ഒടുവിൽ സഭ കൈവിട്ടു; പടിയിറങ്ങി ഫ്രാങ്കോ

കോ​ട്ട​യം: ക​ന്യാ​സ്ത്രീ​യെ ബ​ലാ​ത്സം​ഗം ചെ​യ്‌​തെ​ന്ന കേ​സി​ല്‍ കു​റ്റ​മു​ക്ത​നാ​ക്കി​യ​തി​നെ​തി​രാ​യ അ​പ്പീ​ൽ ഹൈ​കോ​ട​തി​യു​ടെ പ​രി​ഗ​ണ​ന​യി​ലി​രി​ക്കെ, ബി​ഷ​പ്​ ഫ്രാ​ങ്കോ മു​ള​യ്ക്ക​ലി​ന്‍റെ പ​ടി​യി​റ​ക്കം. വി​ചാ​ര​ണ​ക്കോ​ട​തി വി​ധി റ​ദ്ദാ​ക്ക​ണ​മെ​ന്ന്​ ആ​വ​ശ്യ​പ്പെ​ട്ട്​ സം​സ്ഥാ​ന സ​ർ​ക്കാ​റും ക​ന്യാ​സ്ത്രീ​യു​മാ​ണ്​ ഹൈ​കോ​ട​തി​യി​ൽ അ​പ്പീ​ൽ ന​ൽ​കി​യ​ത്. പ്രോ​സി​ക്യൂ​ഷ​ൻ തെ​ളി​വു​ക​ൾ വി​ചാ​ര​ണ​ക്കോ​ട​തി വേ​ണ്ട വി​ധ​ത്തി​ൽ പ​രി​ഗ​ണി​ച്ചി​ല്ലെ​ന്ന്​ കാ​ട്ടി​യാ​ണ്​ ഇ​വ​ർ ​ഹൈ​കോ​ട​തി​യെ സ​മീ​പി​ച്ച​ത്.

ക​ന്യാ​സ്ത്രീ​യെ ബ​ലാ​ത്സം​ഗം ചെ​യ്‌​തെ​ന്ന കേ​സി​ല്‍ 2020 ജ​നു​വ​രി 14നാ​ണ്​ ബി​ഷ​പ്​ ഫ്രാ​ങ്കോ​യെ വെ​റു​തെ​വി​ട്ട്​ കോ​ട്ട​യം അ​ഡീ​ഷ​ന​ല്‍ സെ​ഷ​ന്‍സ് കോ​ട​തി ഉ​ത്ത​ര​വി​ട്ട​ത്. ഈ ​വി​ധി വ​ന്ന്​ ഒ​ന്ന​ര​വ​ർ​ഷം പി​ന്നി​ടു​മ്പോ​ഴാ​ണ്​ വ​ത്തി​ക്കാ​ൻ ഇ​ട​പെ​ട​ലി​ലൂ​ടെ രൂ​പ​ത ഭ​ര​ണ​ത്തി​ൽ​നി​ന്ന്​ ഫ്രാ​ങ്കോ മു​ള​യ്ക്ക​ൽ പു​റ​ത്താ​കു​ന്ന​ത്. ജ​ല​ന്ധ​ർ രൂ​പ​ത​യു​ടെ കീ​ഴി​ൽ കോ​ട്ട​യം കു​റ​വി​ല​ങ്ങാ​ട്ട്​​ പ്ര​വ​ർ​ത്തി​ക്കു​ന്ന മി​ഷ​ന​റീ​സ് ഓ​ഫ് ജീ​സ​സ് മ​ഠ​ത്തി​ല്‍വെ​ച്ച് 2014 മു​ത​ല്‍ 2016 വ​രെ കാ​ല​യ​ള​വി​ല്‍ 13 ത​വ​ണ ബി​ഷ​പ് ഫ്രാ​ങ്കോ പീ​ഡി​പ്പി​ച്ചെ​ന്നാ​യി​രു​ന്നു ക​ന്യാ​സ്ത്രീ​യു​ടെ പ​രാ​തി.

