​ർ സ്ഥാ​പി​ച്ച​വ​രെ ഒ​ഴി​വാ​ക്കി കേ​ര​ള ധ​ന​കാ​ര്യ ബി​ൽ നി​യ​മ​സ​ഭ പാ​സാ​ക്കി. ഇ​ക്ക​ഴി​ഞ്ഞ ബ​ജ​റ്റി​ലാ​ണ് സ്വ​ന്ത​മാ​യി വൈ​ദ്യു​തി ഉ​ൽ​പാ​ദി​പ്പി​ക്കു​ന്ന​വ​ർ​ക്കു​ള്ള തീ​രു​വ 1.2 പൈ​സ എ​ന്ന​ത് 15 പൈ​സാ​യി വ​ർ​ധി​പ്പി​ച്ച​ത്. ഇ​തി​ലൂ​ടെ 24 കോ​ടി വ​രു​മാ​നം സ​മാ​ഹ​രി​ക്കാ​നാ​കു​മെ​ന്നാ​യി​രു​ന്നു ധ​ന​വ​കു​പ്പ് പ്ര​തീ​ക്ഷ.

എ​ന്നാ​ൽ, സോ​ളാ​ർ പാ​ന​ലു​ക​ൾ സ്ഥാ​പി​ച്ച​വ​ർ​ക്കും ഇ​തു ബാ​ധ​മാ​കു​മെ​ന്നും പ്രോ​ത്സാ​ഹി​പ്പി​ക്കേ​ണ്ട ഇ​ത്ത​രം സം​രം​ഭ​ങ്ങ​ൾ തീ​രു​വ വ​ർ​ധ​ന തി​രി​ച്ച​ടി​യാ​കു​മെ​ന്നും ച​ർ​ച്ച​യി​ൽ അ​ഭി​പ്രാ​യ​മു​യ​ർ​ന്നു. കു​ടും​ബ​കോ​ട​തി​യി​ൽ വ​രു​ന്ന സ്വ​ത്ത് സം​ബ​ന്ധ​മാ​യ വ്യ​വ​ഹാ​ര​ങ്ങ​ളി​ൽ ബ​ജ​റ്റി​ൽ പ്ര​ഖ്യാ​പി​ച്ച കോ​ർ​ട്ട് ഫീ ​സ്റ്റാ​മ്പ് നി​ര​ക്കി​ൽ ഇ​ള​വ് വ​രു​ത്തി. താ​മ​സ​ത്തി​നു​ള്ള വീ​ട് ഒ​ഴി​വാ​ക്കി​യു​ള്ള വ​സ്തു​വ​ക​ക​ളാ​യി​രി​ക്കും വ്യ​വ​ഹാ​ര​ത്തി​നാ​യി പ​രി​ഗ​ണി​ക്കു​ക.

അ​പ്പീ​ൽ വ്യ​വ​ഹാ​ര​ങ്ങ​ൾ​ക്ക് അ​ഞ്ചു ല​ക്ഷം രൂ​പ വ​രെ 100 രൂ​പ, അ​ഞ്ചു ല​ക്ഷ​ത്തി​ന് മു​ക​ളി​ൽ 20 ല​ക്ഷം വ​രെ 250 രൂ​പ, 20 മു​ത​ൽ 50 ല​ക്ഷം വ​രെ 500 രൂ​പ, 50 ല​ക്ഷം മു​ത​ൽ ഒ​രു കോ​ടി രൂ​പ വ​രെ 1000 രൂ​പ, ഒ​രു കോ​ടി രൂ​പ​ക്ക്​ മു​ക​ളി​ൽ 2500 രൂ​പ എ​ന്നി​ങ്ങ​നെ പു​തു​ക്കി നി​ശ്ച​യി​ച്ചു.

