പ​ത്ര​പ​ര​സ്യം ന​ൽ​കി കാ​ത്തി​രു​ന്നു, തേടുന്നയാളെ കണ്ടെത്തി; മകൻ ഇനി ഉപ്പയുടെ കടം വീട്ടും...

കൊ​ല്ലം: പി​താ​വി​ന്‍റെ മൂ​ന്ന്​ പ​തി​റ്റാ​ണ്ട്​ പ​ഴ​ക്ക​മു​ള്ള ക​ടം വീ​ട്ടാ​ൻ പ​ത്ര​പ​ര​സ്യം ന​ൽ​കി കാ​ത്തി​രു​ന്ന മ​ക​ന്‍റെ അ​ന്വേ​ഷ​ണം ല​ക്ഷ്യ​ത്തി​ലെ​ത്തി. വാ​ട്സ്ആ​പ്പി​ൽ ആ​ദ്യം കി​ട്ടി​യ ചി​ത്ര​ങ്ങ​ളി​ലൊ​ന്ന് പി​താ​വി​ന്‍റെ സു​ഹൃ​ത്ത്​ ലൂ​ഷ്യ​സി​ന്‍റേ​താ​ണെ​ന്ന് ഉ​റ​പ്പാ​ക്കി​യ മ​ക​ൻ കു​ടും​ബാം​ഗ​ങ്ങ​ളെ നേ​രി​ൽ ക​ണ്ട് സം​സാ​രി​ച്ചു. പെ​രു​മാ​തു​റ മാ​ട​ൻ​വി​ള പു​ളി​മൂ​ട്ടി​ൽ അ​ബ്ദു​ല്ല​യു​ടെ (ഹ​ബീ​ബു​ല്ല) ര​ണ്ടാ​മ​ത്തെ മ​ക​ൻ നാ​സ​റാ​ണ് പി​താ​വ് വ​ർ​ഷ​ങ്ങ​ൾ​ക്ക് മു​മ്പ് ഗ​ൾ​ഫി​ൽ​വെ​ച്ച് വാ​ങ്ങി​യ ക​ടം വീ​ട്ടാ​ൻ പ​ത്ര​പ​ര​സ്യം ന​ൽ​കി​യ​ത്.

ലൂ​ഷ്യ​സി​ന്‍റെ കു​ടും​ബം പ​ര​വൂ​ർ തെ​ക്കും​ഭാ​ഗ​ത്തു​ണ്ടെ​ന്ന്​ മ​ന​സ്സി​ലാ​ക്കി​യ നാ​സ​ർ ഞാ​യ​റാ​ഴ്ച അ​വി​ടെ​യെ​ത്തി കു​ടും​ബാം​ഗ​ങ്ങ​ളു​മാ​യി സം​സാ​രി​ച്ചു. നാ​സ​റി​നെ നി​റ​ഞ്ഞ സ്നേ​ഹ​ത്തോ​ടെ​യാ​ണ് അ​വ​ർ വ​ര​വേ​റ്റ​ത്.

സ്നേ​ഹാ​ന്വേ​ഷ​ണം പ​ങ്കു​വെ​ച്ച്​ പി​രി​ഞ്ഞ നാ​സ​ർ വ​രും​ദി​വ​സം പി​താ​വ് വാ​ങ്ങി​യ ക​ടം കു​ടും​ബ​ത്തി​ന്​ കൈ​മാ​റും. മൂ​ന്നു​വ​ർ​ഷം മു​മ്പ് ലൂ​ഷ്യ​സ് മ​രി​ച്ചു. പ​ണം വേ​ണ്ടെ​ന്ന് ലൂ​ഷ്യ​സി​ന്‍റെ കു​ടും​ബം സ്നേ​ഹ​ത്തോ​ടെ പ​റ​ഞ്ഞെ​ങ്കി​ലും വീ​ട്ടേ​ണ്ട​ത് ക​ട​മ​യാ​ണെ​ന്ന് നാ​സ​ർ മ​റു​പ​ടി ന​ൽ​കി. 1978-80 കാ​ല​ത്ത്​ ദു​ബൈ​യി​ൽ​വെ​ച്ചാ​ണ് ലൂ​ഷ്യ​സ് അ​ബ്ദു​ല്ല​യെ പ​ണം ന​ൽ​കി സ​ഹാ​യി​ച്ച​ത്. ക​ടം വീ​ട്ടാ​ൻ കാ​ത്തി​രു​ന്ന അ​ബ്ദു​ല്ല ക​ഴി​ഞ്ഞ​മാ​സം 23ന് ​മ​രി​ച്ചു. മ​ക്ക​ളോ​ട് വി​വ​രം നേ​ര​ത്തേ പ​റ​ഞ്ഞി​രു​ന്നു.

തുടർന്ന് നാസർ നൽകിയ പ​ത്ര​പ​ര​സ്യം സ​മൂ​ഹ​മാ​ധ്യ​മ​ങ്ങ​ളി​ൽ വൈ​റ​ലാ​യ​ിരുന്നു. ലൂ​ഷ്യ​സി​ന്‍റെ കു​ടും​ബം ആ​ദ്യം അ​യ​ച്ച ചി​ത്രം പു​തി​യ​താ​യ​തി​നാ​ൽ തി​രി​ച്ച​റി​യാ​ൻ വൈ​കി.

സ​ഹോ​ദ​ര​ൻ ബേ​ബി​യു​ടെ മ​ക​ൾ ലൂ​ഷ്യ​സി​ന്‍റെ പ​ഴ​യ​ ചി​ത്രം അ​യ​ച്ച​തോ​ടെ​യാ​ണ് അ​ന്വേ​ഷ​ണം പ​രി​സ​മാ​പ്തി​യി​ലെ​ത്തി​യ​ത്. പി​താ​വി​നൊ​പ്പം നാ​ട്ടി​ലും ഗ​ൾ​ഫി​ലും ജോ​ലി ചെ​യ്തി​രു​ന്ന പെ​രു​ങ്കു​ഴി സ്വ​ദേ​ശി റ​ഷീ​ദി​നെ കാ​ണി​ച്ചാ​ണ് ഫോ​ട്ടോ തി​രി​ച്ച​റി​ഞ്ഞ​ത്.