2017 ജൂ​ണ്‍ 27നാ​ണ്​ ബി​ഷ​പ്പി​നെ​തി​രെ ക​ന്യാ​സ്ത്രീ കോ​ട്ട​യം ജി​ല്ല പൊ​ലീ​സ് മേ​ധാ​വി​ക്ക് പ​രാ​തി ന​ല്‍കി​യ​ത്. ഇ​തി​ൽ കു​റ​വി​ല​ങ്ങാ​ട്​ പൊ​ലീ​സ്​ കേ​സെ​ടു​ക്കു​ക​യും അ​ന്വേ​ഷ​ണ​ച്ചു​മ​ത​ല വൈ​ക്കം ഡി​വൈ.​എ​സ്.​പി​യാ​യി​രു​ന്ന കെ. ​സു​ഭാ​ഷി​ന്​ കൈ​മാ​റു​ക​യും ചെ​യ്തു. നി​ര​വ​ധി പേ​രു​ടെ മൊ​ഴി​യും രേ​ഖ​പ്പെ​ടു​ത്തി​യെ​ങ്കി​ലും ര​ണ്ടു​മാ​സം ക​ഴി​ഞ്ഞി​ട്ടും തു​ട​ർ ന​ട​പ​ടി​യു​ണ്ടാ​യി​ല്ല. ഇ​തി​നി​ടെ, കേ​സി​ൽ​നി​ന്ന്​ പി​ന്മാ​റാ​ൻ അ​ഞ്ചു​കോ​ടി വാ​ഗ്ദാ​നം ല​ഭി​ച്ചെ​ന്ന വെ​ളി​പ്പെ​ടു​ത്ത​ലു​ക​ൾ പു​റ​ത്തു​വ​ന്ന​തോ​ടെ പൊ​ലീ​സ്​ വീ​ണ്ടും ഉ​ണ​ർ​ന്നു.

2018 ആ​ഗ​സ്റ്റ് പ​ത്തി​ന്​ ജ​ല​ന്ധ​റി​ലെ​ത്തി​യ അ​ന്വേ​ഷ​ണ​സം​ഘം 13ന്​ ​ബി​ഷ​പ് ഫ്രാ​ങ്കോ മു​ള​യ്ക്ക​ലി​നെ ചോ​ദ്യം ചെ​യ്തു. ഇ​തി​നു​ശേ​ഷ​വും അ​ന്വേ​ഷ​ണം ഇ​ഴ​ഞ്ഞു​നീ​ങ്ങി​യ​തോ​ടെ 2018 സെ​പ്റ്റം​ബ​ർ എ​ട്ടി​ന്​ കു​റ​വി​ല​ങ്ങാ​ട്​ മ​ഠ​ത്തി​ലെ സി​സ്റ്റ​ർ അ​നു​പ​മ​യു​ടെ നേ​തൃ​ത്വ​ത്തി​ൽ ബി​ഷ​പ്പി​ന്‍റെ അ​റ​സ്റ്റ് ആ​വ​ശ്യ​പ്പെ​ട്ട് അ​ഞ്ച്​ ക​ന്യാ​സ്ത്രീ​ക​ൾ അ​നി​ശ്ചി​ത​കാ​ല ഉ​പ​വാ​സ സ​മ​രം ആ​രം​ഭി​ച്ചു. ഭ​ര​ണ-​സ​ഭാ നേ​തൃ​ത്വ​ങ്ങ​ളെ ഞെ​ട്ടി​ച്ച സ​മ​ര​ത്തി​ന്​ വ​ൻ പി​ന്തു​ണ​യാ​ണ്​ ല​ഭി​ച്ച​ത്. ഇ​തോ​ടെ സെ​പ്റ്റം​ബ​ര്‍ 12ന്​ ​പൊലീസ് ബി​ഷ​പ്പി​ന് നോ​ട്ടീ​സ് ന​ല്‍കി.

പി​ന്നാ​ലെ ഫ്രാ​ങ്കോ മു​ള​യ്ക്ക​ല്‍ ജ​ല​ന്ധ​ര്‍ രൂ​പ​ത​യു​ടെ ചു​മ​ത​ല​ക​ള്‍ കൈ​മാ​റി കൊ​ച്ചി​യി​ലെ​ത്തി ചോ​ദ്യം ചെ​യ്യ​ലി​ന് ഹാ​ജ​രാ​യി. ഇ​തി​നു​പി​ന്നാ​ലെ അ​ദ്ദേ​ഹ​ത്തെ സ​ഭാ ചു​മ​ത​ല​ക​ളി​ൽ​നി​ന്ന് നീ​ക്കി. മൂ​ന്നു​ദി​വ​സം നീ​ണ്ട ചോ​ദ്യം ചെ​യ്യ​ലു​ക​ൾ​ക്കു​ശേ​ഷം 2018 സെ​പ്റ്റം​ബ​ര്‍ 21ന് ​ഫ്രാ​ങ്കോ​യു​ടെ അ​റ​സ്റ്റ് രേ​ഖ​പ്പെ​ടു​ത്തി. പാ​ലാ കോ​ട​തി​യി​ല്‍ ഹാ​ജ​രാ​ക്കി​യ ഫ്രാ​ങ്കോ​യെ കോ​ട​തി റി​മാ​ന്‍ഡ് ചെ​യ്തു.

