തൃക്കരിപ്പൂരിൽ മീൻവണ്ടികൾ പിടികൂടി പിഴയിട്ടു

തൃക്കരിപ്പൂർ: മത്സ്യമാർക്കറ്റിൽ കച്ചവടത്തിനെത്തിയ മീൻവണ്ടികൾ പൊലീസ് പിടികൂടി. മത്സ്യവിപണനം നിരോധിച്ച ഇവിടെ പാതയോരത്ത് വാഹനത്തിൽ മീൻ മൊത്തവിൽപന നടത്തിയ രണ്ടു വാഹനങ്ങൾ ചന്തേര പൊലീസ് പിടികൂടി പിഴയടപ്പിച്ചു.

ചോമ്പാലയിൽനിന്നും​ തളിപ്പറമ്പ് കുപ്പത്തുനിന്നുമാണ് മീൻ കൊണ്ടുവന്നത്. പകർച്ചവ്യാധി വ്യാപന നിരോധന നിയമപ്രകാരമാണ് ചന്തേര പൊലീസ് പിഴയിട്ടത്.

ചന്തേര അഡീഷനൽ എസ്.ഐ എൻ. സുവർണൻ, എ.എസ്.ഐ വി.എം. മധുസൂദനൻ എന്നിവരുടെ നേതൃത്വത്തിലാണ് വാഹനങ്ങൾ പിടികൂടിയത്. തൃക്കരിപ്പൂർ മത്സ്യമാർക്കറ്റിനോട് ചേർന്ന് കോഴിക്കട തുറന്നതിനെതിരെയും പൊലീസ് കേസെടുത്തു.