Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightKeralachevron_rightത​െൻറ വാക്കുകൾ...

ത​െൻറ വാക്കുകൾ വള​െച്ചാടിച്ചു; വിശദീകരണവുമായി​ നടി അമല പോൾ

text_fields
bookmark_border
ത​െൻറ വാക്കുകൾ വള​െച്ചാടിച്ചു; വിശദീകരണവുമായി​ നടി അമല പോൾ
cancel

ഹാഥറസ്​ വിഷയത്തിൽ ത​െൻറ അഭിപ്രായം വളച്ചൊടി​െച്ചന്ന്​ നടി അമലപോൾ​. ത​െൻറ വാദങ്ങളെ വിവാദമാക്കാനായി മാത്രം ഉപയോഗിക്കുകയായിരുന്നെന്നാണ്​ നടി പറയുന്നത്​. ഹാഥറസ്​ വിഷയത്തിൽ നടി ഇൻസ്​റ്റഗ്രാമിൽ പങ്കുവച്ച സ്​റ്റോറിയാണ്​ വിവാദമായത്​. അനീതിക്കെതിരെ ഇനിയും നാം നിശ്ശബ്​ദതപാലിക്കുന്നതിനെപറ്റി രോഷം പ്രകടിപ്പിച്ചാണ്​ അമല പോസ്​റ്റ്​ ഷെയർ ചെയ്​തത്​​. പെൺകുട്ടികൾക്കുണ്ടാകുന്ന ദുരവസ്​ഥകൾക്ക്​ കാരണം സമൂഹത്തി​െൻറ നിശ്ശബ്​ദതയാ​ണെന്ന്​ അമല പോസ്​റ്റിൽ പറഞ്ഞു.


'അവളെ ബലാത്സംഗം ചെയ്തു, അവളെ കൊന്നു, പിന്നീടവളെ കത്തിച്ച്​ ചാരമാക്കി. ആരാണിത് ചെയ്തത്? ജാതി വ്യവസ്ഥയല്ല, യുപി പൊലീസോ, യോഗി ആദിത്യനാഥോ അല്ല. നമ്മളിൽ നിശ്ശബ്​ദത പാലിക്കുന്നവരാരോ അവരാണിത് ചെയ്തത്'-എന്നാണ്​ അമലയുടെ സ്​റ്റോറി. അമല സംഘപരിവാർ ന്യായീകരണം അതേപടി നിരത്തുകയാണെന്ന്​ ആരോപിച്ച്​ സമൂഹമാധ്യമങ്ങളിൽ ഒരു വിഭാഗം പ്രതിഷേധവുമായി രംഗത്ത്​ എത്തിയിരുന്നു​. സംഭവത്തിൽ നിന്ന്​ പൊലീസിനേയും യോഗി ആദിത്യനാഥിനേയും കുറ്റവിമുക്​തരാക്കാനുള്ള സംഘപരിവാർ ശ്രമങ്ങളുടെ ഭാഗമായാണ്​ ഇത്തരംകാര്യങ്ങൾ പ്രചരിപ്പിക്കുന്നതെന്ന്​ ഇവർ പറയുന്നു.

പെൺകുട്ടിയുടെ കൊലപാതകം മൂടിവയ്​ക്കാനും തെളിവ്​ നശിപ്പിക്കുന്നതിനും ശ്രമിക്കുന്നത്​ യു.പി പൊലീസാണ്​. അവരാണ്​ യഥാർഥ പ്രതികളെന്നുമാണ്​ ഇക്കൂട്ടരുടെ വാദം.ത​െൻറ വാക്കുകൾ വളച്ചൊടിച്ചതാണെന്നും താൻ പെൺകുട്ടിക്ക്​ ​െഎക്യദാർഢ്യം പ്രഖ്യാപിച്ചതാണെന്നും അമല പറഞ്ഞു. പബ്ലിക്​ ഫിഗർ ആയതുകൊണ്ടുമാത്രം ത​െൻറ അഭിപ്രായം വളച്ചൊടി​െച്ചന്നും അതിന്​ ജാതിയുടേയും മതത്തി​െൻറയും നിറം നൽകിയെന്നും അവർ ആരോപിച്ചു.


Show Full Article
TAGS:amala paul FILM ACTRESS Hathras case hathras rape Instagram 
Next Story