5968ാം ന​മ്പ​ര്‍ ത​ട​വു​കാ​ര​നാ​യി ഫ്രാ​ങ്കോ​യെ പാ​ലാ ജ​യി​ലി​ല​ട​ച്ചു. ര​ണ്ടാ​ഴ്ച​യി​ലേ​റെ നീ​ണ്ട ജ​യി​ല്‍വാ​സ​ത്തി​ന് ശേ​ഷം 2018 ഒ​ക്ടോ​ബ​ര്‍ 15ന് ​ഹൈ​കോ​ട​തി ജാ​മ്യ​വും അ​നു​വ​ദി​ച്ചു. തു​ട​ർ​ന്ന്,​ വി​ചാ​ര​ണ ആ​രം​ഭി​ച്ചെ​ങ്കി​ലും കേ​സ്​ നീ​ട്ടി​ക്കൊ​ണ്ടു​പോ​കാ​നും നി​ര​ന്ത​ര ശ്ര​മ​ങ്ങ​ളു​ണ്ടാ​യി. ബ​ലാ​ത്സം​ഗം, അ​ധി​കാ​രം ഉ​പ​യോ​ഗി​ച്ച് സ്ത്രീ​യെ ലൈം​ഗി​ക​മാ​യി പീ​ഡി​പ്പി​ക്ക​ല്‍ എ​ന്നി​വ ഉ​ള്‍പ്പെ​ടെ ഏ​ഴ്​ വ​കു​പ്പു​ക​ള്‍ പ്ര​കാ​ര​മു​ള്ള കു​റ്റ​ങ്ങ​ളാ​ണ്​ ചു​മ​ത്തി​യി​രു​ന്ന​ത്. ആ​കെ 83 സാ​ക്ഷി​ക​ളി​ൽ 39 പേ​രെ വി​ചാ​ര​ണ​ക്കി​ടെ വി​സ്ത​രി​ച്ചി​രു​ന്നു. ഒ​ടു​വി​ൽ 2020 ജ​നു​വ​രി 14ന്​ 105 ​ദി​വ​സ​ത്തെ വി​സ്താ​ര​ത്തി​നു​ശേ​ഷ​മാ​യി​രു​ന്നു ‘വെ​റു​തെ വി​ടു​ന്നു’ എ​ന്ന ഒ​റ്റ​വ​രി വി​ധി. കോ​ട്ട​യം അ​ഡീ​ഷ​ന​ല്‍ സെ​ഷ​ന്‍സ് കോ​ട​തി ജ​ഡ്ജി ജി. ​ഗോ​പ​കു​മാ​റാ​യി​രു​ന്നു വി​ധി പ​റ​ഞ്ഞ​ത്.

പ്രതികരിക്കാനില്ലെന്ന്​ സിസ്റ്റർ അനുപമ

കോ​ട്ട​യം: ബി​ഷ​പ് ഫ്രാ​ങ്കോ മു​ള​യ്ക്ക​ലി​ന്‍റെ രാ​ജി​യി​ൽ ത​ൽ​ക്കാ​ലം പ്ര​തി​ക​രി​ക്കാ​നി​ല്ലെ​ന്ന്​ ​ സി​സ്റ്റ​ർ അ​നു​പ​മ. രാ​ജി വാ​ർ​ത്ത അ​റി​ഞ്ഞു. ഇ​​പ്പോ​ഴൊ​ന്നും പ​റ​യാ​നി​ല്ലെ​ന്നും അ​വ​ർ പ​റ​ഞ്ഞു.

ബി​ഷ​പ്പി​നെ​തി​രെ പ​രാ​തി ന​ൽ​കി​യ മി​ഷ​ന​റീ​സ് ഓ​ഫ് ജീ​സ​സ് സ​ന്യാ​സ സ​ഭാം​ഗ​വും കു​റ​വി​ല​ങ്ങാ​ട് നാ​ടു​കു​ന്ന് സെ​ന്‍റ്​​ ഫ്രാ​ൻ​സി​സ് മി​ഷ​ൻ ഹോ​മി​ലെ അ​ന്തേ​വാ​സി​യു​മാ​യ ക​ന്യാ​സ്ത്രീ​ക്ക്​ പി​ന്തു​ണ​യു​മാ​യി ആ​ദ്യം മു​ത​ൽ ഉ​റ​ച്ചു​നി​ന്ന​ത്​ അ​നു​പ​മ​യാ​യി​രു​ന്നു. ബി​ഷ​പ്പി​നെ അ​റ​സ്​​റ്റ്​ ചെ​യ്യ​ണ​മെ​ന്നാ​വ​ശ്യ​പ്പെ​ട്ട്​ ന​ട​ത്തി​യ സ​മ​ര​ത്തി​ന്​ നേ​തൃ​ത്വം ന​ൽ​കി​യ​തും അ​നു​പ​മ​യാ​യി​രു​ന്നു.