ചെ​ക്ക് കേ​സു​ക​ളി​ലെ കോ​ർ​ട്ട്​ ഫീ ​ഇ​ങ്ങ​നെ:

ചെ​ക്ക് കേ​സു​ക​ളി​ൽ 50,000 രൂ​പ വ​രെ​യു​ള്ള വ്യ​വ​ഹാ​ര​ങ്ങ​ൾ​ക്ക് 250 രൂ​പ കോ​ർ​ട്ട് ഫീ ​സ്റ്റാ​മ്പ് ഒ​ടു​ക്ക​ണം. 50,000 മു​ത​ൽ ര​ണ്ടു ല​ക്ഷം രൂ​പ വ​രെ 500 രൂ​പ​യും, ര​ണ്ടു ല​ക്ഷം മു​ത​ൽ അ​ഞ്ചു ല​ക്ഷം രൂ​പ വ​രെ 750 രൂ​പ​യും, അ​ഞ്ചു ല​ക്ഷം മു​ത​ൽ 10 ല​ക്ഷം രൂ​പ വ​രെ 1000 രൂ​പ​യും, 10 ല​ക്ഷം മു​ത​ൽ 20 ല​ക്ഷം രൂ​പ വ​രെ 2000 രൂ​പ​യും, 20 ല​ക്ഷം മു​ത​ൽ 50 ല​ക്ഷം രൂ​പ വ​രെ 5000 രൂ​പ​യും, 50 ല​ക്ഷ​ത്തി​ന് മു​ക​ളി​ൽ 10,000 രൂ​പ​യും കോ​ർ​ട്ട് ഫീ​സ് ഒ​ടു​ക്ക​ണം. അ​പ്പീ​ലി​ൽ, വെ​റു​തെ വി​ടു​ന്ന ബി​ല്ലു​ക​ളി​ൽ ര​ണ്ടു ല​ക്ഷം രൂ​പ വ​രെ 500 രൂ​പ​യും ര​ണ്ടു ല​ക്ഷ​ത്തി​ന് മു​ക​ളി​ൽ 1000 രൂ​പ​യും ഒ​ടു​ക്കി​യാ​ൽ മ​തി.

പാ​ട്ട​ക്ക​രാ​റു​ക​ൾ​ക്ക് സ്റ്റാ​മ്പ് ഡ്യൂ​ട്ടി

പാ​ട്ട​ക്ക​രാ​റു​ക​ൾ​ക്ക് ഒ​രു വ​ർ​ഷ​ത്തി​ൽ താ​ഴെ കാ​ലാ​വ​ധി​ക്ക്​ 500 രൂ​പ​യും, ഒ​രു വ​ർ​ഷ​ത്തി​ന് മു​ക​ളി​ൽ അ​ഞ്ചു വ​ർ​ഷം വ​രെ വ​സ്തു​വി​ന്റെ മൂ​ല്യ​ത്തി​ന്റെ 10 ശ​ത​മാ​നം (കു​റ​ഞ്ഞ​ത് 500 രൂ​പ), അ​ഞ്ചു വ​ർ​ഷം മു​ത​ൽ 10 വ​ർ​ഷം വ​രെ ക​രാ​റു​ക​ൾ​ക്ക് 20 ശ​ത​മാ​നം (കു​റ​ഞ്ഞ​ത് 1000 രൂ​പ) 10 വ​ർ​ഷം മു​ത​ൽ 20 വ​ർ​ഷം വ​രെ ക​രാ​റു​ക​ൾ​ക്ക് 35 ശ​ത​മാ​നം (മി​നി​മം 2000 രൂ​പ) 20 വ​ർ​ഷ​ത്തി​ന് മു​ക​ളി​ൽ 30 വ​ർ​ഷം വ​രെ 60 ശ​ത​മാ​നം, 30 വ​ർ​ഷ​ത്തി​ന് മു​ക​ളി​ൽ 90 ശ​ത​മാ​നം എ​ന്നി​ങ്ങ​നെ സ്റ്റാ​മ്പ് ഡ്യൂ​ട്ടി നി​ശ്ച​യി​ച്ചു.